5/17/2022
Today from Hiiraan Online:  _
Wararka Maanta- Jimco, Jan 21, 2022
Itoobiya oo sheegtay in imaanshaha Muuse Biixi aysan dhaawacayn xiriirka wanaagsan ee ka dhaxeeya Itoobiya iyo Soomaaliya
 

Jimco, Janaayo, 21, 2022 (HOL) - Shir jaraa'id oo uu qabtay Afhayeenka wasaaradda arrimaha dibadda ee Itoobiya Dina Mufti, ayaa gabagabadii shirkaa jaraa'id waxay wariyaasha qaar su'aalo ka waydiiyeen booqashadii dhawaan uu dalkan Itoobiya ku yimid Madaxwaynaha Somaliland Muuse Biixi Cabdi.

Afhayeenku waxa uu sheegay in imaanshiyaha Madaxwaynaha Somaliland ee Itoobiya, aysan dhaawac u gaysanaynin xiriirka wanaagsan ee ka dhaxeeya Itoobiya iyo Soomaaliya, waxa uuna yiri Dina Mufti " Waxaan nahay dad wada dega geeska Afrika oo dano guud ka wada dhaxayso, imaanshiyaha Muuse Biixi ama qof kuu dooni ha ahaadee oo aanu kulano, ma dhaawacayso xiriirka anaga iyo Soomaaliya naga dhaxeeya".

Madaxwaynaha Somaliland Muuse Biixi Cabdi ayaa dhawaan booqasho ku yimid dalka Itoobiya, isagoo la kulmay Ra'iisal wasaare Abiyi Axmed, balse wali si rasmi ah looma shaacin waxa ay ka wada hadleen labada mas'uul.

Geesta kale waxaa isna dalka Itoobiya booqasho ku yimid Musharaxa Madaxwayne ee Xisbiga Wadani Cabdiraxmaan cirro, booqashadan ayaa lagu sheegay inay ahayd martiqaad uu Cabdiraxmaan cirro ka helay Ra'iisal wasaaraha Itoobiya Abiyi Axmed, walina lama faahfaahin waxa ay salka ku hayso booqashadan.

Abdilahi Jawhar, Hiiraan Online
[email protected]












Click here
1/21/2022 9:50 AM EST
Jimco, Janaayo, 21, 2022 (HOL) - Guddoomiyaha Aqalka sare ee Baarlamaanka Fedaraalka Soomaaliya Cabdi Xaashi Cabdullaahi, Boqor Cismaan Aw Buurmadoow iyo siyaasiin kale oo caan ah oo kasoo jeeda deegaanada gobolada Waqooyi ee Soomaaliland ayaa shir jaraa'id oo ay maanta si wadajir ah u qabteen waxay ku sheegeen iney dalbanayaan in la joojiyo Jadwalka doorashada ama isaga baxayaan doorashada ka socota.

1/21/2022 5:57 AM EST
Jimco, Janaayo, 21, 2022 (HOL) - Wararka ka imaanaya magaalada Koofurta gaalkacyo ee xarunta gobolka Mudug ayaa sheegaya in duuleedka magaaladaasi laga helay meydadka laba wiil oo dhalinyaro ah.

1/21/2022 2:12 AM EST
Jimco, Janaayo, 21, 2022 (HOL) - Guddiga maamulaya doorashada gobolada Waqooyi ee Soomaaliland ayaa shaaciyay jadwalka qabashada doorashada 12 kursi oo ka mid ah kuraasta Golaha Shacabka ee deegaan doorashadoodu tahay gobolada Waqooyi.

1/21/2022 2:05 AM EST
Jimco, Janaayo, 21, 2022 (HOL) - Guddiga doorashada maamulka Galmudug ayaa shaaciyay jadwalka qabashada doodashada todobo kursi oo ka mid ah kuraasta Golaha Shacabka Baarlamaanka 11-aad ee dalka oo deegaan doorashadoodu tahay Galmudug.

1/21/2022 12:57 AM EST
Jimco, Janaayo, 21, 2022 (HOL) - Waxaa magaalada Muqdisho looga dhawaaqay Madashada Badbaadada Galmudug oo ah madal ay ku mideyaan yihiin Mucaarad ka dhan ah maamulka madaxweyne Axmed Cabdi Kaariye Qoorqoor.

1/21/2022 12:11 AM EST
Jimco, Janaayo, 21, 2022 (HOL) - Kooxo ku hubeysnaa Bastoolado ayaa dil ugu geystay Isgoyska Fagax ee degmada Yaaqshiid ee magaalada Muqdisho nabadoon Geeseey Cismaan Cabdulle oo ka mid ahaa nabadoona sida weyn looga yaqiinay magaalada Muqdisho.