5/21/2022
Today from Hiiraan Online:  _
Wararka Maanta- Khamiis, Jan 20, 2022
Cabdiraxmaan Cirro "Ictiraadku wuu fogaan doonaa hadii madaxweynuhu ka meer meero in uu doorashooyinka qabto"
 

Khamiis, Janaayo, 20, 2022 (HOL) - Musharaxa Madaxweynaha Xisbiga Waddani Cabdiraxmaan Maxamed Cabdillaahi Cirro, ayaa sheegay in Somaliland meel fiican marayso, wuxuuna madaxweynaha uga digay in ictiraafku fogaan doono hadii aanu doorashooyinka wakhtigooda ku qaban.

Ciiro ayaa dooda Baarlamaanka Ingiriisku ka yeeshay aqoonsiga Somaliland iyo soo dhawayntii madaxweyne Biixi loogu sameeyay Addisababa ku tilmaamay in ay tusinayaan heerka ay Somaliland marayso.

"Somaliland maanta meel fiican ayay maraysa, madaxweynuhu wuxuu ku tagay safar dalka aynu jaarka nahay, waad arkayseeno sifiican ayaa loo soo dhaweeyay, dood ayaa ka socotay Baarlamaanka Ingiriiska, waxaasi waxay ka dhasheen in Somaliland lagu bogaadinayo hanaanka dimuquraadiga ah" ayuu yidhi Cirro.

Cirro ayaa sheegay in meeqaamka Somaliland uu hoos u dhici doona oo aan la heli doonin wax yaabaha maanta la haysto, hadii doorashadu dib u dhacdo.

"Waxan isleeyahay soo dhawayntaana waala waayi doonaa, dooda baarlamaankana waa la waayi doonaa, ictiraafkuna wuu fogaan doonaa, hadii madaxweynuhu ka meer meero in uu doorashooyinka qabto" ayuu yidhi Cirro.

Cirro ayaa sheegay in isaguna uu safar ugu baxayo dalka Itoobiya, maalin kadib safarkii madaxweynaha.

Abdilahi Geel-maal, Hiiraan Online
[email protected]












Click here
1/20/2022 8:40 AM EST
Khamiis, Janaayo, 20, 2022 (HOL) - Shirka todobaadlaha ah ee Golaha Wasiirada Somaliland, ayaa maanta lagu go'aamiyay in shacabka Somaliland ay saxeexaan hal-milyan oo codsi, oo aqoonsi lagaga dalbanayo QM, Jaamacada Carabta, Midowga Afrika iyo caalamka oo dhan.

1/20/2022 8:36 AM EST
Khamiis, Janaayo, 20, 2022 (HOL) - Wasiirka qorshaynta Soomaaliya Jamaal Maxamed Xasan ayaa sheegay xildhibaan Gavin Williamson oo ah mudane katirsan barlamaanka UK in aanu xaqiiqo ka hayn qadiyada Somaliland.

1/20/2022 5:38 AM EST
Khamiis, Janaayo, 20, 2022 (HOL) - Waxaa goordhaw lagu doortay Teendhada Afisyooni ee Magaalada Muqdisho guddoomiyaha cusub ee guddiga xalinta khilaafaadka doorashooyinka dadban ee dalka.

1/20/2022 1:24 AM EST
Khamiis, Janaayo, 20, 2022 (HOL) - Raysal wasaarihii hore ee Soomaaliya Cumar Cabdirashiid ayaa sheegay inuu welwel xooggan ka qabo sida ay ku socdaan doorashooyinka dalka.

1/20/2022 1:14 AM EST
Khamiis, Janaayo, 20, 2022 (HOL) - Waxaa Maanta lagu wadaa in teendhada Afisyooni ee magaalada Muqdisho ay ka dhaco doorashada guddoomiyaha cusub ee guddiga xalinta khilaafaadka doorashooyinka dalka.

1/20/2022 12:44 AM EST
Khamiis, Janaayo, 20, 2022 (HOL) - Wasiirka arrimaha dibadda Soomaaliya oo khadka talefoonka wada hadal kula yeeshay, Wasiiru-dowlaha Arrimaha Dibadda dowladda Imaraadka Carabta, Mudane Sheikh Shakhboot Nahyan Al Nahyan, ayaa uga tacsiyeeyey dhibbaneyaasha weerarkii argagixiso ee ka dhacay magaalada Abu Dhabi.

1/20/2022 12:42 AM EST
Khamiis, Janaayo, 20, 2022 (HOL) - Waxaa wali halkeedii kasii socda dabkii aan wali lagaran waxa sababaya, ee ka kacayay guryo badan oo ku yaal magaalada Hartasheekh ee dowlad degaanka Soomaalida.