5/21/2022
Today from Hiiraan Online:  _
Wararka Maanta- Jimco, Jan 21, 2022
Guddiga Hirgelinta Doorashada Gobolada Waqooyi ee Soomaaliland oo shaaciyay jadwalka doorashada 12 Kursi oo ka mid ah Golaha Shacabka
 

Jimco, Janaayo, 21, 2022 (HOL) - Guddiga maamulaya doorashada gobolada Waqooyi ee Soomaaliland ayaa shaaciyay jadwalka qabashada doorashada 12 kursi oo ka mid ah kuraasta Golaha Shacabka ee deegaan doorashadoodu tahay gobolada Waqooyi.

Guddiga dooraahada gobolada Waqooyi ayaa ku dhawaaqay in doorashada 12-ka kursi diiwaan gelintooda iyo tababarka ergada ay bilaabaneyso maalinta berito ah, islamarkaana doorashada kuraasta la qaban doono 24-ka bishaan oo ku beegan maalinta Isniinta ee nagu soo aadan.

Kuraasta la shaaciyay doorashadooda ayaa kala ah HOP 260, HOP 257, HOP, 215, HOP 267, HOP 268, HOP 269, HOP 245, HOP 247, HOP 209, HOP 211, HOP 201, HOP 214, waxana ka mid ah Musharaxiinta ku tartami doono kuraastan la shaaciyay shaqsiyaad caan ah oo uu ka mid yahay wasiirka Maaliyadda Xukuumadda Soomaaliya Cabdiraxmaan Ducalle Beyle.

Hoos ka akhriso Jadwalka ay soo saareen Guddiga Doorashada Soomaaliland.


Jamaal Cali Cabdi, Hiiraan Online












Click here
1/21/2022 9:50 AM EST
Jimco, Janaayo, 21, 2022 (HOL) - Guddoomiyaha Aqalka sare ee Baarlamaanka Fedaraalka Soomaaliya Cabdi Xaashi Cabdullaahi, Boqor Cismaan Aw Buurmadoow iyo siyaasiin kale oo caan ah oo kasoo jeeda deegaanada gobolada Waqooyi ee Soomaaliland ayaa shir jaraa'id oo ay maanta si wadajir ah u qabteen waxay ku sheegeen iney dalbanayaan in la joojiyo Jadwalka doorashada ama isaga baxayaan doorashada ka socota.

1/21/2022 5:57 AM EST
Jimco, Janaayo, 21, 2022 (HOL) - Wararka ka imaanaya magaalada Koofurta gaalkacyo ee xarunta gobolka Mudug ayaa sheegaya in duuleedka magaaladaasi laga helay meydadka laba wiil oo dhalinyaro ah.

1/21/2022 2:05 AM EST
Jimco, Janaayo, 21, 2022 (HOL) - Guddiga doorashada maamulka Galmudug ayaa shaaciyay jadwalka qabashada doodashada todobo kursi oo ka mid ah kuraasta Golaha Shacabka Baarlamaanka 11-aad ee dalka oo deegaan doorashadoodu tahay Galmudug.

1/21/2022 12:57 AM EST
Jimco, Janaayo, 21, 2022 (HOL) - Waxaa magaalada Muqdisho looga dhawaaqay Madashada Badbaadada Galmudug oo ah madal ay ku mideyaan yihiin Mucaarad ka dhan ah maamulka madaxweyne Axmed Cabdi Kaariye Qoorqoor.

1/21/2022 12:17 AM EST
Jimco, Janaayo, 21, 2022 (HOL) - Shir jaraa'id oo uu qabtay Afhayeenka wasaaradda arrimaha dibadda ee Itoobiya Dina Mufti, ayaa gabagabadii shirkaa jaraa'id waxay wariyaasha qaar su'aalo ka waydiiyeen booqashadii dhawaan uu dalkan Itoobiya ku yimid Madaxwaynaha Somaliland Muuse Biixi Cabdi.

1/21/2022 12:11 AM EST
Jimco, Janaayo, 21, 2022 (HOL) - Kooxo ku hubeysnaa Bastoolado ayaa dil ugu geystay Isgoyska Fagax ee degmada Yaaqshiid ee magaalada Muqdisho nabadoon Geeseey Cismaan Cabdulle oo ka mid ahaa nabadoona sida weyn looga yaqiinay magaalada Muqdisho.