3/28/2024
Today from Hiiraan Online:  _
Wararka Maanta- Jimco, Jan 21, 2022
Magaalada Muqdisho oo looga dhawaaqay Madasha Badbaadada Galmudug

Jimco, Janaayo, 21, 2022 (HOL) - Waxaa magaalada Muqdisho looga dhawaaqay Madashada Badbaadada Galmudug oo ah madal ay ku mideyaan yihiin Mucaarad ka dhan ah maamulka madaxweyne Axmed Cabdi Kaariye Qoorqoor.

Munaasabadda looga dhawaaqayay Madashaan kasoo horjeeda Madaxweyne Qoorqoor ayaa waxaa siyaasiyiin kasoo jeeda deegaanada maamulka Galmudug oo si adag u dhaliilay hoggaaminta madaxweyne Qoorqoor ee maamulka Galmudug.

War qoraal ah oo ay soo saareen Madasha Badbaadada Galmudug kulankooda kadib ayaa lagu sheegay in madaxweyne Qoorqoor mudada joogo Xafiiska oo ah laba sano inuu dib u dhac weyn uu ku yimid maamulka Galmudug oo dhinac kasto leh.

Maamulka Galmudug ayaa noqonaya maamulkii ugu horeeyay ee wajahaya mowjado siyaaaadeed oo ay hormuud ka yihiin siyaasiin caan ah oo kasoo jeeda deegaanada maamulkaasi, mana jirto ilaa haatan wax war ah oo kasoo baxay dhanka madaxweyne Qoorqoor iyo maamulkiisaba oo ku aadan Madasha cusub ee la baxday Badbaadada Galmudug.

Hoos ka akhriso Qoraalka Madasha Badbaadada Galmudug.


Jamaal Cali Cabdi, Hiiraan Online












Click here
1/21/2022 9:50 AM EST
Jimco, Janaayo, 21, 2022 (HOL) - Guddoomiyaha Aqalka sare ee Baarlamaanka Fedaraalka Soomaaliya Cabdi Xaashi Cabdullaahi, Boqor Cismaan Aw Buurmadoow iyo siyaasiin kale oo caan ah oo kasoo jeeda deegaanada gobolada Waqooyi ee Soomaaliland ayaa shir jaraa'id oo ay maanta si wadajir ah u qabteen waxay ku sheegeen iney dalbanayaan in la joojiyo Jadwalka doorashada ama isaga baxayaan doorashada ka socota.

1/21/2022 5:57 AM EST
Jimco, Janaayo, 21, 2022 (HOL) - Wararka ka imaanaya magaalada Koofurta gaalkacyo ee xarunta gobolka Mudug ayaa sheegaya in duuleedka magaaladaasi laga helay meydadka laba wiil oo dhalinyaro ah.

1/21/2022 2:12 AM EST
Jimco, Janaayo, 21, 2022 (HOL) - Guddiga maamulaya doorashada gobolada Waqooyi ee Soomaaliland ayaa shaaciyay jadwalka qabashada doorashada 12 kursi oo ka mid ah kuraasta Golaha Shacabka ee deegaan doorashadoodu tahay gobolada Waqooyi.

1/21/2022 2:05 AM EST
Jimco, Janaayo, 21, 2022 (HOL) - Guddiga doorashada maamulka Galmudug ayaa shaaciyay jadwalka qabashada doodashada todobo kursi oo ka mid ah kuraasta Golaha Shacabka Baarlamaanka 11-aad ee dalka oo deegaan doorashadoodu tahay Galmudug.

1/21/2022 12:17 AM EST
Jimco, Janaayo, 21, 2022 (HOL) - Shir jaraa'id oo uu qabtay Afhayeenka wasaaradda arrimaha dibadda ee Itoobiya Dina Mufti, ayaa gabagabadii shirkaa jaraa'id waxay wariyaasha qaar su'aalo ka waydiiyeen booqashadii dhawaan uu dalkan Itoobiya ku yimid Madaxwaynaha Somaliland Muuse Biixi Cabdi.

1/21/2022 12:11 AM EST
Jimco, Janaayo, 21, 2022 (HOL) - Kooxo ku hubeysnaa Bastoolado ayaa dil ugu geystay Isgoyska Fagax ee degmada Yaaqshiid ee magaalada Muqdisho nabadoon Geeseey Cismaan Cabdulle oo ka mid ahaa nabadoona sida weyn looga yaqiinay magaalada Muqdisho.