5/21/2022
Today from Hiiraan Online:  _
Wararka Maanta- Arbaco, Jan 19, 2022
Abiyi Axmed oo sheegay in ciddii aan Ilaalin Calanka Itoobiya uu ladagaallami doono

Arbaco, Janaayo, 19, 2022 (HOL) - Ra'iisal wasaaraha Itoobiya Abiyi Axmed oo ka qayb galay kulan ay isugu yimaadeen, Qurbajoogta Itoobiya ee dhawaan dalka Itoobiya kusoo laabtay, ayaa waxa uu soo hadal qaaday arrimo ku saabsan Calanka Itoobiya.

Waxa uu sheegay Ra'iisal wasaaruhu in ciddii ka hortimaadda Calankan dalka Itoobiya ka wada dhaxeeya, inay la kulmi doonto cawaaqib xumo, isla markaana uu dagaal kala hortagi doono.

Waxa uu yiri Ra'iisal wasaare Abiyi Axmed "Haddii aad tiraahdaan ilaalin mayno Calanka Itoobiya , uma baahna inaan German iyo Japan tago, ee sidii aan TPLF u garaacay unbaan idiin garaaci, cidday dooni may ahaato".

Hadallada Abiyi Axmed uu ka jeediyay kulankii Qurbajoogtu ay lahaayeen ayaa u muuqday kuwo hanjabaad ka muuqatay, waxayna kusoo hagaagayeen hadalladiisu iyadoo dadka Kiristanka ahi ee dalka Itoobiya ay maalmahan xus lahaayeen, taasoo sida caadada u ah soo qaata calanka Itoobiya oo laga reebay calaamadda dhexda kaga taalla ee buluugga ah, taasoo u taagan fadaraalisimka.

Sidoo kale calankan uu kasoo horjeestay Ra'iisal wasaare Abiyi Axmed waxaa gooni u leh oo u aaminsan dadka kasoo horjeeda nidaamka fadaraalisimka, oo iyagu raba in calanka haatan uu leeyahay dalka Itoobiya, lagu badalo kan saddexda midab un leh ee aan lahay calaamadda fadaraalisimka ah.

Abdilahi Jawhar, Hiiraan Online
[email protected]
 












Click here
1/19/2022 10:38 AM EST
Arbaco, Janaayo, 19, 2022 (HOL) - Xildhibaan Gavin Williamson oo ah xildhibaanka Baarlamaanka Ingiriiska keenay qadiyada aqoonsiga Somaliland, ayaa wasiirka UK uqaabilsan Afrika Vicky Ford, ku tilmaamay wasiir aan qaandhaag ahayn, wuxuuna usoo jeediyay in ay dhagaysato baarlamaan keeda.

1/19/2022 7:44 AM EST
Arbaco, Janaayo, 19, 2022 (HOL) - Guddiga doorashada heer dowlad goboleed ee koonfur galbeed ayaa maanta dib u billaabay doorashada kuraasta aqalka hoose, iyadoo maantana magaalada Baydhabo lagu doortay shan kursi.

1/19/2022 6:12 AM EST
Arbaco, Janaayo, 19, 2022 (HOL) - Wasiir gaadiidka iyo duulista hawada ee dowladda federalka Soomaaliya, Duuraan Axmed Faarax ayaa sheegay in si baalmarsan sharuucda habraaca doorashada loo maray doorashada kursiga HOP 166.

1/19/2022 4:38 AM EST
Arbaco, Janaayo, 19, 2022 (HOL) - Waxaa goordhaw garoonka diyaaradaha magaalada Muqdisho soo caga dhigatay diyaarad qaas ah oo magaalada Baledweyne kasoo qaaday Taliyaha ciidanka Lugta xoogga dalka Soomaaliya Jenaraal Maxamed Tahliil Biixi iyo hoggaamiyaha Golaha Kacdoonka Hiiraan Jenaraal Abuur Warsame Xuud.

1/19/2022 4:21 AM EST
Arbaco, Janaayo, 19, 2022 (HOL) - Dowladda China ayaa saddex markab oo ay leedahay waxay aay ka ambabaxeen dekadda Guangdong, waxay gaareen gacanka Cadmeed si ay uga qeyb qaataan howlgalada caalamiga ah ee lagula dagaalamayo burcad badeeda Soomaaliya.

1/19/2022 1:59 AM EST
Arbaco, Janaayo, 19, 2022 (HOL) - Guddiga hirgelinta doorashada maamulka Jubbaland ayaa soo saaray jadwalka qabashada doorashada lix kursi oo ka mid ah 14 kursi oo ay horay u shaaciyeen guddiga doorashada maamulka Jubbaland 13-kii bishaan Janaayo 2022.

1/19/2022 1:36 AM EST
Arbaco, Janaayo, 19, 2022 (HOL) - Ugu yaraan 23 xildhibaan oo kamid ah 24 xildhibaan oo kasoo qayb galay doodii lagaga hadlayay aqoonsiga Somaliland, ee uu Baarlamaanka Ingiriiska horgeeyay xildhibaan Gavin Williamson, ayaa dowlada Ingiriiska usoo jeediyay in ay Somaliland aqoonsato.

1/19/2022 1:27 AM EST
Arbaco, Janaayo, 19, 2022 (HOL) - Hoggaamiyaha Golaha Kacdoonka gobolka Hiiraan Jenaraal Abuukar Xaaji Warsame Xuud iyo xubno ka tirsan saraakiishii Golahaas ayaa lagu wada in saacadaha soo socda ee maanta gaaraan magaalada Muqdisho ee Caasimadda Soomaaliya.

1/19/2022 1:08 AM EST
Arbaco, Janaayo, 19, 2022 (HOL) - Kooxda Alshabaab ayaa aheegatay weerar ismiidaamin ah oo ka dhacay maqaayad u dhaw Xerada tababarka Ciidamada Gen. Dhagabadan Ex. Xero Nacnaca ee dagmada Wadajir.

1/19/2022 12:12 AM EST
Arbaco, Janaayo, 19, 2022 (HOL) - Wasiirka dowlada Ingiriiska ee arrimaha Afrika Vicky Ford, ayaa sheegtay in dooda baarlamaanka Ingiriisku maanta ka yeeshay aqoonsiga Somaliland ay muujinayso halka ay Somaliland dowladeeda ka taagantahay, waxayna dhinaca kale arrimaha aqoonsiga ku riixday in Somaliland iyo Soomaaliya go'aan ka gaadhaan.

1/19/2022 12:06 AM EST
Arbaco, Janaayo, 19, 2022 (HOL) - Wasiirka Arrimaha Dibbada Somaliland D.R Ciise Kayd Maxamuud, ayaa sheegay in ay kulmeen Raysal Wasaare Abiye Axmed iyo Madaxweyne Biixi, kana wada hadleen arrimaha ganacsiga iyo amaanka.