5/21/2022
Today from Hiiraan Online:  _
Wararka Maanta- Sabti, Jan 22, 2022
Guddiga Hirgelinta Doorashada Gobolada Waqooyi oo shaaciyay jadwalka doorashada sadax kursi oo ka mid ah kuraasta Golaha Shacabka
 

Sabti, Janaayo, 22, 2022 (HOL) - Guddiga maamulaya doorashada gobolada Waqooyi ee Soomaaliland ayaa soo bandhigay habraaca doorashada sadax kursi oo ka mid ah kuraasta Golaha Shacabka ee deegaan doorashadoodu tahay gobolada waqooyi ee Soomaaliland.

Kuraasta guddiga ay shaaciyeen jadwalka doorashadooda ayaa kala ah HOP 37 oo ay ku fadhisay afartii sano ee lasoo dhaafay Huda Axmed Cali, HOP 238 oo uu isna ku fadhiyay afartii sano ee lasoo dhaafay Ismaciil Cabdiraxmaan Sheekh Bashiir iyo HOP 244 oo uu ku fadhiyo Saciid Maxamed Maxamuud.

Guddiga ayaa qoraalkooda ku shaaciyay in diiwaan gelinta kuraastan ay bilaabaneyso maanta oo Sabti ah, islamarkaana ay doorashadoodu dhici doonto maalinta Isniinta ah oo ay taariiqdu ku beegan tahay 24-ka bishaan Janaayo.

Doorashada sadaxdaan kursi ayaa kusoo beegmeysa xili shalay ay shaaciyeen guddoomiye Cabdi Xaashi, Boqor Buurmadoow iyo siyaasiyiin kale oo kasoo jeeda gobolada Waqooyi in doorashada uu raysal wasaaraha boob ku haayo, islamarkaana ay isaga baxayaan, inkastoo arinkaasi ay beeniyeen garabka guddoomiye Cabdi Xaashi oo raali galin ka siiyay rayaal wasaaraha eedeynta loo jeediyay.


Jamaal Cali Cabdi, Hiiraan Online












Click here
1/22/2022 3:51 PM EST
Sabti, Janaayo, 22, 2022 (HOL) - Taliyaha Ciidanka Booliiska Somaliland Gen: Maxamed Aadan Saqadhi Dabagale, ayaa dalacsiiyay 5 askari oo muuqaaladoodu baraha bulshada ku baaheen, iyagoo la dabaaldagaya bulshada banaanbaxyadii lagu taageerayay dooda Baarlamaanka Ingiriisku ka yeeshay aqoonsiga Somaliland.

1/22/2022 1:47 PM EST
Sabti, Janaayo, 22, 2022 (HOL) - Waxaa goordhaw oo Caawa ah lagu dilay degmada Wadajir ee magaalada Muqdisho allaha u naxariistee guddoomiyahii hore ee maamulka gobolka Hiiraan Cabdiraxmaan Ibraahin Macoow xili uu kasoo baxay Masaajid uu kusoo tukaday Salaadi Cishaha.

1/22/2022 11:07 AM EST
Sabti, Janaayo, 22, 2022 (HOL) - Waxaa maanta magaalada Garowe ee caasimadda Puntland ka billaabatay doorashada xildhibaannada aqalka hoose ee golaha shacabka, iyadoo la doortay shantii kursi ee ugu horreysay.

1/22/2022 9:29 AM EST
Sabti, Janaayo, 22, 2022 (HOL) - Hooyada dhashay Ikraan Tahliil Faarax oo aheyd gabar ka tirsaneyd ciidanka Nabadsugida iyo Sirdoonka Qaranka Soomaaliyeed oo markii ugu war dambeysay lagu waayay gacanta taliska hay'adda Nabadsugida Qaranka ayaa ka hadashay safar ay sheegtay inuu Baledweyne ku tagayo Fahad Yaasiin Xaaji Daahir.

1/22/2022 6:55 AM EST
Sabti, Janaayo, 22, 2022 (HOL) - Dadweynaha Somaliland ee ku dhaqan gobolada iyo degmooyinka Somaliland ayaa saaka iskugu soo baxay banaanbaxyo ay ku taageerayaan doodii Baarlamaanka Ingiriisku ka yeeshay aqoonsiga Somaliland 18-kii bishan.

1/22/2022 4:18 AM EST
Sabti, Janaayo, 22, 2022 (HOL) - Guddoomiyaha Xisbiga Waddani Xirsi Cali Xaaji Xasan, ayaa xukuumada Somaliland ku eedeeyay in aanay fulin balanqaadyo lagu xusay booga ollolaha xisbiga Kulmiye xiligii doorashadii 2017.

1/22/2022 1:38 AM EST
Sabti, Janaayo, 22, 2022 (HOL) - Qaar badan oo kamid ah musharraxiinta u taagan kuraasta aqalka hoose ee lagasoo dooranayo Pumtland ayaa madaxweynaha Puntland ku eedeeyay inuu kuraasta doorashada uu u xiray shakhsiyaad kamid ah golihiisa xukuumada iyo saaxiibadiisa.

1/22/2022 1:04 AM EST
Sabti, Janaayo, 22, 2022 (HOL) - Raysal wasaare ku xigeenka Xukuumadda xilgaarsiinta Soomaaliya Mahdi Maxamed Guuleed ayaa ka jawaab celiyay eedeeyntii aheyd in raysal wasaare Rooble uu boobayo doorashada gobolada Waqooyi, taasoo kasoo yeertay guddoomiyaha Aqalka sare Cabdi Xaashi Cabdullaahi, Boqor Cismaan Aw Buurmadoow iyo siyaasiyiin kale oo kasoo jeeda gobolada Waqooyi ee Soomaaliland.

1/22/2022 12:57 AM EST
Sabti, Janaayo, 22, 2022 (HOL) - Dawladda Kenya ayaa markii ugu horreysay ka hadashay qaddiyadda aqoonsiga Somaliland, ka dib markii dhawaan baarlamaanka UK ay dood ka yeesheen arrintan.

1/22/2022 12:39 AM EST
Sabti, Janaayo, 22, 2022 (HOL) - Maamulka Puntland ayaa maamulka Galmudug ka dalbaday in ay gacanta kusoo dhigaan maleyshiyaad ka dambeeyay dilka labo qof oo dhalinyaro ah oo kasoo jeeday waqooyiga Gaalkacyo ee Puntland.