5/21/2022
Today from Hiiraan Online:  _
Wararka Maanta- Arbaco, Jan 19, 2022
Guddiga doorashada Koonfur Galbeed oo qabtay doorashada shan kursi oo aqalka hoose ah


Arbaco, Janaayo, 19, 2022 (HOL) - Guddiga doorashada heer dowlad goboleed ee koonfur galbeed ayaa maanta dib u billaabay doorashada kuraasta aqalka hoose, iyadoo maantana magaalada Baydhabo lagu doortay shan kursi.

Xasan Cabdinuur Cabdi ayaa ku guuleystay kursigii ugu horreeyay doorashada maanta dhacday, kursigaas oo Tirsigiisa uu yahay Hop184, isagoo helay 72 cod, halka musharaxii la tartamayay Maxamed Cabdulaahi Cali uu heley 27 cod

Shariif Maxamed Cabdulaahi ayaa isna ku guuleystay kursiga Tirsigiisa uu yahay Hop-085 ee xubinnimada Golaha Shacabka BFS isagoo helay codad gaaraya 79 cod halka musharaxii la tartamayay Maxamed Xuseen Mukhtaar uu helay 19-cod

Kursiga saddexaad ee tirsigiisu ahaa HOP-176, waxaa maanta ku guulaystay Maxamed Mursal Maxamuud oo helay codad gaaraya 73-cod. Musharraxa kursiga kula tartamayay oo lagu magacaabo Cabdixakiin Mustaf Ibraahim ayaa helay cod-26

Musharrax Maxamed Wardheere Cabdi ayaa ku guulaystay kursiga 4-aad ee Tirsigiisa uu yahay HOP-046, isagoo helay codad gaaraya 83-cod, halka musharaxii la tartamayay Cabdulaahi Samow Cusmaan uu heley 11-cod

Maxamed Aadan Maxamed ayaa ku guuleystay kursiga shanaad ee tirsigiisa uu yahay HOP-156. Wuxuu helay codad gaaraya 88-cod halka musharaxii la tartamayay Maxamed Ibraahim isaaq uu heley 10-cod.

Doorashada maanta ka dhacday koonfur galbeed ma ahayn mid ay loolan adag ku galeen musharraxiinta tartamayay, waxaana xidlhibaannada guulaystay ay kusoo baxeen codadka aad u badan.

Abdiweli M. Sheikh, Hiiraan Online












Click here
1/19/2022 10:38 AM EST
Arbaco, Janaayo, 19, 2022 (HOL) - Xildhibaan Gavin Williamson oo ah xildhibaanka Baarlamaanka Ingiriiska keenay qadiyada aqoonsiga Somaliland, ayaa wasiirka UK uqaabilsan Afrika Vicky Ford, ku tilmaamay wasiir aan qaandhaag ahayn, wuxuuna usoo jeediyay in ay dhagaysato baarlamaan keeda.

1/19/2022 6:12 AM EST
Arbaco, Janaayo, 19, 2022 (HOL) - Wasiir gaadiidka iyo duulista hawada ee dowladda federalka Soomaaliya, Duuraan Axmed Faarax ayaa sheegay in si baalmarsan sharuucda habraaca doorashada loo maray doorashada kursiga HOP 166.

1/19/2022 4:38 AM EST
Arbaco, Janaayo, 19, 2022 (HOL) - Waxaa goordhaw garoonka diyaaradaha magaalada Muqdisho soo caga dhigatay diyaarad qaas ah oo magaalada Baledweyne kasoo qaaday Taliyaha ciidanka Lugta xoogga dalka Soomaaliya Jenaraal Maxamed Tahliil Biixi iyo hoggaamiyaha Golaha Kacdoonka Hiiraan Jenaraal Abuur Warsame Xuud.

1/19/2022 4:21 AM EST
Arbaco, Janaayo, 19, 2022 (HOL) - Dowladda China ayaa saddex markab oo ay leedahay waxay aay ka ambabaxeen dekadda Guangdong, waxay gaareen gacanka Cadmeed si ay uga qeyb qaataan howlgalada caalamiga ah ee lagula dagaalamayo burcad badeeda Soomaaliya.

1/19/2022 1:59 AM EST
Arbaco, Janaayo, 19, 2022 (HOL) - Guddiga hirgelinta doorashada maamulka Jubbaland ayaa soo saaray jadwalka qabashada doorashada lix kursi oo ka mid ah 14 kursi oo ay horay u shaaciyeen guddiga doorashada maamulka Jubbaland 13-kii bishaan Janaayo 2022.

1/19/2022 1:36 AM EST
Arbaco, Janaayo, 19, 2022 (HOL) - Ugu yaraan 23 xildhibaan oo kamid ah 24 xildhibaan oo kasoo qayb galay doodii lagaga hadlayay aqoonsiga Somaliland, ee uu Baarlamaanka Ingiriiska horgeeyay xildhibaan Gavin Williamson, ayaa dowlada Ingiriiska usoo jeediyay in ay Somaliland aqoonsato.

1/19/2022 1:27 AM EST
Arbaco, Janaayo, 19, 2022 (HOL) - Hoggaamiyaha Golaha Kacdoonka gobolka Hiiraan Jenaraal Abuukar Xaaji Warsame Xuud iyo xubno ka tirsan saraakiishii Golahaas ayaa lagu wada in saacadaha soo socda ee maanta gaaraan magaalada Muqdisho ee Caasimadda Soomaaliya.

1/19/2022 1:08 AM EST
Arbaco, Janaayo, 19, 2022 (HOL) - Kooxda Alshabaab ayaa aheegatay weerar ismiidaamin ah oo ka dhacay maqaayad u dhaw Xerada tababarka Ciidamada Gen. Dhagabadan Ex. Xero Nacnaca ee dagmada Wadajir.

1/19/2022 12:12 AM EST
Arbaco, Janaayo, 19, 2022 (HOL) - Wasiirka dowlada Ingiriiska ee arrimaha Afrika Vicky Ford, ayaa sheegtay in dooda baarlamaanka Ingiriisku maanta ka yeeshay aqoonsiga Somaliland ay muujinayso halka ay Somaliland dowladeeda ka taagantahay, waxayna dhinaca kale arrimaha aqoonsiga ku riixday in Somaliland iyo Soomaaliya go'aan ka gaadhaan.

1/19/2022 12:06 AM EST
Arbaco, Janaayo, 19, 2022 (HOL) - Wasiirka Arrimaha Dibbada Somaliland D.R Ciise Kayd Maxamuud, ayaa sheegay in ay kulmeen Raysal Wasaare Abiye Axmed iyo Madaxweyne Biixi, kana wada hadleen arrimaha ganacsiga iyo amaanka.

1/19/2022 12:02 AM EST
Arbaco, Janaayo, 19, 2022 (HOL) - Ra'iisal wasaaraha Itoobiya Abiyi Axmed oo ka qayb galay kulan ay isugu yimaadeen, Qurbajoogta Itoobiya ee dhawaan dalka Itoobiya kusoo laabtay, ayaa waxa uu soo hadal qaaday arrimo ku saabsan Calanka Itoobiya.