5/21/2022
Today from Hiiraan Online:  _
Wararka Maanta- Isniin, Jan 24, 2022
Qalbi dhagax: Waxaan maqsuud ka ahay go'aanka golaha wasiiraddu raalli galinta uga bixiyeen dhiibistaydii
 

Isniin, Janaayo, 24, 2022 (HOL) - Cabdikariin Sheikh Muuse (Qalbi dhagax) ayaa soo dhoweeyay go’aankii kasoo baxay golaha wasiiradda Soomaaliya, kuwaas oo shalay raalli galin bixin ka bixiyay dhiibistiisa, kuna tilmaamay inay ahayd xad gudub ka dhan ah xuquuqda aadanaha.

Cabdikariin qalbi dhagax ayaa raysal wasaaraha uga mahad celiyay inuu hormuud u ahaa go’aanka ay golihiisa wasiiraddu qaateen, isagoo sheegay inay raysal wasaaraha horey uga wada hadleen arrintaan.

“Maqsuud baan ku ahay go’aanka maanta xukuumadu gaartay, aad baana ugu faraxsanahay. Waxaana isku dayidoonaa inaan qabano xaflado aan dabaal dagayno go'aanka wasiiradda," ayuu yiri Qalbi dhagax  

Qalbi Dhagax ayaa sheegay xukuumadii isaga dhiibtay in ay maalintii la dhiibay sharaftoodii dhimatay, marka laga reebo shakhsiyaad kooban oo uu sheegay in ay ka hor yimaadeen xukunka lagu dhiibay.

Wuxuu sheegay in dhiibistii ahayd mid midaysay qaluubta dadka Soomaaliyeed. Wuxuuse nasiib darro ku tilmnaamay dad weli katirsan golaha wasiiradda in ay aaminsan yihiin dhiibistiisii in ay ahayd sharci.



Abdiweli M. Sheikh, Hiiraan Online












Click here
1/24/2022 3:00 PM EST
Isniin, Janaayo, 24, 2022 (HOL) - Dowlada Ingiriiska ayaa Lizzie Walker, usoo magacowday in ay noqoto wakiilka cusub ee dowlada UK u fadhiyi doona xafiiska Hargaysa ee Somaliland, iyadoo badalaysa Staurt Brown.

1/24/2022 8:46 AM EST
Isniin, Janaayo, 24, 2022 (HOL) - Maamulka gobolka Banaadir ayaa sheegay in laamaha amnigu ay gacanta kusoo dhigeen haweenay ku eedeysan in ay labo carruur ah oo ay dhashay ka duubtay muuqaal ay baraha bulshada ka faafisay iyadoo siinaysa Shiishad.

1/24/2022 4:19 AM EST
Isniin, Janaayo, 24, 2022 (HOL) - Safiirka cusub ee Mareykanka u qaabilsan Soomaaliya Larry Andre ayaa maanta oo Isniin ah ka degay magaalada Muqdisho.

1/24/2022 2:01 AM EST
Isniin, Janaayo, 24, 2022 (HOL) - Qoraal lagu baahiyay Wasaarada Arrimaha Guddaha Somaliland, ayaa lagu eedeeyay Guddoomiyaha Xisbiga Waddani Xirsi Cali Xaaji Xasan, munaafaqnimo, iyo in aanu raali ka ahayn qaranimada Somaliland.

1/24/2022 12:08 AM EST
Isniin, Janaayo, 24, 2022 (HOL) - Wasiirka Arrimaha Dibadda Somaliland DR Ciise Maxamuud Kayd, ayaa sheegay in dowlada Soomaaliya anay ka daacad ka ahayn in laga gungaadho wadahadalada u dhexeeya Somaliland iyo Soomaaliya, sida darteedna Somaliland ay joojinayso wadahaladada.

1/24/2022 12:05 AM EST
Isniin, Janaayo, 24, 2022 (HOL) - Guddiga doorashada Maamulka Koonfur Galbeed Soomaaliya ayaa shaaciyay jadwalka doorashada shan kursi oo ka mid ah kuraasta Golaha Shacabka Baarlamaanka 11-aad ee dalka, kuwaas oo deegaan doorashadoodu tahay Koonfur Galbeed.

1/24/2022 12:03 AM EST
Isniin, Janaayo, 24, 2022 (HOL) - Madaxwaynaha dowlad degaanka Soomaalida Mustafe cagjar ayaa soo dhaweeyay go'aanka ay Dowladda Fadaraalka ee Soomaaliya kaga saartay liiska Argagaxisada Ururka ONLF.

1/24/2022 12:02 AM EST
Isniin, Janaayo, 24, 2022 (HOL) - Wasiirka Warfaafinta Somaliland Saleebaan Yuusuf Cali Koore, ayaa sheegay in doorashada ururrada siyaasadu ay kasoo horaynayso doorashada madaxtooyada, kadibna saddexda urur ee soo baxaa ay doorashada madaxtooyada galayaan.