5/21/2022
Today from Hiiraan Online:  _
Wararka Maanta- Axad, Jan 23, 2022
Kuraas ka mid ah Golaha Shacabka oo Maanta lagu doortay magaalada Kismaayo

Axad, Janaayo, 23, 2022 (HOL) - Waxaa Maanta magaalada Kismaayo ee xarunta gobolka Jubbada Hoose lagu doortay 6 kursi oo ka mid ah kuraasta Golaha Shacabka Baarlamaanka 11-aad ee dalka, kuwaas oo deegaan doorashadoodu tahay Jubbaland.

Kursiga koowaad ee doorashadii Maanta ka dhacday Kismaayo oo tirsigiisu yahay HOP 114, waxaa ku wada tartamay Musharaxiinta kala ahaa Cumar Ibraahin Xaashi iyo Cabdi Aadan Cabdullaahi, waxaana ku guuleystay tartankii kursiga Cumar Ibraahin Xaashi oo helay 80 cod, halka Cabdi Aadan Cabdullaahi uu helay 12 cod, waxaana halaabay 8 Cod.

Kursiga labaad ee tirsigiisu yahay HOP 107, waxaa kusoo baxay Maxamed Sheekh Nuur oo cod gacan taag ah loogu codeeyay, kadib markuu tanaasulay Musharaxii la tartami lahaa Xasan Cismaan Aadan.

Kursiga sadaxaad ee doorashadii Maanta ka dhacday Kismaayo oo tirsigiisu yahay HOP 120, waxaa ku tartamay Musharaxiinta kala ahaa Asad Cabdirisaaq Maxamed iyo Saciid Cabduqaadir Shukri, waxaana kusoo baxay tartanka Asad Cabdirisaaq oo helay 77 cod, halka Saciid Cabduqaadir uu helay 18 cod, waxaana halaabay 3 cod.

Kursiga afaraad ee maanta la doortay oo tirsigiisu yahay HOP 111, waxaa ku wada tartamay Musharaxiinta kala ah Cabaas Cali Ibraahin iyo Aadan Mursal Cadoow, waxaana ku guuleystay kursiga Cabaas Cali oo helay 79 cod, halka Aadan Mursal uu ka helay 17 cod, waxaana halaabay 2 cod oo kaliya.

Kursiga shanaad oo sumadiisu tahay HOP 28, waxaa kusoo baxay cod gacan taag ah oo loogu codeeyay Cabdinuur Cali Aadan, kadib markuu tanaasulay Musharaxii la tartami lahaa Axmed Cabdi Maxamed.

Kursiga lixaad oo ahaa kursigii ugu dambeeyay ee Maanta Kismaayo lagu doortay, kaasoo sumadiisu tahay HOP 93, waxaa ku tartamay Musharaxiinta kala ahaa Saciid Maxamed Cali iyo Mahdi Nuur Xaaji, waxaana ku guuleystay kursiga Saciid Maxamed oo helay codad gaarayay 74 cod, iyadoo Musharaxii kale Mahdi Nuur Xaaji uu helay 24 cod, waxaana halaabay 3 cod.

Doorashada Golaha Shacabka Baarlamaanka 11-aad ee dalka ayaa haatan u muuqaneysa mid maamul goboleedyada dalka ay dardar galin hayaa habka ay ku socoto doorashada.

Jamaal Cali Cabdi, Hiiraan Online












Click here
1/23/2022 3:05 PM EST
Axad, Janaayo, 23, 2022 (HOL) - Afhayeenka Xisbiga Kulmiye Cabdinaasir Muxumed Xasan Buuni, ayaa masuuliyad daro ku eedeeyay Guddoomiyaha Xisbiga Waddani Xirsi Xaaji Cali Xasan, isagoo sheegay in uu dayacay xilal badan oo lagu aaminay.

1/23/2022 9:50 AM EST
Axad, Janaayo, 23, 2022 (HOL) - Golaha Wasiiradda xilgaarsiinta Xukuumada Fedaraalka Soomaaliya ayaa Maanta ansixiyay in laga laabto go'aan ay horay u gaartay Xukuumadda sanadkii 2017-kii, kaasoo ahaa in Ururka ONLF Xukuumadda u aqoonsatay Urur argagixiso, kadib dhiibistii Cabdikariin Qalbi dhagax oo loo gacan galiyay dowladda Itoobiya.

1/23/2022 8:59 AM EST
Axad, Janaayo, 23, 2022 (HOL) - Raysal wasaarihii hore ee Soomaaliya Cumar Cabdirashiid Cali Sharmaarke, ayaa shaki weyn galiyay doorashadii Golaha Shacabka ee shalay lagu qabtay magaalada Garowe.

1/23/2022 8:56 AM EST
Axad, Janaayo, 23, 2022 (HOL) - Wargays lagu magacaabo Globe and Mail ayaa qoray inuu helay warbixino leh caddeymo oo ku saabsan in ciidamada Soomaalida ee lagu tababarayay Ereteriya ay ka qeyb qaateen dagaalka gobolka Tigray bilihii hore ee dagaalka.

1/23/2022 6:03 AM EST
Axad, Janaayo, 23, 2022 (HOL) - Milatariga Mareykanka ayaa sheegay in khatarta Al-Shabaab ay kordheen 12-kii bilood ee la soo dhaafay tan iyo markii boqolaal askari oo Mareykan ah laga soo saaray gobolka Geeska Afrika bishii Janaayo ee sanadkii hore.

1/23/2022 2:45 AM EST
Axad, Janaayo, 23, 2022 (HOL) - Itoobiya ayaa sheegtay inay isu diyaarinayso inay gasho magaalada Maqalle ee xarunta gobolka dhibaatooyinku ka aloosan yihiin ee Tigray.

1/23/2022 1:52 AM EST
Axad, Janaayo, 23, 2022 (HOL) - Dowladda Soomaaliya iyo Midowga Afrika ayaa la sheegay in ay isla garteen qaabka uu noqonayo howlgalka Midowga Afrika ee Soomaaliya, ku dhowaad saddexda sano ee soo socota.

1/23/2022 1:34 AM EST
Axad, Janaayo, 23, 2022 (HOL) - Iyadoo xalay fiidkii kooxo hubeysan ay ku dileen degmada Wadajir ee magaalada Muqdisho allah u naxariistee guddoomiyahii hore ee maamulka Gobolka Hiiraan Cabdiraxmaan Ibraahin Macoow, xili uu kasoo baxay Salaadii Cishaha ayaa waxaa masuuliyada dilkiisa sheegtay Al-shabaab.

1/23/2022 1:30 AM EST
Axad, Janaayo, 23, 2022 (HOL) - Hoggaanka sare ee Golaha Kacdoonka gobolka Hiiraan ayaa kulankii ugu horeyay kula qaatay madaxtooyada Soomaaliya madaxweynaha mudo xileedkiisa dhamaaday ee Maxamed Cabdullaahi Farmaajo.

1/23/2022 12:57 AM EST
Axad, Janaayo, 23, 2022 (HOL) - Ciidanka xoogga Dalka Soomaaliyeed iyo Daraawiishta Galmudug ayaa sheegay in ay dileen sarkaalkii Al-shabaab u qaabilsanaa magaalada guriceel ee gobolka Galguduud iyo ciidamo la socday.

1/23/2022 12:52 AM EST
Axad, Janaayo, 23, 2022 (HOL) - Waxaa maanta oo Axad ah lagu wadaa in magaalada Kismaayo ay ka qabsoonto doorashada lix kursi oo ka mid ah kuraasta Golaha Shacabka ee deegaan doorashadoodu tahay Jubbaland.