7/2/2022
Today from Hiiraan Online:  _
Wararka Maanta- Isniin, Jun 20, 2022
Ergayga gaarka ah ee Arrimaha Abaaraha iyo ku xigeenka Wakiilka gaarka ah ee Qaramada Midoobay oo Maanta gaaray degmada Dooloow

Isniin, Juun, 20, 2022 (HOL) - Ergeyga gaarka ah ee Madaxweynaha Soomaaliya u qaabilsan Arrimaha Bani'aadannimada iyo gurmadka Abaaraha, Xildhibaan Cabdiraxmaan Cabdishakuur Warsame ayaa safar shaqo maanta ku tagay magaalada Doolow ee gobolka Gedo.

Ergeyga waxaa safarka ku wehlinayay ku xigeenka Wakiilka gaarka ah ee Qaramada Midoobay Adam Abdelmoula oo sidoo kale ah Xiriiriyaha iyo Isuduwaha Hawlaha Bani'aadamnimada ee Hawlgalka Kaalmeynta Qaramada Midoobay ee Soomaaliya (UNSOM).

Xubno ka socda Xafiiska Qaramada Midoobay ee Isku dibaridka Arrimaha Bini'aadannimo OCHA ayaa sidoo kale ergayga ku wehliyay socdaalka shaqo, kaasoo ku qotoma u kuur galidda xaaladdaha abaaraha iyo nolosha danyarta abaaruhu saameeyeen.

Ugu horreyn ergeyga ayaa maamulka gobolka iyo kan degmada ka dhageystay warbixinta xaaladaha abaareed ee ka taagan guud ahaan gobolka Gedo gaar ahaan degmada Doolow, ergeygu wuxuu kormeer ku tagay, xeryo barakac oo ku yaalla gudaha iyo duleedka magaaada, Sida; Xerada Kabaaso, oo barakacayaasha ku jiraa u badan yihiin carruur, haween iyo dad da’ ah oo u baahan gargaar iyo garab istaag degdeg ah.

Doolow ayaa ah magaalo marti galinaysa kumannaan qoys oo abaaruhu soo ceyrteeyeen, kadib afar xili roobaad oo baaqday, cunto yarida iyo nafaqo xumada ayaa la filayaa inay ka sii darto, haddii gargaarka bini'aadannimo aan kor loo qaadin oo aan la joogteyn.

Dhawaan Warbaahinta ayaa si weyn u tabisay sheekooyinka Hooyo Xaawo Keerow oo gaajo awgeed diirka dhirta oo la tumey biyo kulul ku darsatey iyo Kaafiya Nuur oo ka dul tagi weysay qabriga walaalaheed mataano ah, Ceebla iyo Cabdiya oo gaajo ugu geeriyooday Doolow.

Socdaalkaan ayaa ka dhigan midkii saddexaad ee ergaygu ku tago gobolada dalka, isagoo u kuur galaya xaaladaha bani’aadannimo, wuxuuna hore u booqday magaalooyinka Baydhabo iyo Buuloburde oo barakacayaal baaxad leh ku nool yihin.

Ergayga ayaa ugu dambeyntii ugu baaqay shacabka Soomaaliyeed kuwooda wax haysta, dowladda, deeq bixiyaasha, hay’adaha Qaramada Midoobay inay si deg deg ah gurmad u gaar siiyaan dadka tabaalaysan, si macaluusha kusoo wajahan loga hortago.

Jamaal Cali Cabdi, Hiiraan Online












Click here
6/20/2022 10:55 AM EST
Isniin, Juun, 20, 2022 (HOL) - Sida ay Warbaahinta u sheegeen dad goob joogayaal ah, ku dhawaad 300 oo qof oo Axmaaro u badan ayaa lagu dilay dalka Itoobiya, gaar ahaan degaanka Oromiya, goobta lagu magacaabo Gimbi oo ay degaan qawmiyadda Axmaaradu, waxaana lagu eedeeyay Jabhadda Oromada ah ee OLA.

6/20/2022 7:43 AM EST
Isniin, Juun, 20, 2022 (HOL) - Wasiirka maaliyadda Soomaaliya, Cabdiraxman Ducaale Beyle, ayaa been abuur ku tilmaamay in qasbada dowladda ay ka buuxdo lacago badan oo ay ka tagtay dowladdii uu katirsanaa.

6/20/2022 6:55 AM EST
Isniin, Juun, 20, 2022 (HOL) - Golaha Wakiilada Somaliland, ayaa codka kalsoonida siiyay 4 xubnood oo kamid ah 7 xubnood oo dhawaan losoo xulay in ay noqdaan Guddida Doorashooyinka Somaliland.

6/20/2022 6:26 AM EST
Isniin, Juun, 20, 2022 (HOL) - Dowladda Soomaaliya iyo dowladda Shiinaha ayaa maanta Muqdisho ku kala saxiixday heshiis gargaar loogu soo dhoofinayo Soomaaliya.

6/20/2022 4:48 AM EST
Isniin, Juun, 20, 2022 (HOL) - Wararka ka imaanaya degmada Ceelbuur ee gobolka Galgaduud ayaa sheegaya in dagaalamayaasha Al-shabaab si xoog ah kula wareegtay maamulka Isbitaalka guud ee degmada Ceelbuur, halkaas oo ay dhigeen dhaawacyo aad u badan oo dagaalyahano ka tirsan Shabaab ka soo gaaray dagaalkii dhawaan ka dhacay deegaanka Baxdo.

6/20/2022 2:13 AM EST
Isniin, Juun, 20, 2022 (HOL) - Xisbiga mucaaradka Somaliland ee Waddani, ayaa waxba kama jiraan ku tilmaamay eedaynta Booliiska Somaliland ee ah in madaxda xisbigu ay qorteen ilaalo shacab hubaysan ah.

6/20/2022 2:03 AM EST
Isniin, Juun, 20, 2022 (HOL) - Wararka ka imaanaya degmada Maxaas ee gobolka Hiiraan ayaa sheegaya in halkaasi ay ka jirto xaalada nafaqadaro ah oo mareysa heerkii ugu darnaa abid.

6/20/2022 1:34 AM EST
Isniin, Juun, 20, 2022 (HOL) - Madaxweyne ku xigeenka maamulka Puntland Axmed Karaash, ayaa u diiday inuu shir kala qeyb galo wasiirka arrimaha gudaha Puntland, Maxamed Cabdiraxmaan Dhabancad oo kamid ahaa saddexdii wasiir ee uu xilka ka qaaday 5tii bishii may.