5/16/2022
Today from Hiiraan Online:  _
Wararka Maanta- Jimco, Jan 21, 2022
Guddiga Hirgelinta Doorashada Galmudug oo shaaciyay jadwalka doorashada 7 kursi oo ka mid ah Golaha Shacabka
 

Jimco, Janaayo, 21, 2022 (HOL) - Guddiga doorashada maamulka Galmudug ayaa shaaciyay jadwalka qabashada doodashada todobo kursi oo ka mid ah kuraasta Golaha Shacabka Baarlamaanka 11-aad ee dalka oo deegaan doorashadoodu tahay Galmudug.

War qoraal ah oo kasoo baxay xafiiska guddiga hirgelinta doorashada Galmudug ayaa lagu shaaciyay in maalinta berito ah ay bilaabaneyso diiwaan gelinta Musharaxiinta dooneysa iney ku tartamaan kuraasta la shaaciyay, islamarkaana doorashadooda ay dhici doonto maalmaha Arbacada iyo Khamiista oo ay tariiqdu tahay 26 bishaan Janaayo 2022.

Todobada kursi ee doorashadoodu shaaciyeen guddiga doorashada Galmudug ayaa sumadooda waxay kala tahay HOP07, HOP61, HOP64, HOP248, HOP89, HOP96, HOP71,

Maamul goboleedyada dalka ayaa tan iyo waxii ka dambeeyay markii shirkoodii madashada qaran ee ugu soo dhamaaday Muqdisho waxay bilaabeen dadaalo xoogan oo ay ku dardar galinayaan qabashada doorashada Golaha Shacabka.


Jamaal Cali Cabdi, Hiiraan Online












Click here
1/21/2022 9:50 AM EST
Jimco, Janaayo, 21, 2022 (HOL) - Guddoomiyaha Aqalka sare ee Baarlamaanka Fedaraalka Soomaaliya Cabdi Xaashi Cabdullaahi, Boqor Cismaan Aw Buurmadoow iyo siyaasiin kale oo caan ah oo kasoo jeeda deegaanada gobolada Waqooyi ee Soomaaliland ayaa shir jaraa'id oo ay maanta si wadajir ah u qabteen waxay ku sheegeen iney dalbanayaan in la joojiyo Jadwalka doorashada ama isaga baxayaan doorashada ka socota.

1/21/2022 5:57 AM EST
Jimco, Janaayo, 21, 2022 (HOL) - Wararka ka imaanaya magaalada Koofurta gaalkacyo ee xarunta gobolka Mudug ayaa sheegaya in duuleedka magaaladaasi laga helay meydadka laba wiil oo dhalinyaro ah.

1/21/2022 2:12 AM EST
Jimco, Janaayo, 21, 2022 (HOL) - Guddiga maamulaya doorashada gobolada Waqooyi ee Soomaaliland ayaa shaaciyay jadwalka qabashada doorashada 12 kursi oo ka mid ah kuraasta Golaha Shacabka ee deegaan doorashadoodu tahay gobolada Waqooyi.

1/21/2022 12:57 AM EST
Jimco, Janaayo, 21, 2022 (HOL) - Waxaa magaalada Muqdisho looga dhawaaqay Madashada Badbaadada Galmudug oo ah madal ay ku mideyaan yihiin Mucaarad ka dhan ah maamulka madaxweyne Axmed Cabdi Kaariye Qoorqoor.

1/21/2022 12:17 AM EST
Jimco, Janaayo, 21, 2022 (HOL) - Shir jaraa'id oo uu qabtay Afhayeenka wasaaradda arrimaha dibadda ee Itoobiya Dina Mufti, ayaa gabagabadii shirkaa jaraa'id waxay wariyaasha qaar su'aalo ka waydiiyeen booqashadii dhawaan uu dalkan Itoobiya ku yimid Madaxwaynaha Somaliland Muuse Biixi Cabdi.

1/21/2022 12:11 AM EST
Jimco, Janaayo, 21, 2022 (HOL) - Kooxo ku hubeysnaa Bastoolado ayaa dil ugu geystay Isgoyska Fagax ee degmada Yaaqshiid ee magaalada Muqdisho nabadoon Geeseey Cismaan Cabdulle oo ka mid ahaa nabadoona sida weyn looga yaqiinay magaalada Muqdisho.