9/24/2022
Today from Hiiraan Online:  _
Wararka Maanta- Arbaco, Aug 10, 2022
Wafdiga Madaxweyne Laftagareen oo ka warbixiyay waxa ay ka wada hadleen iyaga iyo Madaxda dowlad degaanka Soomaalida
 

Arbaco, Ogosto, 10, 2022 (HOL) - Waxaa maalmahan magaalada Jigjiga ku sugnaa Wafdiga Madaxweynaha Koonfur galbeed Soomaaliya Cabdicasiis Laftagareen, iyagoo kulamo kala suwan la qaatay Madaxweyne Mustafe cagjar, iyo qaar kamid ah Odayaal dhaqameedka degaanka Soomaalida.

Haddaba Xildhibaan Axmed Sheekh Maxamed Mashruuc oo kamid ah xildhibaannada la socdey Wafdiga Madaxweyne Laftagareen, ayaa Warbaahinta waxa uu u sheegay inay madaxda dowlad degaanka Soomaalida kala hadleen sidii la isooga kaashan lahaa la dagaallanka Ururka Al Shabaab.

" Waxaan ka wada hadalnay sidaan si wada jir ah ula dagaallami lahayn Al Shabaab, meel kasta oo ay joogaan oo kamid ah Soomaaliyana ugu galno, sidii loo xidid siibi lahaa cadowgaas oo Soomaaliya dhibaateeyey dowlad degaanka Soomaalidana ugudbay oo dhibaato u gaystay, arrimahaas inaan iska kaashano ayaan ka wada hadalnay madaxda dowlad degaanka Soomaalida" ayuu yiri Xildhibaan Mashruuc.

Waxa kale oo uu xildhibaanku xusay in Ciidamo Itoobiyaan ah oo cusub oo Soomaaliya galaya uusan jirin, balse ay jiraan Ciidamo Itoobiyaan ah oo lagu xoojinayo kuwii horey u joogay nabad sugidda qaar kamid ah degaannada Koonfur galbeed Soomaaliya, waa siduu hadalka u dhigay Xildhibaan Mashruuc oo la socdey Wafdiga Madaxweyne Cabdicasiis Laftagareen.

Xildhibaanka oo wax laga waydiiyay imaanshiyaha Wafdiga Madaxweyne Laftagareen ee Itoobiya, iyo ogaansho la'aanta dowladda dhexe ee Soomaaliya waxa uu xildhibaanku kaga jawaabay in isla xildhibaannada la socda Wafdiga Madaxweynaha ay yihiin kuwo heer federal ah oo ka socda dowladda dhexe ee Soomaaliya.

Mar xildhibaanka wax laga waydiiyay suurtagalnimada Ciidamo Itoobiyaan ah oo gala Soomaaliya waxa uu sheegay inaysan jirin Ciidan cusub oo Soomaaliya galaya, balse ciidankii hore ee joogay Koonfur galbeed Soomaaliya lagu xoojinayo ciidamo kale oo Itoobiyaan ah, waa siduu hadalka u dhigay xildhibaanku.

" Itoobiya waxay lafdhabar u tahay halganka ay Soomaali kula jirto cadowga Al Shabaab, waxayna ahayd dowladdii u horreysay ee dhiiggeeda u daadisa in dowlad Soomaaliyeed taagnaato, laga bilaabo xilligii ay kuwan iyo Maxaakiimtii ay Baydhabo soo galeen ilaa malinkii calanka Soomaaliya laga taagay Villa Soomaaliya, dowladda Itoobiya iyo ciidankeeduba way noo dhimanayeen, tii umbaanu ka codsanay inay xoojiyaan, arrintana waa mid ay si wada jir ah uga shaqaynayaan dowladda federalka Soomaaliya iyo dowlad goboleedyada, ee ma aha mid ay qolo gooni ah wadato". ayuu hadalkiisa kusoo xiray Xildhibaan Axmed Sheekh Maxamed Mashruuc oo kamid ahaa xildhibaannada la socdey Wafdiga Madaxweyne Laftagareen ee Jigjiga ku sugan.

