5/21/2022
Today from Hiiraan Online:  _
Wararka Maanta- Arbaco, Jan 19, 2022
Baarlamaanka Ingiriiska oo dood ka yeeshay aqoonsiga Somaliland
 

Arbaco, Janaayo, 19, 2022 (HOL) - Ugu yaraan 23 xildhibaan oo kamid ah 24 xildhibaan oo kasoo qayb galay doodii lagaga hadlayay aqoonsiga Somaliland, ee uu Baarlamaanka Ingiriiska horgeeyay xildhibaan Gavin Williamson, ayaa dowlada Ingiriiska usoo jeediyay in ay Somaliland aqoonsato.

Xildhibaannada ayaa siwayn iskugu raacay in loo baahanyahay in dowlada Ingiriisku hogaanka u qabato qadiyada aqoonsiga Soomaliland oo ay iyadu qaado talaabada ugu horaysa, ee aqoonsiga Somaliland.

Xildhibaannada ayaa soo bandhigay sababaha ay dowlada Ingiriisku tahay in ay aqoonsi u siiso Somaliland, waxay sheegeen in Somaliland tahay saaxiib qadiimi ah oo ay dowlada Ingiriisku leedahay, iyagoo sheegay in dadka reer Somaliland ay ka garab dagaalameen ciidamadii Ingiriiska xiligii maxmiyada, isla markaana loo bahanyahay in Ingiriisku maanta difaaco.

Waxay sheegeen in Somaliland ay tahay astaan dimuquraadiyadeed iyo dowlad wanaag oo ka dhex ifaysa, gobol ay halakeeyeen argagixiso, dagaalo, isla markaana aan laga qiimayn dimuquraadiyada iyo doorashooyinka, waxay sheegeen in aan loo baahnayn in Somaliland sannad guuradeeda 40aad u dabaal dagto aqoonsi la'aan.

Doqoniimo ayay ku tilmaameen in dowlada Ingiriisku anay ka faa'iidaysan goobta istiraatijiga ah ee ay Somaliland ku taalo, oo ay usoo haliilayaan dowladaha China iyo Ruushka, wakhti kasta oo sii dheeraadaana uu fursad siin doono, reer bariga. Waxay soo jeediyeen in deeqaha Somaliland si toosa loo siiyo, oo aan loo dhexmarin dowlada Soomaaliya.

Waxay ku doodeen in Somaliland samaysay horumar la yaableh kadib xasuuqi iyo burburkii ay dowladii Kacaanku u gaysatay, sida waxbarashada oo ay sheegeen in wiilal iyo hablaba fursad isku mid ah iyo si isku mid ah ay wax u bartaan, oo waliba ay habluhu inamada ka badanyihiin goobaha qaarkood sida Jaamacada Hargaysa.

Mid kamid ah xildhibaannada ayaa isagu soo jeediyay, in wali Somaliland ay u dhimantahay in ay buuxiso shuruudo ay ka mid tahay xoriyada diimaha.

Wasiirka Ingiriiska ee Yurub Christopher Heaton-Harris, oo isaga la waydiinayay dhamaan su'aalaha, ayaa amaanay xidhiidhaka Somaliland iyo UK, iyo horumarka Somaliland samaysay, wuxuuna yidhi "waxaa haboon in waddamada Afrika ay hogaa'miyaan arrinta aqoonsiga" taasi oo aan u cuntamin xildhibaannadii dooda kasoo qayb galay.

Abdilahi Geel-maal, Hiiraan Online
[email protected]












Click here
1/19/2022 10:38 AM EST
Arbaco, Janaayo, 19, 2022 (HOL) - Xildhibaan Gavin Williamson oo ah xildhibaanka Baarlamaanka Ingiriiska keenay qadiyada aqoonsiga Somaliland, ayaa wasiirka UK uqaabilsan Afrika Vicky Ford, ku tilmaamay wasiir aan qaandhaag ahayn, wuxuuna usoo jeediyay in ay dhagaysato baarlamaan keeda.

