9/24/2022
Today from Hiiraan Online:  _
Wararka Maanta- Isniin, Aug 8 , 2022
Al-shabaab oo dab qabadsiiyay ilaa 7 tuulo oo ka tirsan degmada Maxaas ee gobolka Hiiraan
 

Isniin, Agoosto, 8, 2022 (HOL) - Wararka ka imaanaya degmada Maxaas ee gobolka Hiiraan ayaa sheegaya in dagaalmayaasha Al-shabaab ay dab qabad siiyeen ilaa 7 tuulo oo ka mid ah tuulooyinka hoostaga degmada Maxaas ee gobolka Hiiraan.

Guddoomiyaha degmada Maxaas Muumin Maxamed Xalane ayaa sheegay in Al-shabaab ay gubeen oo ceelashii biyaha ay matooradii ka qarxiyeen ilaa 7 tuulo oo ah tuuloiyinka hoostaga degmada Maxaas ee gobolka Hiiraan.

"Waxay dab qabadsiiyeen 7 tuulo oo ay ceelashii biyaha xata intey qarxiyeen ay duugeen arxan lawaxayasha Shabaab oo hada beegsi ku bilaabay shacabka, waxay sidoo kale gubeen qaar ka mid ah Isgaarsiinta tulooyinkaasi, waxaana hada qorsheynay inaan ka badbaadino tuulooynka kale" ayuu yiri guddoomiyaha Maxaas Muumin Xalane.

Xildhibaan Maxamed Cabduqaadir oo ka mid ah Xildhibaanada laga soo doorto gobolka Hiiraan oo ka hadlaayay tulooyinka ay gubeen Al-shabaab ayaa sheegay in shabaab dhibaatada Hiiraan ay ka wadaan ay tahay mid qabyaaladeysan oo ay ku beegsanayaan Beesha Xawaadle kaliya.

"Waxaan aad uga xumahay dhibaatada shabaab ay ka geysteen tulooyinka hoostaga Maxaas, waxan cadeynaya in shabaab ay Beesha Xawaadle kaliya beegsi ku hayso, wan ognahay waxay horay u cunaqabateyeen dhamaan deegaanadii beesha sida degmooyinka Jalalaqsi, Buulaburte, Maxaas, Matabaana iyo Baledweyne ay hada kala jareen dhamaan deeganada Bariga Hiiraan ayay shabaab hab qabiileed kula dagaalameysa, Dadkeeyga marna madaxa hoorsan mayaan shabaabna waan Ka guuleysaneynaa" ayuu yiri Xildhibaan Maxamed Cabduqaadir.

Shacabka ku dhaqan gobolka Hiiraan ayaa si weyn u hadal haayo talaabada Al-shabaab ay ku gubeen ilaa 7 tuulo oo ah tulooyin hoostaga degmada Maxaas ee gobolka Hiiraan, islamarkaana ceelashii tuulooyinkaasi ku duugeen Shabaab.












Click here
8/8/2022 1:10 PM EST
Isniin, Agoosto, 8, 2022 (HOL) - Madaxweynaha Koonfur galbeed Soomaaliya, Cabdicasiis Laftagareen iyo Wafdi uu hoggaaminayo ayaa maanta ka degey magaalada Jigjiga ee caasimadda dowlad degaanka Soomaalida, iyadoo garoonka diyaaradaha ee Magaalada Jigjiga uu kusoo dhaweeyay Madaxweynaha dowlad degaanka Soomaalida Mustafe cagjar iyo qaar kamid ah golihiisa Wasiirada.

8/8/2022 1:03 PM EST
Isniin, Agoosto, 8, 2022 (HOL) - Ciidanka Liyuu Booliska degaanka Soomaalida ayaa sheegay in Ururka Al Shabaab laga qabtay Miinooyin.

8/8/2022 10:04 AM EST
Isniin, Agoosto, 8, 2022 (HOL) - Madaxweyne ku xigeenka koowaad ee maamulka Jubbaland Maxamuud Sayid Aadan ayaa soo dhaweeyay ansixinta Xukuumadda cusub ee Raysal wasaare Xamse Cabdi Barre oo uu horay u dhaliilay dhismaheeda.

8/8/2022 9:45 AM EST
Isniin, Agoosto, 8, 2022 (HOL) - Ciidamada dowladda Soomaaliya ayaa Maanta la wareegay deegaano dhowr ah oo ka tirsan degmooyin Matabaan iyo Maxaas ee gobolka Hiiraan, kadib howlgalo balaaran oo saacadihii ugu dambeeyay ay sameeyeen ciidanka Xoogga dalka Soomaaliyeed.

8/8/2022 9:38 AM EST
Isniin, Ogosto, 8, 2022 (HOL) - Wasiiro, wasiir ku xigeeno iyo masuuliyiin kale oo ka tirsan xukuumada Somaliland, ayaa shacabka ugu baaqay in ay nabada ilaaliyaan, mucaaradkana usoo jeediyay in ay dabaqaan sharciga.

8/8/2022 8:27 AM EST
Isniin, Agoosto, 8, 2022 (HOL) - Lix Kun oo arday ayaa waxbarashadii ugu haray saameynta ka dhalatay abaaraha ka jira Puntland, sida lagu sheegay war-saxaafadeed kaso baxay wasaaradda waxbarashada maamulka Puntland.

8/8/2022 8:18 AM EST
Isniin, Ogosto, 8, 2022 (HOL) - Xisbiga mucaaradka Somaliland ee Waddani, ayaa diiday kulan uu ka dalbaday wasiirka arrimaha gudduhu, kadib ogaysiiskii mudaharaad ee ay shalay u gudbiyeen, xili xukuumadu xabsiga dhigtay masuuliyiin ka tirsan mucaaradka.

8/8/2022 7:36 AM EST
Isniin, Agoosto, 8, 2022 (HOL) - Madaxweynaha dowladda Federaalka Soomaaliya Xasan Sheekh Maxamuud iyo wafdi uu hoggaaminayo ayaa Maanta u ambabaxay dalka Uganda, kadib martiqaad rasmi ah oo uu ka helay madaxweynaha dalka Uganda Yoweri Museveni.

8/8/2022 2:11 AM EST
Isniin, Agoosto, 8, 2022 (HOL) - Madaxweynaha Turkiga Recep Tayyip Erdoğan ayaa khadka taleefoonka kula hadlay Madaxweynaha Soomaaliya Xasan Sheekh Maxamuud, xalay oo Axad ahayd.

8/8/2022 1:58 AM EST
Isniin, Agoosto, 8, 2022 (HOL) - Maamulka Jubbland ayaa xaqiijiyay inay ciidmo Itoobiyaan ah oo kasoo gudbay xadka labada dal ay gaareen qeybo kamid ah gobolka Gedo, maalmo kadib dagaalladii Itoobiya Alshabaab kula gashay gobolka Bakool iyo xadka.