5/21/2022
Today from Hiiraan Online:  _
Wararka Maanta- Khamiis, Jan 20, 2022
Wasiir Jamaal oo si kulul ugu jawaabay xldhibaankii UK ee dalbaday in la aqoonsado Somaliland
 

Khamiis, Janaayo, 20, 2022 (HOL) - Wasiirka qorshaynta Soomaaliya Jamaal Maxamed Xasan ayaa sheegay xildhibaan Gavin Williamson oo ah mudane katirsan barlamaanka UK in aanu xaqiiqo ka hayn qadiyada Somaliland.

Wasiirka qorshaynta ayaa weerar afka ah ku qaaday Xildhibaankan oo dabada ka riixaya aqoonsiga Somaliland.

“Qof si sharaf dhac ah xilka loogaga eryay dowladiisa kadib markii uu faafiyay xogta amniga qaranka wax shaqo ah kuma laha arimaha gudaha ee wadan madax bamnaan,” ayuu yiri wasiir Jamaal.

Gavin Williamson ayaa Mooshin uu Salaasadii hor keenay baarlamaanka UK ku codsaday  in Somaliland loo aqoonsado qaran madax-bannaan, balse arrintaan ayaa dib loo dhigay.

Mr Williamson ayaa xilka wasiirka gaashaandhiga laga eryay sanadki 2019 kadib markii lagu eedeeyay inuu faafiyay sirta ka soo baxday shirkii heerka sare ee golaha amniga qaranka.

Balse, wuxuu beeniyey inuu xogtaas faafiyey.

Wasiirka UK ee arrimaha Afrika ayaa ka hortimid hadalka xildhibaan Gavin Williamson, waxayna sheegtay in aqoonsiga Somaliland ee dal madax bannaan uu yahay mid utaalla Soomaaliya.

Abdiweli M. Sheikh, Hiiraan Online












Click here
1/20/2022 9:36 AM EST
Khamiis, Janaayo, 20, 2022 (HOL) - Musharaxa Madaxweynaha Xisbiga Waddani Cabdiraxmaan Maxamed Cabdillaahi Cirro, ayaa sheegay in Somaliland meel fiican marayso, wuxuuna madaxweynaha uga digay in ictiraafku fogaan doono hadii aanu doorashooyinka wakhtigooda ku qaban.

1/20/2022 8:40 AM EST
Khamiis, Janaayo, 20, 2022 (HOL) - Shirka todobaadlaha ah ee Golaha Wasiirada Somaliland, ayaa maanta lagu go'aamiyay in shacabka Somaliland ay saxeexaan hal-milyan oo codsi, oo aqoonsi lagaga dalbanayo QM, Jaamacada Carabta, Midowga Afrika iyo caalamka oo dhan.

1/20/2022 5:38 AM EST
Khamiis, Janaayo, 20, 2022 (HOL) - Waxaa goordhaw lagu doortay Teendhada Afisyooni ee Magaalada Muqdisho guddoomiyaha cusub ee guddiga xalinta khilaafaadka doorashooyinka dadban ee dalka.

1/20/2022 1:24 AM EST
Khamiis, Janaayo, 20, 2022 (HOL) - Raysal wasaarihii hore ee Soomaaliya Cumar Cabdirashiid ayaa sheegay inuu welwel xooggan ka qabo sida ay ku socdaan doorashooyinka dalka.

1/20/2022 1:14 AM EST
Khamiis, Janaayo, 20, 2022 (HOL) - Waxaa Maanta lagu wadaa in teendhada Afisyooni ee magaalada Muqdisho ay ka dhaco doorashada guddoomiyaha cusub ee guddiga xalinta khilaafaadka doorashooyinka dalka.

1/20/2022 12:44 AM EST
Khamiis, Janaayo, 20, 2022 (HOL) - Wasiirka arrimaha dibadda Soomaaliya oo khadka talefoonka wada hadal kula yeeshay, Wasiiru-dowlaha Arrimaha Dibadda dowladda Imaraadka Carabta, Mudane Sheikh Shakhboot Nahyan Al Nahyan, ayaa uga tacsiyeeyey dhibbaneyaasha weerarkii argagixiso ee ka dhacay magaalada Abu Dhabi.

1/20/2022 12:42 AM EST
Khamiis, Janaayo, 20, 2022 (HOL) - Waxaa wali halkeedii kasii socda dabkii aan wali lagaran waxa sababaya, ee ka kacayay guryo badan oo ku yaal magaalada Hartasheekh ee dowlad degaanka Soomaalida.