Guddiga Hirgelinta Doorashada Koonfur Galbeed oo shaaciyay doorashada kuraas ka mid ah Golaha Shacabka
Axad, Febraayo, 27, 2022 (HOL) - Guddiga doorashada maamulka Koonfur Galbeed Soomaaliya ayaa shaaciyay
doorashada afar kursi oo ka mid ah kuraasta Golaha Shacabka Baarlamaanka
Fedaraalka Soomaaliya ee deegaan doorashadoodu tahay magaalada
Baydhabo.
War qoraal oo kasoo
baxay guddiga doorashada Koonfur Galbeed ayay ku shaaciyeen in maalmaha
soo socda ay qabanayaan doorashada afartan kursi ee ka mid ah kuraasta
taala magaalada Baydhabo.
Afarta
kursi ee la shaaciyay ayaa kala ah HOP 275 oo uu ku fadhiyo Sheekh
Shaacir Sheekh Maxamed Xasan, HOP 230 oo dhowrkii sano ee la soo dhaafay
uu ku fadhiyo Pro, Cabdiraxmaan Aadan Ibraahim (IBBI), HOP 183 oo uu ku
fadhiyo Sandheere Maxamed Iftin, HOP 178 oo uu ku fadhiyo Xasan Cali
Maxamed Amar-dambe, waxaana doorashada kuraastan la filaa iney qabsoonto
maalmaha soo socda.
Maamulka
Koonfur Galbeed Soomaaliya ayaa ka mid ah maamulada sida weyn u wada
howlaha dardar gelinta leh ee doorashada kuraasta Golaha Shacabka
Baarlamaanka Soomaaliya, waxaana xusid mudan in maamulka Koonfur Galbeed
uu dhawaan soo gabagabeeyay deegaan doorashadii labaad ee kuraastii
taalay magaalada Baraawe ee gobolka Sh/hoose.
Hoos ka akhriso kuraasta la shaaciyay.
Jamaal Cali Cabdi, Hiiraan Online
