5/21/2022
Today from Hiiraan Online:  _
Wararka Maanta- Khamiis, Jan 20, 2022
Doorashada Guddoomiyaha Cusub ee Guddiga Xalinta Khilaafaadka Doorashooyinka dalka oo Maanta ka dhaceysa Muqdisho

Khamiis, Janaayo, 20, 2022 (HOL) - Waxaa Maanta lagu wadaa in teendhada Afisyooni ee magaalada Muqdisho ay ka dhaco doorashada guddoomiyaha cusub ee guddiga xalinta khilaafaadka doorashooyinka dalka.

Guddiga u qaabilsan qabanqaabada doorashada guddoomiyaha cusub ee xalinta khilaafaadka ayaa shalay waxay soo gabagabeeyeen diiwaan gelinta Musharaxiinta dooneysa iney u tartamaan qabahsada xilka guddoomiyenimo.

Doorashada guddonka cusub ee guddiga xalinta khilaafaadka doorashooyinka ee maanta dhaceysa ayaa waxaa goobjoog ka noqon doono masuuliyiin kala duwan oo ka tirsan dowladda Soomaaliya, waxaana haatan socota qabanqaabadii ugu dambeysay ee loogu diyaar garoobayo doorashada Maanta dhaceysa.

Si kastaba ha ahaatee dhowr maalmood ka hor ayay aheyd markii teendhada Afisyooni ee magaalada Muqdisho lagu doortay guddoomiyaha cusub ee guddiga doorashooyinka dalka Muuse Geelle Yuusuf, kadib markii guddoomiyahii hore guddigaas Maxamed Xasan Cirro ay xilkii ka tuureen xubnaha guddiga oo ku eedeeyay inuu ku dhex milmay siyaaaadda.

Jamaal Cali Cabdi, Hiiraan Online












Click here
1/20/2022 9:36 AM EST
Khamiis, Janaayo, 20, 2022 (HOL) - Musharaxa Madaxweynaha Xisbiga Waddani Cabdiraxmaan Maxamed Cabdillaahi Cirro, ayaa sheegay in Somaliland meel fiican marayso, wuxuuna madaxweynaha uga digay in ictiraafku fogaan doono hadii aanu doorashooyinka wakhtigooda ku qaban.

1/20/2022 8:40 AM EST
Khamiis, Janaayo, 20, 2022 (HOL) - Shirka todobaadlaha ah ee Golaha Wasiirada Somaliland, ayaa maanta lagu go'aamiyay in shacabka Somaliland ay saxeexaan hal-milyan oo codsi, oo aqoonsi lagaga dalbanayo QM, Jaamacada Carabta, Midowga Afrika iyo caalamka oo dhan.

1/20/2022 8:36 AM EST
Khamiis, Janaayo, 20, 2022 (HOL) - Wasiirka qorshaynta Soomaaliya Jamaal Maxamed Xasan ayaa sheegay xildhibaan Gavin Williamson oo ah mudane katirsan barlamaanka UK in aanu xaqiiqo ka hayn qadiyada Somaliland.

1/20/2022 5:38 AM EST
Khamiis, Janaayo, 20, 2022 (HOL) - Waxaa goordhaw lagu doortay Teendhada Afisyooni ee Magaalada Muqdisho guddoomiyaha cusub ee guddiga xalinta khilaafaadka doorashooyinka dadban ee dalka.

1/20/2022 1:24 AM EST
Khamiis, Janaayo, 20, 2022 (HOL) - Raysal wasaarihii hore ee Soomaaliya Cumar Cabdirashiid ayaa sheegay inuu welwel xooggan ka qabo sida ay ku socdaan doorashooyinka dalka.

1/20/2022 12:44 AM EST
Khamiis, Janaayo, 20, 2022 (HOL) - Wasiirka arrimaha dibadda Soomaaliya oo khadka talefoonka wada hadal kula yeeshay, Wasiiru-dowlaha Arrimaha Dibadda dowladda Imaraadka Carabta, Mudane Sheikh Shakhboot Nahyan Al Nahyan, ayaa uga tacsiyeeyey dhibbaneyaasha weerarkii argagixiso ee ka dhacay magaalada Abu Dhabi.

1/20/2022 12:42 AM EST
Khamiis, Janaayo, 20, 2022 (HOL) - Waxaa wali halkeedii kasii socda dabkii aan wali lagaran waxa sababaya, ee ka kacayay guryo badan oo ku yaal magaalada Hartasheekh ee dowlad degaanka Soomaalida.