5/17/2022
Today from Hiiraan Online:  _
Wararka Maanta- Axad, Jan 23, 2022
Doorashada lix kursi oo ka mid ah kuraasta Golaha Shacabka oo maanta ka dhaceysa magaalada Kismaayo
 

Axad, Janaayo, 23, 2022 (HOL) - Waxaa maanta oo Axad ah lagu wadaa in magaalada Kismaayo ay ka qabsoonto doorashada lix kursi oo ka mid ah kuraasta Golaha Shacabka ee deegaan doorashadoodu tahay Jubbaland.

Lixda kursi ee maanta lagu dooran doono Kismaayo waxaa u taagan oo kuwada tartami doono 12 Musharax oo soo buuxiyay sharuudahii loogu talo galay doorashada Golaha Shacabka Baarlamaanka 11aad ee dalka.

Kursiga koowaad ee maanta HOP 107 waxaa ku tartami doona Musharaxiinta kala aha Xaawo Maxamed Aadan oo horay ugu fadhisay kursiga iyo Maxamed Sheekh Nuur Cismaan, Xasan Cismaan Aadan.

Kuraiga labaad ee HOP 114 oo uu horay ugu fadhiyay Cabdulqaadir Maxamed Cismaan oo laga reebay doorashada kursigaan ayaa waxaa maanta tartami doona Musharaxiinta kala ah Cumar Ibraahim Xaashi iyo Cabdi Aadan Cabdullaahi.

Kursiga sadaxaad ee HOP 120 oo uu ku fadhiyo C/qaadir Sheekh Cali Ibraahim Baqdaadi ayaa isna laga reebay tartanta kursigan oo uu ku fadhiyay afartii sano ee lasoo dhaafay, waxaana maanta ku tartami doona Asad Cabdirisaaq Maxamed iyo Saciid Cabduqaadir Shukri.

Kursiga afaraad ee HOP 111, waxaa maanta ku wada tartami doona Musharaxiinta kala ah Cabaas Cali Ibraahim iyo Aadan Mursal Cadoow, waxaana laga reebay tartanka kursiga Maxamed Nuur Iftin Shambara oo ku fadhiyay kursiga afartii sano ee lsoo dhaafay.

Kursiga shanaad ee HOP 28 oo uu horay ugu fadhiyay Cabdullaahi Maxamed Aadan Shaacir, waxaa Maanta ku tartami doona Cabdinuur Cali Aadan iyo Axmed Cabdi Maxamed.

Kursiga lixaad ee HOP 93 oo uu ku fadhiyo Wasiirkii hore ee Diinta iyo Awqaafta Sheekh Nuur Maxamed Xasan oo isna laga reebay doorashada, waxaana ku tartami doona Saciid Maxamed Cali iyo Mahad Nuur Xaaji Cismaan.

Maamulka Jubbaland ayaa u muuqanaya mid dardargelin kuwada howlaha doorashada Golaha Shacbka Baarlamaanka 11-aad ee dalka, tan iyo waxii ka dambeeyay markii Golaha wadatashiga qaranka isku raaceen in doorashada lagu soo gabagabeeyo 40 cisho gudahooda.

Jamaal Cali Cabdi, Hiiraan Online












Click here
1/23/2022 3:05 PM EST
Axad, Janaayo, 23, 2022 (HOL) - Afhayeenka Xisbiga Kulmiye Cabdinaasir Muxumed Xasan Buuni, ayaa masuuliyad daro ku eedeeyay Guddoomiyaha Xisbiga Waddani Xirsi Xaaji Cali Xasan, isagoo sheegay in uu dayacay xilal badan oo lagu aaminay.

1/23/2022 9:50 AM EST
Axad, Janaayo, 23, 2022 (HOL) - Golaha Wasiiradda xilgaarsiinta Xukuumada Fedaraalka Soomaaliya ayaa Maanta ansixiyay in laga laabto go'aan ay horay u gaartay Xukuumadda sanadkii 2017-kii, kaasoo ahaa in Ururka ONLF Xukuumadda u aqoonsatay Urur argagixiso, kadib dhiibistii Cabdikariin Qalbi dhagax oo loo gacan galiyay dowladda Itoobiya.

1/23/2022 9:20 AM EST
Axad, Janaayo, 23, 2022 (HOL) - Waxaa Maanta magaalada Kismaayo ee xarunta gobolka Jubbada Hoose lagu doortay 6 kursi oo ka mid ah kuraasta Golaha Shacabka Baarlamaanka 11-aad ee dalka, kuwaas oo deegaan doorashadoodu tahay Jubbaland.

1/23/2022 8:59 AM EST
Axad, Janaayo, 23, 2022 (HOL) - Raysal wasaarihii hore ee Soomaaliya Cumar Cabdirashiid Cali Sharmaarke, ayaa shaki weyn galiyay doorashadii Golaha Shacabka ee shalay lagu qabtay magaalada Garowe.

1/23/2022 8:56 AM EST
Axad, Janaayo, 23, 2022 (HOL) - Wargays lagu magacaabo Globe and Mail ayaa qoray inuu helay warbixino leh caddeymo oo ku saabsan in ciidamada Soomaalida ee lagu tababarayay Ereteriya ay ka qeyb qaateen dagaalka gobolka Tigray bilihii hore ee dagaalka.

1/23/2022 6:03 AM EST
Axad, Janaayo, 23, 2022 (HOL) - Milatariga Mareykanka ayaa sheegay in khatarta Al-Shabaab ay kordheen 12-kii bilood ee la soo dhaafay tan iyo markii boqolaal askari oo Mareykan ah laga soo saaray gobolka Geeska Afrika bishii Janaayo ee sanadkii hore.

1/23/2022 2:45 AM EST
Axad, Janaayo, 23, 2022 (HOL) - Itoobiya ayaa sheegtay inay isu diyaarinayso inay gasho magaalada Maqalle ee xarunta gobolka dhibaatooyinku ka aloosan yihiin ee Tigray.

1/23/2022 1:52 AM EST
Axad, Janaayo, 23, 2022 (HOL) - Dowladda Soomaaliya iyo Midowga Afrika ayaa la sheegay in ay isla garteen qaabka uu noqonayo howlgalka Midowga Afrika ee Soomaaliya, ku dhowaad saddexda sano ee soo socota.

1/23/2022 1:34 AM EST
Axad, Janaayo, 23, 2022 (HOL) - Iyadoo xalay fiidkii kooxo hubeysan ay ku dileen degmada Wadajir ee magaalada Muqdisho allah u naxariistee guddoomiyahii hore ee maamulka Gobolka Hiiraan Cabdiraxmaan Ibraahin Macoow, xili uu kasoo baxay Salaadii Cishaha ayaa waxaa masuuliyada dilkiisa sheegtay Al-shabaab.

1/23/2022 1:30 AM EST
Axad, Janaayo, 23, 2022 (HOL) - Hoggaanka sare ee Golaha Kacdoonka gobolka Hiiraan ayaa kulankii ugu horeyay kula qaatay madaxtooyada Soomaaliya madaxweynaha mudo xileedkiisa dhamaaday ee Maxamed Cabdullaahi Farmaajo.

1/23/2022 12:57 AM EST
Axad, Janaayo, 23, 2022 (HOL) - Ciidanka xoogga Dalka Soomaaliyeed iyo Daraawiishta Galmudug ayaa sheegay in ay dileen sarkaalkii Al-shabaab u qaabilsanaa magaalada guriceel ee gobolka Galguduud iyo ciidamo la socday.