9/24/2022
Today from Hiiraan Online:  _
Wararka Maanta- Jimco, Aug 12, 2022
Magaalada Cundhufo oo si buuxda ay ula wareegeen maleeshiyaadka Canfartu
 

Jimco, Agoosto, 12, 2022 (HOL) - Wararka ka imaanaya dowlad degaanka Soomaalida ayaa sheegaya in magaalada Cundhufo oo maalmihii u dambeeyay uu ka socday dagaal u dhaxeeyay Soomaali iyo Canfar ay maanta si buuxda ugu gacan gashay maleeshiyaadka Canfarta.

Ma jirin wax iska caabin ah oo ay ka kulmeen Canfartu, sidoo kale waxaa lasoo sheegayaa in Ciidankii Liyuu Booliska Soomaalida oo badankood mar hore loo diray dhinaca xuduudda Soomaaliya, intii kusoo hadhay aagan ay iyaguna soo baneeyeen magaalada Cundhufo.

Danlahelay iyo magaalooyin kale oo la isku haystay ayay maalinimadii shalay Canfartu la wareegtay, halka maanta oo Jimce ah ay si buuxda gacanta ugu dhigeen magaalada Cundhufo, oo ah magaaladii u dambeysay ee Soomaali iyo Canfar isku haysteen.

Dadkii degganaa magaalooyinka gacanta u galay Canfarya oo ay kamid ahayd magaalada Cundhufo ayaa iskaga baxay, waxayna kusoo barakaceen dadkaasi degaannada u dhaw magaalooyinkan la qabsaday.

Magaalada Cundhufo ee maanta ay la wareegeen maleeshiyaadka Canfartu ayaa ah magaalo muhiim ah, oo ku taal jidka laamida ee isku xidha Addis Ababa iyo dalka Jabuuti, waa magaalo hal bowle u ah dhaqdhaqaaqa ganacsi ee dalka Itoobiya.

Saddexda magaalo ee muranku ka taagnaa mudada dheer ee Garbaciise, Caddhaytu iyo Cubdhufo ayaa waxaa heshiis dhex maray maamulkii hore ee degaanka Soomaalida wkhtigii Cabdi Maxamuud Cumar iyo Maamulkii Canfarta ee xilligaa la isla gartay in magaalooyinkan lagu wareejiyo Canfarta, balse dadka Soomaalida ee degganaa dhulkan ay sii degganaadaan.

Balse heshiiskaa waxaa 2019kii waxba kama jiraan ka dhigay xukuumaddii Mustafe cagjar, iyadoo xilligaasna uu Madaxweyne Mustafe cagjar Warbaahinta ka sheegay inuusan oggolaanayn in la qaato taako dhul Soomaali leedahay.

Wakhtigaa wixii ka billaabmay waxaa magaalooyinkan ku billawday dagaal iyo colaad hor leh oo u dhaxeysa Soomaali iyo Canfar, dhiig badanna ku daatay dad badanna ay ku barakaceen.

Marar badan waxaa la isku dayay in heshiis la kala dhex dhigo Soomaalida iyo Canfarta, dowladda dhexe ee Itoobiya ayaa heshiiskii u dambeeyay garwadeen ka ahayd, balse wax walba oo qalinka lagu duugo waxa uu noqonayay hal bacaad lagu lisay.

Wali xukuumadda dowlad degaanka Soomaalidu kamaysan hadlin arrintan kasoo cusboonaatay galbeedka gobolka Sitti.

Abdilahi Jawhar, Hiiraan Online
[email protected]












Click here
8/12/2022 5:02 PM EST
Jimco, Agoosto, 12, 2022 (HOL) - Madaxweynaha dowladda Federaalka Soomaaliya Xasan Sheekh Maxamuud ayaa Caawa ka hadlay rabashadahii Shalay ka dhacay qaar ka mid ah magaalooyinka Somaliland, isagoona ku baaqay in xasilloonida, nabadda iyo wadajirka ay ku tilmaaman yihiin hoggaanka siyaasadda iyo shacabka Somaliland inay dhowrtaan.

8/12/2022 1:45 PM EST
Jimco, Agoosto, 12, 2022 (HOL) - Raysal waasaraha Xukuumada Feradaalka Soomaaliya Xamse Cabdi Barre oo goordhaw ka hadlay rabashadahii ka dhacay deegaano ka tirsan Somaliland ayaa ugu baaqay shacabka iyo masuuliyiinta Somaliland in wadahadal iyo is afgarad ay ku dhameeyaan xiisada siyaasadeed ee ka jirta deegaanada Somaliland, kadib banaanbaxyadii rabshadaha watay ee shalay ka dhacay magaalooyin ka mid ah Somaliland oo ay ku dhinteen dad shacab ahaa.

8/12/2022 11:19 AM EST
Jimco, Agoosto, 12, 2022 (HOL) - Madaxweynaha dowlad degaanka Soomaalida Mustafe cagjar ayaa maanta isbeddel ku sameeyay Taliska Ciidanka Liyuu Booliska degaanka Soomaalida.

8/12/2022 5:41 AM EST
Jimco, Agoosto, 12, 2022 (HOL) - Hal qof oo Soomali ah oo rag ah ayaa ku geeriyooday mid kalena wuu ku dhaawacmay kadib markii rag hubaysan ay rasaas ku fureen qabuuraha Richmond Hill, halkaas oo ay ka socotay aaska wiil dhallinyaro Soomaali ah oo todobaadkan lagu dilay magaalada Toronto.

8/12/2022 5:17 AM EST
Jimco, Agoosto, 12, 2022 (HOL) - Taliska ciidanka Booliiska Soomaaliyeed oo Xalay howgalo culus ka sameeyay qeybo ka mid ah degmooyinka magaalada Muqdisho ayaa soo bandhigay tiro Mooto Bajaajyo ah oo ay sheegeen in lasoo dhacay.

8/12/2022 4:04 AM EST
Jimco, Ogosto, 12, 2022 (HOL) - Madaxweynaha Somaliland Muuse Biixi Cabdi, ayaa dusha u saaray xisbiyada mucaaradka ah eeda khasaarihii ka dhashay muharaadkii Khamiista, wuxuuna mucaaradka ku eedeeyay in ay qas a buureen si ay uga baxsadaan tartanka urrurada siyaasada.

8/12/2022 2:12 AM EST
Jimco, Agoosto, 12, 2022 (HOL) - Xildhibaan Maxamed Xasan Murjaan oo ka mid ahaa Xildhibaanadii 7-dii bishaan buuqa iyo fowdada ka dhex sameeyay fadhigii Baarlaamanka Soomaaliya ay ku ansixinayeen Golaha Wasiiradda Xukumadda Soomaaliya ayaa raali galin ka bixiyay falkii uu kula kacay guddoomiyaha Golaha Shacabka.

8/12/2022 12:15 AM EST
Jimco, Agoosto, 12, 2022 (HOL) - Tartanka Qur'aanka Kariimka ee Waqooyiga Ameerika, ayaa lagusoo gabagabeeyay magaalada Minnesota ee dalka Maraykanka, waxaana abaal marino lagu gudoonsiiyay tartamayaashii ugu sareeyay.

8/12/2022 12:12 AM EST
Jimco, Ogosto, 12, 2022 (HOL) - Qoraal ay si wadajir ah usoo saareen waddamada Faransiiska, Denmark, Finland, Germany, Norway, Sweden, Boqortooyada Ingiriiska, Maraykanka iyo Midowga Yurub, ayaa mucaaradka iyo muxaafadka Somaliland ugu baaqay in ay xaalada dajiyaan.