5/21/2022
Today from Hiiraan Online:  _
Wararka Maanta- Sabti, Jan 22, 2022
Shan Kamid ah kuraasta aqalka hoose oo lagu doortay magaalada Garowe
 

Sabti, Janaayo, 22, 2022 (HOL) - Waxaa maanta magaalada Garowe ee caasimadda Puntland ka billaabatay doorashada xildhibaannada  aqalka hoose ee golaha shacabka, iyadoo la doortay shantii kursi ee ugu horreysay.

Doorashadii ugu horreysay oo ay ku tartamayeen Cabdi Ibraahim (Qawdhan) iyo Abshir Cabdi Xuseen ayaa waxaa ku guulaystay Cabdi Ibrahim Warsame Qowdhan oo helay 90 Cod.

Xildhibaan  Qowdhan, oo ah wasiir ku xigeenka maaliyadda Puntland iyo saaxiibada dhow ee madaxweyne Deni. Waxaana la tartamayay Abshir Cabdi Xuseen uu helay 6 Cod.

Wasiiru-dowlaha Waxbarashada Puntland, Cabdullaahi Xasan Rooble ayaa noqday xildhibaanka labaad ee ku soo baxay doorashada golaha shacabka. Wuxuuna helay 93 cod.

Musharraxa la tartamayay oo lagu magacaabo Cabdirisaaq Maxamed Ciise, ayaaa isna helay 3 Cod, 3 Codna way xumaadeen.

Kursiga saddexaad waxaa ku tartamay Cali Yusuf Cali Xoosh oo horey uga mid ahaa barlamankii hore ee Soomaaliya iyo Cabdiwaaxid Abshir Ibrahim,

Waxaa ku guulaystay Cali Yuusuf Cali Xoosh oo helay 93 Cod 99 , halka Cabdiwaaxid Abshir Ibraahim uu helay 5 Cod , 1 Codna wuu xumaaday.

Kursiga 4aad oo ay ku tartameen Cabdilaahi Bidhaan Warsame oo ah wasiirka kalluumaysiga Soomaaliya iyo Cabdixakiin Jaamac Xasan, ayaa waxaa ku guulaystay Cabdilahi Bidhaan Warsame oo helay 99 Cod, halka Cabdixakiin Jaamac Xasan uu helay 2 Cod.

Kursiga 5aad oo ah kursigii ugu dambeeyay ee doorashada waxaa ku guulaystay Axmed Cabdi Xaashi (Axmed Taajir), taliye ku xigeen kasoo noqday ciiddanka booliiska. Wuxuu helay 98 Cod.

Dhammaan xildhibaannada soo baxay waxay ahaayeen kuwo horey loosii hadal hayay, mana aysan la kulmin loolan adag oo dhinaca doorashada ah.

Madaxweyne Deni ayaa lagu eedeeyay inuu doorashada u boobay shakhsiyaad maamulkiisa katirsan iyo saaxiibadiisa siyaasadeed ee kale.

Abdiweli M. Sheikh, Hiiraan Online












Click here
1/22/2022 3:51 PM EST
Sabti, Janaayo, 22, 2022 (HOL) - Taliyaha Ciidanka Booliiska Somaliland Gen: Maxamed Aadan Saqadhi Dabagale, ayaa dalacsiiyay 5 askari oo muuqaaladoodu baraha bulshada ku baaheen, iyagoo la dabaaldagaya bulshada banaanbaxyadii lagu taageerayay dooda Baarlamaanka Ingiriisku ka yeeshay aqoonsiga Somaliland.

1/22/2022 1:47 PM EST
Sabti, Janaayo, 22, 2022 (HOL) - Waxaa goordhaw oo Caawa ah lagu dilay degmada Wadajir ee magaalada Muqdisho allaha u naxariistee guddoomiyahii hore ee maamulka gobolka Hiiraan Cabdiraxmaan Ibraahin Macoow xili uu kasoo baxay Masaajid uu kusoo tukaday Salaadi Cishaha.

1/22/2022 9:29 AM EST
Sabti, Janaayo, 22, 2022 (HOL) - Hooyada dhashay Ikraan Tahliil Faarax oo aheyd gabar ka tirsaneyd ciidanka Nabadsugida iyo Sirdoonka Qaranka Soomaaliyeed oo markii ugu war dambeysay lagu waayay gacanta taliska hay'adda Nabadsugida Qaranka ayaa ka hadashay safar ay sheegtay inuu Baledweyne ku tagayo Fahad Yaasiin Xaaji Daahir.

1/22/2022 6:55 AM EST
Sabti, Janaayo, 22, 2022 (HOL) - Dadweynaha Somaliland ee ku dhaqan gobolada iyo degmooyinka Somaliland ayaa saaka iskugu soo baxay banaanbaxyo ay ku taageerayaan doodii Baarlamaanka Ingiriisku ka yeeshay aqoonsiga Somaliland 18-kii bishan.

1/22/2022 4:18 AM EST
Sabti, Janaayo, 22, 2022 (HOL) - Guddoomiyaha Xisbiga Waddani Xirsi Cali Xaaji Xasan, ayaa xukuumada Somaliland ku eedeeyay in aanay fulin balanqaadyo lagu xusay booga ollolaha xisbiga Kulmiye xiligii doorashadii 2017.

1/22/2022 4:07 AM EST
Sabti, Janaayo, 22, 2022 (HOL) - Guddiga maamulaya doorashada gobolada Waqooyi ee Soomaaliland ayaa soo bandhigay habraaca doorashada sadax kursi oo ka mid ah kuraasta Golaha Shacabka ee deegaan doorashadoodu tahay gobolada waqooyi ee Soomaaliland.

1/22/2022 1:38 AM EST
Sabti, Janaayo, 22, 2022 (HOL) - Qaar badan oo kamid ah musharraxiinta u taagan kuraasta aqalka hoose ee lagasoo dooranayo Pumtland ayaa madaxweynaha Puntland ku eedeeyay inuu kuraasta doorashada uu u xiray shakhsiyaad kamid ah golihiisa xukuumada iyo saaxiibadiisa.

1/22/2022 1:04 AM EST
Sabti, Janaayo, 22, 2022 (HOL) - Raysal wasaare ku xigeenka Xukuumadda xilgaarsiinta Soomaaliya Mahdi Maxamed Guuleed ayaa ka jawaab celiyay eedeeyntii aheyd in raysal wasaare Rooble uu boobayo doorashada gobolada Waqooyi, taasoo kasoo yeertay guddoomiyaha Aqalka sare Cabdi Xaashi Cabdullaahi, Boqor Cismaan Aw Buurmadoow iyo siyaasiyiin kale oo kasoo jeeda gobolada Waqooyi ee Soomaaliland.

1/22/2022 12:57 AM EST
Sabti, Janaayo, 22, 2022 (HOL) - Dawladda Kenya ayaa markii ugu horreysay ka hadashay qaddiyadda aqoonsiga Somaliland, ka dib markii dhawaan baarlamaanka UK ay dood ka yeesheen arrintan.

1/22/2022 12:39 AM EST
Sabti, Janaayo, 22, 2022 (HOL) - Maamulka Puntland ayaa maamulka Galmudug ka dalbaday in ay gacanta kusoo dhigaan maleyshiyaad ka dambeeyay dilka labo qof oo dhalinyaro ah oo kasoo jeeday waqooyiga Gaalkacyo ee Puntland.