1/19/2022 7:44 AM EST
Arbaco, Janaayo, 19, 2022 (HOL) - Guddiga doorashada heer dowlad goboleed ee koonfur galbeed ayaa maanta dib u billaabay doorashada kuraasta aqalka hoose, iyadoo maantana magaalada Baydhabo lagu doortay shan kursi.

1/19/2022 6:12 AM EST
Arbaco, Janaayo, 19, 2022 (HOL) - Wasiir gaadiidka iyo duulista hawada ee dowladda federalka Soomaaliya, Duuraan Axmed Faarax ayaa sheegay in si baalmarsan sharuucda habraaca doorashada loo maray doorashada kursiga HOP 166.

1/19/2022 4:38 AM EST
Arbaco, Janaayo, 19, 2022 (HOL) - Waxaa goordhaw garoonka diyaaradaha magaalada Muqdisho soo caga dhigatay diyaarad qaas ah oo magaalada Baledweyne kasoo qaaday Taliyaha ciidanka Lugta xoogga dalka Soomaaliya Jenaraal Maxamed Tahliil Biixi iyo hoggaamiyaha Golaha Kacdoonka Hiiraan Jenaraal Abuur Warsame Xuud.

1/19/2022 4:21 AM EST
Arbaco, Janaayo, 19, 2022 (HOL) - Dowladda China ayaa saddex markab oo ay leedahay waxay aay ka ambabaxeen dekadda Guangdong, waxay gaareen gacanka Cadmeed si ay uga qeyb qaataan howlgalada caalamiga ah ee lagula dagaalamayo burcad badeeda Soomaaliya.

1/19/2022 1:59 AM EST
Arbaco, Janaayo, 19, 2022 (HOL) - Guddiga hirgelinta doorashada maamulka Jubbaland ayaa soo saaray jadwalka qabashada doorashada lix kursi oo ka mid ah 14 kursi oo ay horay u shaaciyeen guddiga doorashada maamulka Jubbaland 13-kii bishaan Janaayo 2022.

1/19/2022 1:27 AM EST
Arbaco, Janaayo, 19, 2022 (HOL) - Hoggaamiyaha Golaha Kacdoonka gobolka Hiiraan Jenaraal Abuukar Xaaji Warsame Xuud iyo xubno ka tirsan saraakiishii Golahaas ayaa lagu wada in saacadaha soo socda ee maanta gaaraan magaalada Muqdisho ee Caasimadda Soomaaliya.

1/19/2022 1:08 AM EST
Arbaco, Janaayo, 19, 2022 (HOL) - Kooxda Alshabaab ayaa aheegatay weerar ismiidaamin ah oo ka dhacay maqaayad u dhaw Xerada tababarka Ciidamada Gen. Dhagabadan Ex. Xero Nacnaca ee dagmada Wadajir.

1/19/2022 12:12 AM EST
Arbaco, Janaayo, 19, 2022 (HOL) - Wasiirka dowlada Ingiriiska ee arrimaha Afrika Vicky Ford, ayaa sheegtay in dooda baarlamaanka Ingiriisku maanta ka yeeshay aqoonsiga Somaliland ay muujinayso halka ay Somaliland dowladeeda ka taagantahay, waxayna dhinaca kale arrimaha aqoonsiga ku riixday in Somaliland iyo Soomaaliya go'aan ka gaadhaan.

1/19/2022 12:06 AM EST
Arbaco, Janaayo, 19, 2022 (HOL) - Wasiirka Arrimaha Dibbada Somaliland D.R Ciise Kayd Maxamuud, ayaa sheegay in ay kulmeen Raysal Wasaare Abiye Axmed iyo Madaxweyne Biixi, kana wada hadleen arrimaha ganacsiga iyo amaanka.

1/19/2022 12:02 AM EST
Arbaco, Janaayo, 19, 2022 (HOL) - Ra'iisal wasaaraha Itoobiya Abiyi Axmed oo ka qayb galay kulan ay isugu yimaadeen, Qurbajoogta Itoobiya ee dhawaan dalka Itoobiya kusoo laabtay, ayaa waxa uu soo hadal qaaday arrimo ku saabsan Calanka Itoobiya.