1/24/2022
Today from Hiiraan Online:  _
Wararka Maanta- Jimco, Jan 7 , 2022
Raysal wasaaraha Soomaaliya oo shaaciyay in dowladda Imaaraadka Carabta dib loogu celinayo lacagtii looga qabtay garoonka diyaaradaha Muqdisho
 

Jimco, Janaayo, 7, 2022 (HOL) - Raysal wasaaraha Xukuumadda xilgaarsiinta Soomaaliya Maxamed Xuseen Rooble ayaa maanta raali galin ka bixiyay dhacdadii dowladda Imaaraadka  Carabta loogala wareegay lacag gaareysay  sagaal Milyan bishii April ee sanadkii 2018, taasoo lagu qabtay gudaha garoonka Aadan Cadde ee magaalada Muqdisho.

Raysal wasaare Maxamed Xuseen Rooble ayaa u balan qaaday dowladda Imaaraadka Carabta in lacagtaas oo ku jirta gacanta dowladda dib loogu wareejin doono sida ugu dhaqsiyaha badan dowladda Imaaraadka.

Rooble ayaa hadalkaan sheegay xili maanta ay la wareegayeen deeq gargaar ah oo dowladda Imaaraadka Carabta keentay Soomaaliya, taasoo loogu talagalay gurmadka abaaraha baahansan ee xiligaan ka jira inta badan gobolada dalka Soomaaliya, waxaana deeqdan guddoomay Wasiirka Gargaarka iyo Maareynta Musiibooyinka Xukuumadda Soomaaliya Khadiijo Maxamed Diiriye.

Deeqda Maanta Imaaraadka Carabta soo gaarsiisay Soomaaliya ayaa aheyd Macaawino gaareysa 26-tan, oo isugu jirta Cuntooyinka nuucyadeeda kala duwan.

Dowladda Imaaraadka ayaa horay u balan qaaday iney ka qeyb qaadaneyso u gurmashada dadka Soomaaliyeed ee saameynta ba'an ku yeelatay abaaraha ku dhuftay inta badan gobolada dalka Soomaaliya.

Gabagabadii Raysal wasaaraha Soomaaliya ayaa uga mahadceliyay dowladda Imaaraadka deeqdan gargaarka ah ay maanta soo gaarsiiyeen, isagoona sheegay iney ka go'an tahay xoojinta xiriirka soo jireenka ahaa ee ka dhaxeeyay dowladaha Soomaaliya iyo Imaaraadka Carabta.

Jamaal Cali Cabdi, Hiiraan Online












Click here
1/7/2022 3:43 PM EST
Jimco, Janaayo, 7, 2022 (HOL) - Madaxweyne Farmaajo ayaa Bangiga Dhexe ku amray inaan laga bixin qasnada lacag $9.6 milyan oo ay Dowladda Imaaraadka leedahay.

1/7/2022 1:54 PM EST
Jimco, Janaayo, 7, 2022 (HOL) - Shirka Golaha wadatashiga Qaranka ee u dhaxeeya Raysal wasaaraha Soomaaliya, shanta madaxweyne goboleed iyo guddoomiyaha gobolka Banaadir ayaa goordhaw oo Caawa ah dib uga bilaawday Hotelka Decale ee magaalada Muqdisho.

1/7/2022 1:48 PM EST
Jimco, January, 7, 2022 (HOL) - Guddoomiyaha Xisbiga UCID Faysal Cali Waraabe, ayaa Raysal Wasaaraha Soomaaliya Maxamed Xuseen Rooble, iyo dadka reer Muqdisho ku hambalyeeyay mucaaradada ay kala horyimaadeen xukunka madaxweyne Farmaajo.

1/7/2022 1:47 PM EST
Jimco, Janaayo, 7, 2022 (HOL) - Siyaasiyiin caan ah oo uu kamid yahay Jawhar Maxamed ayaa dib xoriyadoodii u helay, kaddib markii ay muddo dheer ku jireen xabsi ku yaal Addis Ababa.

1/7/2022 10:19 AM EST
Jimco, Janaayo, 7, 2022 (HOL) - Golaha Midowga Musharaxiinta Madaxweynaha Soomaaliya ayaa ku bogaadiyay Raysal wasaaraha Soomaaliya Maxamed Xuseen Rooble dadaalka uu ku doonayo inuu dib usoo celiyo xiriirkii istaraatijiga ahaa ee ka dhaxeeyay dowladaha Soomaaliya iyo Imaaraadka Carabta oo ay sheegeen in la xumeeyay sanadahii u dambeeyay.

1/7/2022 6:36 AM EST
Jimco, Janaayo, 7, 2022 (HOL) - Gaari ay saarnayeen ciidamo ka tirsan Militariga dowladda Soomaaliya ayaa barqanimadii Maanta lagula beegsaday qarax miino oo ahaa nooca meelaha fog fog laga hago inta u dhaxeysa magaaloyinka Dhuusamareeb iyo Ceeldheere.

1/7/2022 1:24 AM EST
Jimco, Janaayo, 7, 2022 (HOL) - Ciidamada Kumaandooska Soomaaliya ee DANAB, gaar ahaan Ururka 4-aad ee guutada 16-aad ayaa howgalo qorsheysan waxay ka sameeyeen deegaano ka tirsan gobolka Sh/dhexe.

1/7/2022 1:16 AM EST
Jimco, Janaayo, 7, 2022 (HOL) - Wararka ka imaanaya deegaanka Baxdo ee gobolka Galgaduud oo ka mid ah deegaanada hoostaga degmada Cadaado ayaa sheegaya in aroornimadii hore ee saakay dagaalamayaasha Al-shabaab ay dagaal kula wareegeen qeybo ka mid ah deegaankaasi.

1/7/2022 1:09 AM EST
Jimco, Janaayo, 7, 2022 (HOL) - Madaxwaynaha dowlad degaanka Soomaalida Itoobiya Mustafe cagjar oo maanta ka qayb galay xus ay isugu yimaadeen taageerayaasha Ururka Dulmidiid, ayaa waxa uu ka hadlay xaaladda abaaraha ee dowlad degaanka Soomaalida ka jirta.