5/21/2022
Today from Hiiraan Online:  _
Wararka Maanta- Isniin, Jan 24, 2022
Danjiraha cusub uu Maraykanka usoo magacowday Soomaaliya oo maanta Muqdisho ka dagay
 

Isniin, Janaayo, 24, 2022 (HOL) - Safiirka cusub ee Mareykanka u qaabilsan Soomaaliya Larry Andre ayaa maanta oo Isniin ah ka degay magaalada Muqdisho.

Safaaradda Mareykanka oo war kasoo saartay imaanshihii magaalada Muqdisho waxay sheegtay, inuu safiirku aad ugu hamuun qabo in uu la shaqeeyo dowladda Soomaaliya iyo shacabkeeda.

“Waxaan ku faraxsanahay inaan ku dhawaaqno imaatinka Ambassador Larry André. Waxa uu aad u jecel yahay in uu la shaqeeyo shacabka Soomaaliyeed, dowlad-goboleedkooda iyo dowladdooda federaalka ah, si aan u horumarino ujeeddada aan wadaagno ee ah, Soomaaliya dib u soo noolaynteeda si ay u noqoto dal ammaan ah, barwaaqo ah, oo dimuqraadi ah,” ayay tiri safaaradda Maraykanka ee Soomaaliya.

Madaxweynaha Mareykanka Joe Biden ayaa Larry Edward André Jr bishii abril ee sannadkii hore u doortay inuu noqdo danjiraha cusub ee Mareykanka  u qaabilsanaan doona Soomaaliya.

Safiirka cusub ayaa beddelay Donald Yamamoto, oo ahaa danjiraha Soomaaliya tan iyo November 2018.

Bishii December golaha guurtida Maraykanka ayaa ansixiyay Larry Edward Andre Jr. inuu noqdo safiirka Mareykanka ee Soomaaliya.

Abdiweli M. Sheikh, Hiiraan Online












Click here
1/24/2022 3:00 PM EST
Isniin, Janaayo, 24, 2022 (HOL) - Dowlada Ingiriiska ayaa Lizzie Walker, usoo magacowday in ay noqoto wakiilka cusub ee dowlada UK u fadhiyi doona xafiiska Hargaysa ee Somaliland, iyadoo badalaysa Staurt Brown.

1/24/2022 8:46 AM EST
Isniin, Janaayo, 24, 2022 (HOL) - Maamulka gobolka Banaadir ayaa sheegay in laamaha amnigu ay gacanta kusoo dhigeen haweenay ku eedeysan in ay labo carruur ah oo ay dhashay ka duubtay muuqaal ay baraha bulshada ka faafisay iyadoo siinaysa Shiishad.

1/24/2022 2:01 AM EST
Isniin, Janaayo, 24, 2022 (HOL) - Qoraal lagu baahiyay Wasaarada Arrimaha Guddaha Somaliland, ayaa lagu eedeeyay Guddoomiyaha Xisbiga Waddani Xirsi Cali Xaaji Xasan, munaafaqnimo, iyo in aanu raali ka ahayn qaranimada Somaliland.

1/24/2022 12:43 AM EST
Isniin, Janaayo, 24, 2022 (HOL) - Cabdikariin Sheikh Muuse (Qalbi dhagax) ayaa soo dhoweeyay go’aankii kasoo baxay golaha wasiiradda Soomaaliya, kuwaas oo shalay raalli galin bixin ka bixiyay dhiibistiisa, kuna tilmaamay inay ahayd xad gudub ka dhan ah xuquuqda aadanaha.

1/24/2022 12:08 AM EST
Isniin, Janaayo, 24, 2022 (HOL) - Wasiirka Arrimaha Dibadda Somaliland DR Ciise Maxamuud Kayd, ayaa sheegay in dowlada Soomaaliya anay ka daacad ka ahayn in laga gungaadho wadahadalada u dhexeeya Somaliland iyo Soomaaliya, sida darteedna Somaliland ay joojinayso wadahaladada.

1/24/2022 12:05 AM EST
Isniin, Janaayo, 24, 2022 (HOL) - Guddiga doorashada Maamulka Koonfur Galbeed Soomaaliya ayaa shaaciyay jadwalka doorashada shan kursi oo ka mid ah kuraasta Golaha Shacabka Baarlamaanka 11-aad ee dalka, kuwaas oo deegaan doorashadoodu tahay Koonfur Galbeed.

1/24/2022 12:03 AM EST
Isniin, Janaayo, 24, 2022 (HOL) - Madaxwaynaha dowlad degaanka Soomaalida Mustafe cagjar ayaa soo dhaweeyay go'aanka ay Dowladda Fadaraalka ee Soomaaliya kaga saartay liiska Argagaxisada Ururka ONLF.

1/24/2022 12:02 AM EST
Isniin, Janaayo, 24, 2022 (HOL) - Wasiirka Warfaafinta Somaliland Saleebaan Yuusuf Cali Koore, ayaa sheegay in doorashada ururrada siyaasadu ay kasoo horaynayso doorashada madaxtooyada, kadibna saddexda urur ee soo baxaa ay doorashada madaxtooyada galayaan.