5/17/2022
Today from Hiiraan Online:  _
Wararka Maanta- Isniin, Jan 24, 2022
Madaxwayne Mustafe cagjar oo soo dhaweeyay go'aanka ay DFS kaga saartay ONLF, liiska Argagaxisada
 

Isniin, Janaayo, 24, 2022 (HOL) - Madaxwaynaha dowlad degaanka Soomaalida Mustafe cagjar ayaa soo dhaweeyay go'aanka ay Dowladda Fadaraalka ee Soomaaliya kaga saartay liiska Argagaxisada Ururka ONLF.

Madaxwayne Mustafe cagjar ayaa sidoo kale sheegay in go'aankii hore ee ONLF loogu aqoonsaday Argagaxisada, uu ahaa ficil argagax galiyay shacabkii dulmanaa ee dowlad degaanka Soomaalida, sidoo kalena xadgudub ku ahaa dhaqanka dowladnimo, midka Soomaalinimo iyo ka islaanimaba, waa siduu hadalka u dhigay Madaxwaynuhu.

Sidoo kale Madaxwayne Mustafe cagjar ayaa waxa uu dhaleeceeyay degaanno kale, oo uu ku sheegay inay halgamayaal Soomaaliyeed u gacan galiyeen cadawga, isagoo yiri " Waxaa kale oo aan dhaleeceeynaynaa ficiladii lamidka ahaa ee Deegaano kale oo Soomaaliyeed, cadaw ugu soo gacan-geliyeen halgamayaal Soomaaliyeed oo diidaanaa tacadigii lagu hayay dadkooda", Madaxwaynuhu muusan xusin degaannada halgamayaasha Soomaaliyeed u gacan galin jiray cadawga.

Ugu dambayn Madaxwayne Mustafe cagjar waxa uu sheegay in ficilladaas horey u dhacay, ay noqdaan kuwo cibro qaadasho ugu filan cid kasta oo xad gudubkaas ku kacday, isla markaana ugu baaqay inay raalli galin ka bixiyaan arrinkaas.

Dowladda Soomaaliya ayaa horey ugu aqoonsatay Ururka ONLF Argagaxiso, iyadoo isla xilligaasna Cabdikarim Sheekh Muuse oo kamid ahaa saraakiisha ugu sarreysa ONLF ay dowladdu u gacan galisay dowladda Itoobiya, oo wakhtigaas dagaal kula jirtay Ururka ONLF.

Ururka ONLF oo ka dhaq-dhaqaaqa gudaha dowlad degaanka Soomaalida ayaa wixii ka dambeeyay isbaddalkii Itoobiya ka hana qaaday, ururku wuxuu si nabadgalyo ah uga hawlgalayay gudaha dowlad degaanka Soomaalida, iyadoo Itoobiyana ay ka saartay liiska Argagaxisada, una aqoonsatay ururku inuu ahaa urur dadkiisa u halgamayay.



Abdilahi Jawhar, Hiiraan Online
[email protected]












Click here
1/24/2022 3:00 PM EST
Isniin, Janaayo, 24, 2022 (HOL) - Dowlada Ingiriiska ayaa Lizzie Walker, usoo magacowday in ay noqoto wakiilka cusub ee dowlada UK u fadhiyi doona xafiiska Hargaysa ee Somaliland, iyadoo badalaysa Staurt Brown.

1/24/2022 8:46 AM EST
Isniin, Janaayo, 24, 2022 (HOL) - Maamulka gobolka Banaadir ayaa sheegay in laamaha amnigu ay gacanta kusoo dhigeen haweenay ku eedeysan in ay labo carruur ah oo ay dhashay ka duubtay muuqaal ay baraha bulshada ka faafisay iyadoo siinaysa Shiishad.

1/24/2022 4:19 AM EST
Isniin, Janaayo, 24, 2022 (HOL) - Safiirka cusub ee Mareykanka u qaabilsan Soomaaliya Larry Andre ayaa maanta oo Isniin ah ka degay magaalada Muqdisho.

1/24/2022 2:01 AM EST
Isniin, Janaayo, 24, 2022 (HOL) - Qoraal lagu baahiyay Wasaarada Arrimaha Guddaha Somaliland, ayaa lagu eedeeyay Guddoomiyaha Xisbiga Waddani Xirsi Cali Xaaji Xasan, munaafaqnimo, iyo in aanu raali ka ahayn qaranimada Somaliland.

1/24/2022 12:43 AM EST
Isniin, Janaayo, 24, 2022 (HOL) - Cabdikariin Sheikh Muuse (Qalbi dhagax) ayaa soo dhoweeyay go’aankii kasoo baxay golaha wasiiradda Soomaaliya, kuwaas oo shalay raalli galin bixin ka bixiyay dhiibistiisa, kuna tilmaamay inay ahayd xad gudub ka dhan ah xuquuqda aadanaha.

1/24/2022 12:08 AM EST
Isniin, Janaayo, 24, 2022 (HOL) - Wasiirka Arrimaha Dibadda Somaliland DR Ciise Maxamuud Kayd, ayaa sheegay in dowlada Soomaaliya anay ka daacad ka ahayn in laga gungaadho wadahadalada u dhexeeya Somaliland iyo Soomaaliya, sida darteedna Somaliland ay joojinayso wadahaladada.

1/24/2022 12:05 AM EST
Isniin, Janaayo, 24, 2022 (HOL) - Guddiga doorashada Maamulka Koonfur Galbeed Soomaaliya ayaa shaaciyay jadwalka doorashada shan kursi oo ka mid ah kuraasta Golaha Shacabka Baarlamaanka 11-aad ee dalka, kuwaas oo deegaan doorashadoodu tahay Koonfur Galbeed.

1/24/2022 12:02 AM EST
Isniin, Janaayo, 24, 2022 (HOL) - Wasiirka Warfaafinta Somaliland Saleebaan Yuusuf Cali Koore, ayaa sheegay in doorashada ururrada siyaasadu ay kasoo horaynayso doorashada madaxtooyada, kadibna saddexda urur ee soo baxaa ay doorashada madaxtooyada galayaan.