5/21/2022
Today from Hiiraan Online:  _
Wararka Maanta- Arbaco, Jan 19, 2022
Jenaraal Xuud oo sheegay inuu ku wajahan yahay Magaalada Muqdisho, lana kulmayo madaxweyne Farmaajo
 

Arbaco, Janaayo, 19, 2022 (HOL) - Hoggaamiyaha Golaha Kacdoonka gobolka Hiiraan Jenaraal Abuukar Xaaji Warsame Xuud iyo xubno ka tirsan saraakiishii Golahaas ayaa lagu wada in saacadaha soo socda ee maanta gaaraan magaalada Muqdisho ee Caasimadda Soomaaliya.

Safarka Jenaraal Xuud ee lagu wado inuu ku gaaro magaalada Muqdisho ayaa yimid kadib wadahadalo dhexmaray isaga iyo wafdi dowladda Soomaaliya ka socday oo uu hoggaaminaayay Taliyaha ciidanka Dhulka Jenaraal Maxamed Tahliil Biixi, kuwaas oo isku afgartay heshiis hordhac ah oo ku aadan in si nabadgalyo ah lagu dhameeyo tabashada Golaha Kacdoonka.

Jenaraal Xuud oo la hadlay Warbaahinta ayaa sheegay in Muqdisho uu u tagayo si uu ula kulmo madaxweynaha mudo xileedkiisa dhamaaday Maxamed Cabdullaahi Farmaajo, islamarkaana uu kala hadli doono tabashada ay qabaan reer Hiiraan.

"Taliyaha ciidanka dhilka waxaan isla qaadanay in wax walba si nabad ah lagu dhameeyo, waxaana hadda muuqata in xalka Hiiraan boqolkiiba todobaatan inuu xalismayo marka aan la kulmo madaxweyne Farmaajo, Waxaan u socda Muqdisho oo aan kula kulmi doona madaxweyne Farmaajo" ayuu yiri Jenaraal Xuud.

Waxuu intaasi ku daray Jenaraal Xuud ineysan jirin wax wadahadal ah oo dhexmaray isaga iyo maamulka Hirshabeelle, balse cida ay wadahadalka ay la galeen ay tahay dowladda Fedaraalka Soomaaliya, Jenaraal Xuud iyo ciidamadiisa ayaa muddo hal sano ah waxay magaalada Baledweyne u diidanayeen inuu yimaaado madaxweynaha Hirshabeelle, ayagoo diidana jiritaanka maamulka Hirshabeelle.

Sikastaba ha ahaatee waxaa warar soo baxaya ay sheegayaan in Jenaraal Xuud iyo qaar ka mid ah sarakiishii kale ee Golaha Kacdoonka Hiiraan inay ku kala qeybsameen oo ay diideen Safarka loo qorsheeyay iney Muqdisho ku tagaan Jenaraal Xuud iyo xubanaha kale ee Golahaasi si ay ula soo kulmaan madaxweyne Farmaajo.

Jamaal Cali Cabdi, Hiiraan Online












Click here
1/19/2022 10:38 AM EST
Arbaco, Janaayo, 19, 2022 (HOL) - Xildhibaan Gavin Williamson oo ah xildhibaanka Baarlamaanka Ingiriiska keenay qadiyada aqoonsiga Somaliland, ayaa wasiirka UK uqaabilsan Afrika Vicky Ford, ku tilmaamay wasiir aan qaandhaag ahayn, wuxuuna usoo jeediyay in ay dhagaysato baarlamaan keeda.

1/19/2022 7:44 AM EST
Arbaco, Janaayo, 19, 2022 (HOL) - Guddiga doorashada heer dowlad goboleed ee koonfur galbeed ayaa maanta dib u billaabay doorashada kuraasta aqalka hoose, iyadoo maantana magaalada Baydhabo lagu doortay shan kursi.

1/19/2022 6:12 AM EST
Arbaco, Janaayo, 19, 2022 (HOL) - Wasiir gaadiidka iyo duulista hawada ee dowladda federalka Soomaaliya, Duuraan Axmed Faarax ayaa sheegay in si baalmarsan sharuucda habraaca doorashada loo maray doorashada kursiga HOP 166.

1/19/2022 4:38 AM EST
Arbaco, Janaayo, 19, 2022 (HOL) - Waxaa goordhaw garoonka diyaaradaha magaalada Muqdisho soo caga dhigatay diyaarad qaas ah oo magaalada Baledweyne kasoo qaaday Taliyaha ciidanka Lugta xoogga dalka Soomaaliya Jenaraal Maxamed Tahliil Biixi iyo hoggaamiyaha Golaha Kacdoonka Hiiraan Jenaraal Abuur Warsame Xuud.

1/19/2022 4:21 AM EST
Arbaco, Janaayo, 19, 2022 (HOL) - Dowladda China ayaa saddex markab oo ay leedahay waxay aay ka ambabaxeen dekadda Guangdong, waxay gaareen gacanka Cadmeed si ay uga qeyb qaataan howlgalada caalamiga ah ee lagula dagaalamayo burcad badeeda Soomaaliya.

1/19/2022 1:59 AM EST
Arbaco, Janaayo, 19, 2022 (HOL) - Guddiga hirgelinta doorashada maamulka Jubbaland ayaa soo saaray jadwalka qabashada doorashada lix kursi oo ka mid ah 14 kursi oo ay horay u shaaciyeen guddiga doorashada maamulka Jubbaland 13-kii bishaan Janaayo 2022.

1/19/2022 1:36 AM EST
Arbaco, Janaayo, 19, 2022 (HOL) - Ugu yaraan 23 xildhibaan oo kamid ah 24 xildhibaan oo kasoo qayb galay doodii lagaga hadlayay aqoonsiga Somaliland, ee uu Baarlamaanka Ingiriiska horgeeyay xildhibaan Gavin Williamson, ayaa dowlada Ingiriiska usoo jeediyay in ay Somaliland aqoonsato.

1/19/2022 1:08 AM EST
Arbaco, Janaayo, 19, 2022 (HOL) - Kooxda Alshabaab ayaa aheegatay weerar ismiidaamin ah oo ka dhacay maqaayad u dhaw Xerada tababarka Ciidamada Gen. Dhagabadan Ex. Xero Nacnaca ee dagmada Wadajir.

1/19/2022 12:12 AM EST
Arbaco, Janaayo, 19, 2022 (HOL) - Wasiirka dowlada Ingiriiska ee arrimaha Afrika Vicky Ford, ayaa sheegtay in dooda baarlamaanka Ingiriisku maanta ka yeeshay aqoonsiga Somaliland ay muujinayso halka ay Somaliland dowladeeda ka taagantahay, waxayna dhinaca kale arrimaha aqoonsiga ku riixday in Somaliland iyo Soomaaliya go'aan ka gaadhaan.

1/19/2022 12:06 AM EST
Arbaco, Janaayo, 19, 2022 (HOL) - Wasiirka Arrimaha Dibbada Somaliland D.R Ciise Kayd Maxamuud, ayaa sheegay in ay kulmeen Raysal Wasaare Abiye Axmed iyo Madaxweyne Biixi, kana wada hadleen arrimaha ganacsiga iyo amaanka.

1/19/2022 12:02 AM EST
Arbaco, Janaayo, 19, 2022 (HOL) - Ra'iisal wasaaraha Itoobiya Abiyi Axmed oo ka qayb galay kulan ay isugu yimaadeen, Qurbajoogta Itoobiya ee dhawaan dalka Itoobiya kusoo laabtay, ayaa waxa uu soo hadal qaaday arrimo ku saabsan Calanka Itoobiya.