5/21/2022
Today from Hiiraan Online:  _
Wararka Maanta- Axad, Jan 23, 2022
Al-shabaab oo sheegatay Masuuliyadda dilka guddoomiyahii hore ee gobolka Hiiraan

Axad, Janaayo, 23, 2022 (HOL) - Iyadoo xalay fiidkii kooxo hubeysan ay ku dileen degmada Wadajir ee magaalada Muqdisho allah u naxariistee guddoomiyahii hore ee maamulka Gobolka Hiiraan Cabdiraxmaan Ibraahin Macoow, xili uu kasoo baxay Salaadii Cishaha ayaa waxaa masuuliyada dilkiisa sheegtay Al-shabaab.

War qoraal ah oo ay Al-shabaab kusoo daabaceen baraha ay ku leeyihiin Internetka waxay ku sheegteen Masuuliyada dilka Cabdiraxmaan Ibraahin Macoow iney fuliyeen rag hubeysanaa oo ka tirsan Al-shabaab, kuwaas oo si deg deg ah uga baxsaday goobtii ay ku dileen marxuumka.

Cabdiraxmaan Ibraahim Macoow ayaa ahaa Musharax u taagna ka mid noqoshada Baarlamaanka 11-aad ee dalka oo uu si rasmi ah u shaaciyay inuu u taagan yahay u tartamida kursiga tirsigiisu yahay HOP 58.

Marxuumka ayaa mudooyinkii dambe deganaa degmada Wadajir ee Xalay ku dileen rag ka tirsanaa dagaalamayaasha Shabaab.

Jamaal Cali Cabdi, Hiiraan Online












Click here
Afhayeenka Kulmiye: "Xirsi-yow dalkan Somaliland waa laga qaban doono"
1/23/2022 3:05 PM EST
Axad, Janaayo, 23, 2022 (HOL) - Afhayeenka Xisbiga Kulmiye Cabdinaasir Muxumed Xasan Buuni, ayaa masuuliyad daro ku eedeeyay Guddoomiyaha Xisbiga Waddani Xirsi Xaaji Cali Xasan, isagoo sheegay in uu dayacay xilal badan oo lagu aaminay.

Xukuumadda Soomaaliya oo Maanta ka laabatay go'aankii horay ay ugu aqoonsatay ONLF Urur Argagixiso
1/23/2022 9:50 AM EST
Axad, Janaayo, 23, 2022 (HOL) - Golaha Wasiiradda xilgaarsiinta Xukuumada Fedaraalka Soomaaliya ayaa Maanta ansixiyay in laga laabto go'aan ay horay u gaartay Xukuumadda sanadkii 2017-kii, kaasoo ahaa in Ururka ONLF Xukuumadda u aqoonsatay Urur argagixiso, kadib dhiibistii Cabdikariin Qalbi dhagax oo loo gacan galiyay dowladda Itoobiya.

Kuraas ka mid ah Golaha Shacabka oo Maanta lagu doortay magaalada Kismaayo
1/23/2022 9:20 AM EST
Axad, Janaayo, 23, 2022 (HOL) - Waxaa Maanta magaalada Kismaayo ee xarunta gobolka Jubbada Hoose lagu doortay 6 kursi oo ka mid ah kuraasta Golaha Shacabka Baarlamaanka 11-aad ee dalka, kuwaas oo deegaan doorashadoodu tahay Jubbaland.

Cumar Cabdirashiiid oo wax laga argagaxo ku tilmaamay in doorashadii ka dhacday Garowe lagu qabto xero milatari
1/23/2022 8:59 AM EST
Axad, Janaayo, 23, 2022 (HOL) - Raysal wasaarihii hore ee Soomaaliya Cumar Cabdirashiid Cali Sharmaarke, ayaa shaki weyn galiyay doorashadii Golaha Shacabka ee shalay lagu qabtay magaalada Garowe.

Walaaca la xiriira in ciidamo Soomaaliyeed ka qeyb galeen dagaalka waqooyiga Ethiopia oo mar kale soo shaac baxay
1/23/2022 8:56 AM EST
Axad, Janaayo, 23, 2022 (HOL) - Wargays lagu magacaabo Globe and Mail ayaa qoray inuu helay warbixino leh caddeymo oo ku saabsan in ciidamada Soomaalida ee lagu tababarayay Ereteriya ay ka qeyb qaateen dagaalka gobolka Tigray bilihii hore ee dagaalka.

Maraykanka: Khilaafka siyaasadeed ee Soomaaliya iyo wax qabad la’aanta AMISOM, waxay kordhisay qatarta Alshabaab
1/23/2022 6:03 AM EST
Axad, Janaayo, 23, 2022 (HOL) - Milatariga Mareykanka ayaa sheegay in khatarta Al-Shabaab ay kordheen 12-kii bilood ee la soo dhaafay tan iyo markii boqolaal askari oo Mareykan ah laga soo saaray gobolka Geeska Afrika bishii Janaayo ee sanadkii hore.

Ciidamada Itoobiya oo sheegay inay gali doonaan magaalada Maqalle
1/23/2022 2:45 AM EST
Axad, Janaayo, 23, 2022 (HOL) - Itoobiya ayaa sheegtay inay isu diyaarinayso inay gasho magaalada Maqalle ee xarunta gobolka dhibaatooyinku ka aloosan yihiin ee Tigray.

Soomaaliya iyo Midowga Afrika oo ku heshiiyay in la beddelo howgalka AMISOM
1/23/2022 1:52 AM EST
Axad, Janaayo, 23, 2022 (HOL) - Dowladda Soomaaliya iyo Midowga Afrika ayaa la sheegay in ay isla garteen qaabka uu noqonayo howlgalka Midowga Afrika ee Soomaaliya, ku dhowaad saddexda sano ee soo socota.

Kulankii ugu horeeyay oo Madaxtooyada Soomaaliya ku dhexmaray madaxweyne Farmaajo iyo Jenaraal Xuud
1/23/2022 1:30 AM EST
Axad, Janaayo, 23, 2022 (HOL) - Hoggaanka sare ee Golaha Kacdoonka gobolka Hiiraan ayaa kulankii ugu horeyay kula qaatay madaxtooyada Soomaaliya madaxweynaha mudo xileedkiisa dhamaaday ee Maxamed Cabdullaahi Farmaajo.

Ciiddanka xoogga dalka oo sheegay in ay fashiliyeen weerar Alshabaab kusoo qaadi rabeen magaalada Guriceel
1/23/2022 12:57 AM EST
Axad, Janaayo, 23, 2022 (HOL) - Ciidanka xoogga Dalka Soomaaliyeed iyo Daraawiishta Galmudug ayaa sheegay in ay dileen sarkaalkii Al-shabaab u qaabilsanaa magaalada guriceel ee gobolka Galguduud iyo ciidamo la socday.

Doorashada lix kursi oo ka mid ah kuraasta Golaha Shacabka oo maanta ka dhaceysa magaalada Kismaayo
1/23/2022 12:52 AM EST
Axad, Janaayo, 23, 2022 (HOL) - Waxaa maanta oo Axad ah lagu wadaa in magaalada Kismaayo ay ka qabsoonto doorashada lix kursi oo ka mid ah kuraasta Golaha Shacabka ee deegaan doorashadoodu tahay Jubbaland.