5/21/2022
Today from Hiiraan Online:  _
Wararka Maanta- Jimco, Jan 21, 2022
Faahfaahino kasoo baxaya dil Muqdisho loogu geystay Nabadoon Caan ahaa

Jimco, Janaayo, 21, 2022 (HOL) - Kooxo ku hubeysnaa Bastoolado ayaa dil ugu geystay Isgoyska Fagax ee degmada Yaaqshiid ee magaalada Muqdisho nabadoon Geeseey Cismaan Cabdulle oo ka mid ahaa nabadoona sida weyn looga yaqiinay magaalada Muqdisho.

Dableyda hubeysneyd ayaa nabadoonka waxay ku toogteen wadada Fagax dhexdeesa xili uu kasoo baxay Marxuumka Masaajid ku yaalay halkaasi, waxaana la tilmaamay in marxuumka dhowr xabadood lagu dhuftay , islamarkaana dableydii ay si deg deg ah uga baxsadeen goobta ay ku dileen nabadoonka.

Allah u naxariiste nabdoon Geeseey Cismaan ayaa ka mid ahaa nabdoonada caanka ka ah magaalada Muqdisho, isagoona si gaar ah bulshada uga wacyigelin jiray isticmaalka waxyaabaha maanka dooriya.

Ciidamo ka tirsan dowladda Soomaaliya ayaa sida caadada aheyd tagay dilka kadib goobtii lagu dilay nabadoon Geeseey Cismaan, kuwaas oo baaritaano sameeyay walow aysan jirin cid ay usoo qabteen falka lagu dilay nabadoonka.

Jamaal Cali Cabdi, Hiiraan Online












Click here
1/21/2022 9:50 AM EST
Jimco, Janaayo, 21, 2022 (HOL) - Guddoomiyaha Aqalka sare ee Baarlamaanka Fedaraalka Soomaaliya Cabdi Xaashi Cabdullaahi, Boqor Cismaan Aw Buurmadoow iyo siyaasiin kale oo caan ah oo kasoo jeeda deegaanada gobolada Waqooyi ee Soomaaliland ayaa shir jaraa'id oo ay maanta si wadajir ah u qabteen waxay ku sheegeen iney dalbanayaan in la joojiyo Jadwalka doorashada ama isaga baxayaan doorashada ka socota.

1/21/2022 5:57 AM EST
Jimco, Janaayo, 21, 2022 (HOL) - Wararka ka imaanaya magaalada Koofurta gaalkacyo ee xarunta gobolka Mudug ayaa sheegaya in duuleedka magaaladaasi laga helay meydadka laba wiil oo dhalinyaro ah.

1/21/2022 2:12 AM EST
Jimco, Janaayo, 21, 2022 (HOL) - Guddiga maamulaya doorashada gobolada Waqooyi ee Soomaaliland ayaa shaaciyay jadwalka qabashada doorashada 12 kursi oo ka mid ah kuraasta Golaha Shacabka ee deegaan doorashadoodu tahay gobolada Waqooyi.

1/21/2022 2:05 AM EST
Jimco, Janaayo, 21, 2022 (HOL) - Guddiga doorashada maamulka Galmudug ayaa shaaciyay jadwalka qabashada doodashada todobo kursi oo ka mid ah kuraasta Golaha Shacabka Baarlamaanka 11-aad ee dalka oo deegaan doorashadoodu tahay Galmudug.

1/21/2022 12:57 AM EST
Jimco, Janaayo, 21, 2022 (HOL) - Waxaa magaalada Muqdisho looga dhawaaqay Madashada Badbaadada Galmudug oo ah madal ay ku mideyaan yihiin Mucaarad ka dhan ah maamulka madaxweyne Axmed Cabdi Kaariye Qoorqoor.

1/21/2022 12:17 AM EST
Jimco, Janaayo, 21, 2022 (HOL) - Shir jaraa'id oo uu qabtay Afhayeenka wasaaradda arrimaha dibadda ee Itoobiya Dina Mufti, ayaa gabagabadii shirkaa jaraa'id waxay wariyaasha qaar su'aalo ka waydiiyeen booqashadii dhawaan uu dalkan Itoobiya ku yimid Madaxwaynaha Somaliland Muuse Biixi Cabdi.