5/21/2022
Today from Hiiraan Online:  _
Wararka Maanta- Axad, Jan 23, 2022
Kulankii ugu horeeyay oo Madaxtooyada Soomaaliya ku dhexmaray madaxweyne Farmaajo iyo Jenaraal Xuud
 

Axad, Janaayo, 23, 2022 (HOL) - Hoggaanka sare ee Golaha Kacdoonka gobolka Hiiraan ayaa kulankii ugu horeyay kula qaatay madaxtooyada Soomaaliya  madaxweynaha mudo xileedkiisa dhamaaday ee Maxamed Cabdullaahi Farmaajo.

Kulanka dhexmaray madaxweyne Farmaajo iyo madaxda Kacdoonka oo uu hoggaaminaayay Jenaraal Abuukar Xuud ayaa waxaa la sheegay inuu ahaa mid ku koobnaa is barasho iyo is xog wareysi, waxaana madaxweynaha la sheegay iney u gudbiyeen Golaha Kacdoonka warbixino la xariiray marxaladahii kala duwan ee Kacdoonka uu soo maray.

Xildhibaan hore Xasan Cali Cabdi Xasan Dhuxul oo ka mid ah Golaha Kacdoonka Hiiraan oo la hadlay Shabakada HOL ayaa inoo sheegay in kulankan oo ahaa mid hordhac u ah kulamo kale oo ay gadaal ka yeelan doonaan ayaga iyo madaxweynaha uu kusoo dhamaaday jawi wanaagsan.

Masuulkaan ka tirsan Golaha Kacdoonka ma sheegin wax ka faahfaahsan inuu ahaa kulankii Farmaajo ay la qaateen mid isbarasho iyo is xogwareysi dhaafsiisan, isagoona tilmaamay in kulamada dambe ay noqon doonaan kuwa si toos ah ay uga wada hadli doonaan howlaha ay u tageen Muqdisho ee ah xal u halista arrimaha Kacdoonka dhaliyay oo ah diidamada jiritaanka maamulka Hirshabeelle.

Dhawaan ayay aheyd markii Muqdisho uu gaaray Jenaraal Xuud iyo xubno ka tirsan Golahiisa Kacdoonka si ay kulamo ula qaataan madaxweynaha mudo xileedkiisa dhamaaday ee Farmaajo oo haatan daneynaya in Baledweyne ay ka qabsoonto doorashada kuraasta 25-ka ah ee taala magaalada Baledweyne, waxaana il gaar ah ay ku eegayaan shacabka reer Hiiraan iyo maamulka Hirshabeelle natiijada kasoo bixi doonta kulamada Farmaajo iyo Jenaraal Xuud.

Jamaal Cali Cabdi, Hiiraan Online












Click here
1/23/2022 3:05 PM EST
Axad, Janaayo, 23, 2022 (HOL) - Afhayeenka Xisbiga Kulmiye Cabdinaasir Muxumed Xasan Buuni, ayaa masuuliyad daro ku eedeeyay Guddoomiyaha Xisbiga Waddani Xirsi Xaaji Cali Xasan, isagoo sheegay in uu dayacay xilal badan oo lagu aaminay.

1/23/2022 9:50 AM EST
Axad, Janaayo, 23, 2022 (HOL) - Golaha Wasiiradda xilgaarsiinta Xukuumada Fedaraalka Soomaaliya ayaa Maanta ansixiyay in laga laabto go'aan ay horay u gaartay Xukuumadda sanadkii 2017-kii, kaasoo ahaa in Ururka ONLF Xukuumadda u aqoonsatay Urur argagixiso, kadib dhiibistii Cabdikariin Qalbi dhagax oo loo gacan galiyay dowladda Itoobiya.

1/23/2022 9:20 AM EST
Axad, Janaayo, 23, 2022 (HOL) - Waxaa Maanta magaalada Kismaayo ee xarunta gobolka Jubbada Hoose lagu doortay 6 kursi oo ka mid ah kuraasta Golaha Shacabka Baarlamaanka 11-aad ee dalka, kuwaas oo deegaan doorashadoodu tahay Jubbaland.

1/23/2022 8:59 AM EST
Axad, Janaayo, 23, 2022 (HOL) - Raysal wasaarihii hore ee Soomaaliya Cumar Cabdirashiid Cali Sharmaarke, ayaa shaki weyn galiyay doorashadii Golaha Shacabka ee shalay lagu qabtay magaalada Garowe.

1/23/2022 8:56 AM EST
Axad, Janaayo, 23, 2022 (HOL) - Wargays lagu magacaabo Globe and Mail ayaa qoray inuu helay warbixino leh caddeymo oo ku saabsan in ciidamada Soomaalida ee lagu tababarayay Ereteriya ay ka qeyb qaateen dagaalka gobolka Tigray bilihii hore ee dagaalka.

1/23/2022 6:03 AM EST
Axad, Janaayo, 23, 2022 (HOL) - Milatariga Mareykanka ayaa sheegay in khatarta Al-Shabaab ay kordheen 12-kii bilood ee la soo dhaafay tan iyo markii boqolaal askari oo Mareykan ah laga soo saaray gobolka Geeska Afrika bishii Janaayo ee sanadkii hore.

1/23/2022 2:45 AM EST
Axad, Janaayo, 23, 2022 (HOL) - Itoobiya ayaa sheegtay inay isu diyaarinayso inay gasho magaalada Maqalle ee xarunta gobolka dhibaatooyinku ka aloosan yihiin ee Tigray.

1/23/2022 1:52 AM EST
Axad, Janaayo, 23, 2022 (HOL) - Dowladda Soomaaliya iyo Midowga Afrika ayaa la sheegay in ay isla garteen qaabka uu noqonayo howlgalka Midowga Afrika ee Soomaaliya, ku dhowaad saddexda sano ee soo socota.

1/23/2022 1:34 AM EST
Axad, Janaayo, 23, 2022 (HOL) - Iyadoo xalay fiidkii kooxo hubeysan ay ku dileen degmada Wadajir ee magaalada Muqdisho allah u naxariistee guddoomiyahii hore ee maamulka Gobolka Hiiraan Cabdiraxmaan Ibraahin Macoow, xili uu kasoo baxay Salaadii Cishaha ayaa waxaa masuuliyada dilkiisa sheegtay Al-shabaab.

1/23/2022 12:57 AM EST
Axad, Janaayo, 23, 2022 (HOL) - Ciidanka xoogga Dalka Soomaaliyeed iyo Daraawiishta Galmudug ayaa sheegay in ay dileen sarkaalkii Al-shabaab u qaabilsanaa magaalada guriceel ee gobolka Galguduud iyo ciidamo la socday.

1/23/2022 12:52 AM EST
Axad, Janaayo, 23, 2022 (HOL) - Waxaa maanta oo Axad ah lagu wadaa in magaalada Kismaayo ay ka qabsoonto doorashada lix kursi oo ka mid ah kuraasta Golaha Shacabka ee deegaan doorashadoodu tahay Jubbaland.