6/28/2022
Today from Hiiraan Online:  _
Wararka Maanta- Arbaco, Jan 26, 2022
Diyaarado siday ciidamo ka tirsan Haramcad iyo Gorgor oo ka degay Garoonka Baledweyne
 

Arbaco, Janaayo, 26, 2022 (HOL) - Waxaa goordhaw kasoo degay garoonka diyaaradaha Ugaas Khaliif ee magaalada Baledweyne laba diyaaradood oo ay saarnayeen ciidamo isugu jira  Booliiska sida gaarka ah u tababaran ee Haramcad iyo kuwa Gorgor oo tiradooda lagu qiyaasay 100 askari.

Labada diyaaradood ayaa Ciidamada Haramcad iyo gorgor kasoo qaaday garoonka diyaaradaha magaalada Muqdisho, waxaana la sheegaya iney yihiin qeybtii ugu horeysay ciidamo gaaraya 400 oo askari oo loo qorsheeyay in Baledweyne ka howlgalaan, waxaana ciidamadaan goordhaw diyaaradaha keeneen la dajiyay Saldhiga Baledweyne.

Lama oga ujeedada dhabta ah ee ka dambeysa keenista ciidanka Haramcad iyo Gorgor ee magaalada Baledweyne, waxaasa warar is burinaya ay sheegayaan in ciidamadan qorshahoodu yahay iney difaacaan keenista Baledweyne ee madaxweynaha Hirshabeelle Cali Guudlaawe oo mudo sanad ah loo diidan yahay inuu tago Baledweyne, iyadoo warar kaleetana ay sheegayaan iney qeyb ka qaadanayaan sugida amaanka doorashada Golaha Shacabka ee Baledweyne taala.

Isku soo wada duuboo dadka ku dhaqan Baledweyne ayaa walaac xoogan ka muujinaya imaashaha ciidamadan tirada badan ee la sheegayo iney doonayaan iney xoog ku keenaan Baledweyne Cali Guudlaawe, iyadoo magaalada gudaheeda dhinac uga sugan yihiin ciidamo aad u hubeysan oo kasoo horjeeda in Cali Guudlaawe yimaado magaalada Baledweyne.

Dhanka kale warar hoose oo soo baxaya ayaa sheegaya in madaxweyne Farmaajo iyo Jenaraal Xuud wadahadaladoodii ay kusoo dhamaadeen fashil, islamarkaana ay tan soo dadajisay in ciidamada Haramcad iyo Gorgor loo soo daabulo Baledweyne si loo wiiqo awooda Kacdoonka Hiiraan ee ku aadan Hirshabeelle.


Jamaal Cali Cabdi, Hiiraan Online












Click here
1/26/2022 3:17 PM EST
Arbaco, Janaayo, 26, 2022 (HOL) - Wasiirka arrimaha gudaha Soomaaliya Gen. Mukhtaar Xuseen Afrax ayaa sheegay in xukuumada Soomaaliya aanay waxba kala socon ciidamada la geeyay magaalada Baladweyne ee gobolka Hiiraan.

1/26/2022 9:49 AM EST
Arbaco, Janaayo, 26, 2022 (HOL) - Golaha midowga musharaxiinta madaxweynaha Soomaaliya ayaa war saxafadeed waxa ay kasoo saareen ciidamo ka tirsan Gorgor iyo Haramcad ah oo maanta la geeyay Magaalada Baledweyne ee xarunta gobolka Hiiraan.

1/26/2022 9:31 AM EST
Arbaco, Janaayo, 26, 2022 (HOL) - Madaxweyne ku xigeenka maamulka Hirshabeelle Yuusuf Axmed Hagar Dabageed oo khudbad u jeedinaayay ciidamo ka tirsan Haramcad iyo Gorgor oo maanta la geeyay magaalada Baledweyne ayaa sheegay in ujeedada ciidankaan dowladda Fedaraalka u geysay Baledweyne ay tahay sugida iyo xaqiijinta amaanka magaalada Baledweyne.

1/26/2022 9:15 AM EST
Arbaco, Janaayo, 26, 2022 (HOL) - Ra’iisul wasaaraha Soomaaliya Maxamed Xuseen Rooble ayaa kulan la yeeshay Guddoomiyaha Aqalka Sare iyo Ra’iisul Wasaare Ku-xigeenka dalka, isagoo sheegay inuu dhammeeyay khilaafkii siyaasadeed ee mar kale soo kala dhex galay.

1/26/2022 7:46 AM EST
Arbaco, Janaayo, 26, 2021 (HOL) – Madaxweynaha Somaliland Muuse Biixi Cabdi, ayaa xafiiskiisa ku qaabalay wakiilka cusub ee dowlada Ingiriisku dhawaan usoo magacowday Somaliland Lizzie Walker, iyo saraakiil sar sare oo ka tirsan xafiiska Ingriiska ee Somaliland.

1/26/2022 6:41 AM EST
Arbaco, Janaayo, 26, 2022 (HOL) - Hoggaamiyaha sare ee Golaha Kacdoonka gobolka Hiiraan Jenaraal Abuukar Xaaji Warsame Xuud oo wareysi siiyay Idaacadda BBC-da laanteeda afka Soomaaliga, isagoo ku sugan magaalada Muqdisho ayuu sheegay in ciidamo Gorgor iyo Haramcad ee la geeyay Baledweyne iney dhabar jibinayaan wadahadaladii nabada ee uu sheegay inuu u yimid Muqdisho.

1/26/2022 6:35 AM EST
Arbaco, Janaayo, 26, 2022 (HOL) - Gaashaanle dhexe Cabdirisaaq Xasan Dalmar oo kamid ahaa ciidanka millateriga Somaliland, ayaa saaka askari kamid ah ciidan uu isagu maamulayay ku toogtay deegaanka Goroyo-cawl ee gobolka Awdal.

1/26/2022 4:09 AM EST
Arbaco, Janaayo, 26, 2022 (HOL) - Guddiga doorashada heer dowlad goboleed ee Jubbaland ayaa maanta qabtay doorashada saddex kursi oo kamid ah kuraasta aqalka hoose.

1/26/2022 4:01 AM EST
Arbaco, Janaayo, 26, 2022 (HOL) - Waxaa Maanta inta badan xiran ganacsiga qeybo ka mid suuqa weyn ee Bakaaraha ee magaalada Muqdisho, kadib markii la sheegay in kooxda Daacish ay ku amartay ganacsatada iney bixiyaan lacago dheeraad ah.

1/26/2022 3:01 AM EST
Arbaco, Janaayo, 26, 2022 (HOL) - Dabley hubaysan oo aan la garanayn haybtooda ayaa saakay magaalada Boosaaso ee gobolka Bari ee Puntland ku dilay Taliyihii hore ee kantaroolka Boosaso Kabtan Barkhad Maxamed Jaamac Buryar (Guduudane).

1/26/2022 12:46 AM EST
Arbaco, Janaayo, 26, 2022 (HOL) - Madaxweyne ku xigeenka maamulka Jubbaland Maxamuud Sayid Aadan ayaa sheegay inuu aad uga welwelsan yahay xaaladda amni ee gobolka Gedo.

1/26/2022 12:35 AM EST
Arbaco, Janaayo, 26, 2022 (HOL) - Waxaa Maanta lagu wadaa in magaalada Kismaayo ee xarunta gobolka Jubbada Hoose ay ka dhacdo doorashada sadax kursi oo ka mid ah kuraasta Golaha Shacabka Baarlamaanka Soomaliya ee deegaan doorashadoodu tahay Kismaayo.