5/21/2022
Today from Hiiraan Online:  _
Wararka Maanta- Isniin, Jan 24, 2022
Xukuumada Somaliland oo guddoomiyaha Xisbiga Waddani munaafaq ku tilmaantay
 

Isniin, Janaayo, 24, 2022 (HOL) - Qoraal lagu baahiyay Wasaarada Arrimaha Guddaha Somaliland, ayaa lagu eedeeyay Guddoomiyaha Xisbiga Waddani Xirsi Cali Xaaji Xasan, munaafaqnimo, iyo in aanu raali ka ahayn qaranimada Somaliland.

Qoraalka oo jawaab u ahaa eedo uu guddoomiye Xirsi xukuumada Somaliland u jeediyay 22 bishan, ayaa guddoomiyaha lagu eedeeyay munaafaqnimo. Waxa kale oo lagu sheegay in uu doonayay boqornimo.

"Shalay waxaa caddaatay in aad la mid tahay ninkii munaafaqa ahaa ee la odhan jirey Cabdullahi Bin Ubayy Bin Salool, kaasoo doonayey in uu magaalada barakaysan ee Madiina ka noqdo boqor, lakin markii nebigu tagay Madiina, ayay soo afjarantay doonistii boqornimo ee ninkaa munaafaqa ahaa".

"Guddoomiye-nimada Wadani wuxuu ku rabay boqornimo, balse waxay soo afjarantay boqornimadii Xirsi doonayey markii la furay ururrada".

Guddoomiye Xirsi ayaa sidookale lagu eedeeyay in hadalkiisu caddaynayo in aanu raali ka ahayn qaranimada Somaliland.

"Waxa kale oo uu muujinayey hadalkii Xirsi, ee shalay sida aanu u ogolayn ama aanay raali uga ahayn isaga iyo Waddani-ba qaranimada iyo madaxbannaanida Somaliland, in ay guulaysato".

Qoraalka oo uu ku saxeexnaa Agaasimaha Warbaahinta Wasaarada Arimaha Gudaha Somaliland, Cabdilaahi Axmed Caarshe, ayaa sidookale Xirsi ku eedeeyay in uu meel kaga dhacay sharafta ciidamada, waxaana lagu sheegay in anay cidna nabada waxyeeli karin.


Abdilahi Geel-maal, Hiiraan Online
[email protected]












Click here
1/24/2022 3:00 PM EST
Isniin, Janaayo, 24, 2022 (HOL) - Dowlada Ingiriiska ayaa Lizzie Walker, usoo magacowday in ay noqoto wakiilka cusub ee dowlada UK u fadhiyi doona xafiiska Hargaysa ee Somaliland, iyadoo badalaysa Staurt Brown.

1/24/2022 8:46 AM EST
Isniin, Janaayo, 24, 2022 (HOL) - Maamulka gobolka Banaadir ayaa sheegay in laamaha amnigu ay gacanta kusoo dhigeen haweenay ku eedeysan in ay labo carruur ah oo ay dhashay ka duubtay muuqaal ay baraha bulshada ka faafisay iyadoo siinaysa Shiishad.

1/24/2022 4:19 AM EST
Isniin, Janaayo, 24, 2022 (HOL) - Safiirka cusub ee Mareykanka u qaabilsan Soomaaliya Larry Andre ayaa maanta oo Isniin ah ka degay magaalada Muqdisho.

1/24/2022 12:43 AM EST
Isniin, Janaayo, 24, 2022 (HOL) - Cabdikariin Sheikh Muuse (Qalbi dhagax) ayaa soo dhoweeyay go’aankii kasoo baxay golaha wasiiradda Soomaaliya, kuwaas oo shalay raalli galin bixin ka bixiyay dhiibistiisa, kuna tilmaamay inay ahayd xad gudub ka dhan ah xuquuqda aadanaha.

1/24/2022 12:08 AM EST
Isniin, Janaayo, 24, 2022 (HOL) - Wasiirka Arrimaha Dibadda Somaliland DR Ciise Maxamuud Kayd, ayaa sheegay in dowlada Soomaaliya anay ka daacad ka ahayn in laga gungaadho wadahadalada u dhexeeya Somaliland iyo Soomaaliya, sida darteedna Somaliland ay joojinayso wadahaladada.

1/24/2022 12:05 AM EST
Isniin, Janaayo, 24, 2022 (HOL) - Guddiga doorashada Maamulka Koonfur Galbeed Soomaaliya ayaa shaaciyay jadwalka doorashada shan kursi oo ka mid ah kuraasta Golaha Shacabka Baarlamaanka 11-aad ee dalka, kuwaas oo deegaan doorashadoodu tahay Koonfur Galbeed.

1/24/2022 12:03 AM EST
Isniin, Janaayo, 24, 2022 (HOL) - Madaxwaynaha dowlad degaanka Soomaalida Mustafe cagjar ayaa soo dhaweeyay go'aanka ay Dowladda Fadaraalka ee Soomaaliya kaga saartay liiska Argagaxisada Ururka ONLF.

1/24/2022 12:02 AM EST
Isniin, Janaayo, 24, 2022 (HOL) - Wasiirka Warfaafinta Somaliland Saleebaan Yuusuf Cali Koore, ayaa sheegay in doorashada ururrada siyaasadu ay kasoo horaynayso doorashada madaxtooyada, kadibna saddexda urur ee soo baxaa ay doorashada madaxtooyada galayaan.