9/24/2022
Today from Hiiraan Online:  _
Wararka Maanta- Sabti, Aug 13, 2022
Wararkii ugu dambeeyay howlgalada ka socda gobolka Hiiraan

Sabti, Agoosto, 13, 2022 (HOL) - Waxaa wali ka soconaya deegaanada u dhaxeeya magaalooyinka Matabaan, Maxaas iyo Baledweyne howlgalada ay iska kaashanayaan ciidanka dowladda Soomaaliya iyo kuwa deegaanka ee loo yaqaano Macawiisleyda.

Howlgalada ciidamada iskaashanaya oo uu horkacaayo guddoomiyaha maamulka gobolka Hiiraan Cali Jeyte Cismaan ayaa lasoo warinayaa iney si buuxdo kula wareegeen ciidanka gacan ku heynta deegaano badan oo ku yaala inta u dhaxeysa Maxaas, Matabaan iyo Baledweyne oo horay ugu sugnayeen Al-shabaab.

Guddoomiyaha degmada Matabaan Bashiir Cabdiraxmaan Sheekeeye oo warbaahinta la hadlay ayaa sheegay in ciidamada is garabsanaya ay dagaalo xoogan la galeen Al-shabaab ay kula wareegeen ku dhawaad 10 deegaan oo ku yaala inta u dhaxeysa Maxaas, Matabaan iyo Baledweyne, isagoona ugu baaqay hay'addaha gargaarka iney gurmad deg deg ah la gaaraan deegaanada Shabaab ay kala wareegeen.

"Deegaannada Cadawga laga xorreeyay waxaa kamid ah Bacda, Beer-Gidiid, Jilacle, Madhoy, Hees & Deegaanno kale, Howlgalka waxaa iska kaashaday Dowladda Federaalka, Dowlad-Goboleedyada Hir-Shabeelle & Galmudug, Hay’adaha Samafalka waxa aan ugu baaqeynaa in ay gargaar siiyaan Dadka Abaartu saameysay, waxa ay u baahan yihiin cunto, biyo & waxyaabaha aasaaska u ah dhanka Nolosha” ayuu yri guddoomiyaha degmada Matabaan Bashiir Sheekeeye.

Labadii bilood ee lasoo dhaafay waxaa gobolka Hiiraan ciidamada dowladda Soomaaliya oo garab ka helaya kuwa deegaanka ee Macawiisleeyda ay howlgalo xoogan ka wadeen qeybo ka mid ah deegaano hoostaga degmooyinka Maxaas, Matabaan iyo Baledweyne, waxaana xusid mudan in halkaasi dhawaan ay tageen Taliyaha ciidanka Xoogga dalka Soomaaliyeed Jenaraal Odawaa Yuusuf, iyadoo horayna uu halkaasi ugu sii sugnaa Taliyaha ciidanka Lugta Jenaraal Maxamed Tahliil Biixi iyo Taliyeyaal kale oo ka tirsan ciidanka Xoogga dalka Soomaaliyeed.

Jamaal Cali Cabdi, Hiiraan Online
[email protected]












Click here
8/13/2022 12:39 PM EST
Sabti, Agoosto, 13, 2022 (HOL) - Maxkamadda racfaanka gobolka Bari ee Puntland, ayaa xukun dil ah ku riday shabakad ka kooban afar nin oo horey loogu xukumay dil toogasho, kuwaas oo katirsanaa ururka Daacish.

8/13/2022 10:48 AM EST
Sabti, Agoosto, 13, 2022 (HOL) - Wasiirka Wasaaradda Dekedaha Xukuumadda Fedaraalka Soomaaliya Cabdullaahi Axmed Jaamac Ilkajiir oo ay wehlinayeen wasiru dowlaha Xafiiska Raysal wasaaraha Soomaaliya Xirsi Jaamac Gaani, Xoghayaha Joogtada ee Xafiiska Raysal Wasaare Xamse, Maxamed Abuukar Zubeyr iyo masuuliyiin kale ayaa Maanta la wareegay deeq raashin oo ka timid dowladda Imaaraadka Carabta.

8/13/2022 10:45 AM EST
Sabti, Ogosto, 13, 2022 (HOL) - Madaxweynaha Somaliland Muuse Biixi Cabdi, ayaa qaabilay wafti Maraykan ah oo ka kooban diblumaasiyiin, saraakiil ciidan iyo saraakiil ka socda akaadamiyada Heritage Foundation oo safar shaqo ku jooga Somaliland.

8/13/2022 9:46 AM EST
Sabti, Agoosto, 13, 2022 (HOL) - Hoggaamiyaha ruug cadaaga ah ee mucaaradka Raila Odinga ayaa hoggaaminaya tartanka madaxtinimada Kenya, sida ay muujisay natiijada rasmiga ah ee doorashada ee soo baxday Sabtida maanta.

8/13/2022 7:46 AM EST
Sabti, Ogosto, 13, 2022 (HOL) - Xildhibaannada kasoo jeeda xisbiyada mucaaradka Somaliland ee ka tirsan golaha wakiilada, ayaa wax laga xumaado ku tilmaamay habkii ciidamada booliisku ula dhaqmeen mudaharaayaasha mucaaradka bannaanbixii 11 August.

8/13/2022 7:30 AM EST
Sabti, Agoosto, 13, 2022 (HOL) - Madaxweynaha Puntland Siciid Cabdullaahi Deni, ayaa amray in la joojiyo in la iibiyo buugaagta manhajka waxbarashada dusgiyada sare ee Puntland, inta dib loo eegayo si loo saxo khaladaadka jira hadda, sida uu sheegay.

8/13/2022 7:14 AM EST
Sabti, Ogosto, 13, 2022 (HOL) - Xisbiga mucaaradka Somaliland ee UCID, ayaa madaxweynaha Somaliland Muuse Biixi Cabdi, ku eedeeyay in uu u hamuum qabo in uu daadiyo dhiiga shacabka.

8/13/2022 1:40 AM EST
Sabti, Agoosto, 13, 2022 (HOL) - Markab gargaar oo laga leeyahay Imaaraadka ayaa ku soo xirtay dekedda magaalada Muqdisho si uu u gaarsiiyo 1,000 tan oo sahay cunto ah oo loogu talagalay ku dhawaad 2.5 milyan oo qof oo ay saameeyeen abaaraha ka jira dalka.

8/13/2022 1:12 AM EST
Sabti, Ogosto, 13, 2022 (HOL) - Nin aan haybtiisa la aqoonsan oo afka soo duubtay, ayaa 2 qof ku dhaawacay degmada Maxamuud Haybe ee magaalada Hargaysa, kadib markii uu rasaas ku furay.