Wafdiga Madaxweynaha Koonfur galbeed ee Soomaaliya Cabdicasiis Lafta gareen ayaa wali ku sugan magaalada Jigjiga.

Abdilahi Jawhar, Hiiraan Online
[email protected]












Click here
8/10/2022 6:09 PM EST
Arbaco, Ogosto, 10, 2022 (HOL) - Musharaxa xisbiga mucaaradka Somaliland ee Wadddani Cabdiraxmaan Maxamed Cabdillaahi Cirro, ayaa been abuur ku tilmaamay warka sheegaya in uu ciidamo argagixiso ah Xamar ka keenay.

8/10/2022 5:19 PM EST
Arbaco, Ogosto, 10, 2022 (HOL) - Gudoomiyaha degmada Cadaado ee gobolka Galgaduud ayaa maanta loo doortay Faarax Diriye Warsame, halka ku xigeenkiisa loo doortay Cabdixakin Maxamed Cali.

8/10/2022 5:12 PM EST
Arbaco, Ogosto, 10, 2022 (HOL) - Xukuumada Somaliland ayaa musharaxa madaxweynaha ee xisbiga Waddani ku eedaysay in uu Somaliland keenay ciidamado argagixiso ah oo Xamar ka yimid.

8/10/2022 4:34 PM EST
Arbaco, Ogosto, 10, 2022 (HOL) - Mucaaradka Somaliland ayaa sheegay in ay ku mudoharaadayaan goobo ka duwan kuwii ay xukuumadu u cayintay.

8/10/2022 4:03 PM EST
Arbaco, Ogosto, 10, 2022 (HOL) - Mucaaradka Somaliland ayaa sheegay in dood badan kadib ay xukuumada kula heshiiyeen in ay berri mudaharaadadooda ku qabsadaan xafiisyadooda ku yaala 6-da gobol doorasho.

8/10/2022 2:49 PM EST
Arbaco, Ogosto, 10, 2022 (HOL) - Taliska Mareykanka ee Afrika ayaa sheegay inuu saddex weerar oo xagga cirka ah ku qaaday kooxda Al-Shabaab, isagoo kaga jawaabayay weerar Alshabaab ay ku qaadeen ciidamo katirsan kuwa xoogga dalka oo ku sugnaa meel u dhow magaalada Beledweyne.

8/10/2022 9:52 AM EST
Arbaco, Ogosto, 10, 2022 (HOL) - Xukuumada Somaliland ayaa fasaxday qabashada mudaharaadada mucaaradka ee qorshaysan Khamiista berri, waxayna go'aamisay in ay ka dhacaan xarumaha xisbiyada mucaaradka ee lixda gobol doorasho.

8/10/2022 7:22 AM EST
Arbaco, Ogosto, 10, 2022 (HOL) - Kenya: Goobaha codbixinta ayaa intooda badan haatan si rasmi ah loo xiray, balse cod bixinta ayaa lagu kordhiyay goobo yar yar oo sii furmaandoona illaa dadku ka codeeyaan.

8/10/2022 5:34 AM EST
Arbaco, Ogosto, 10, 2022 (HOL) - Xoogaga hubeysan ee Al-shabaab ayaa fagaare ku yaala degmada Jilib ee gobolka Jubbada dhexe waxa ay ku toogteen lix ruux oo dhamaantood rag ahaa, kuwaas oo ay ku eedeeyeen iney ahayeen jawaasiis u shaqeyneysay dowladdaha Soomaaliya, Kenya iyo Mareykanka.

8/10/2022 5:24 AM EST
Arbaco, Ogosto, 10, 2022 (HOL) - Madaxda xisbiga UCID oo kali ah ayaa saaka kasoo xaadiray kulankii loo balansanaa in hogaanka mucaaradka Somaliland, iyo xukuumadu ku gorfeeyaan nidaamka loo qabanayo mudaharaadada Khamiista.

8/10/2022 3:21 AM EST
Arbaco, Ogosto, 10, 2022 (HOL) - Xildhibaan Ilhaan Cumar ayaa si dirqi ah ugu guuleysatay Talaadadii xalay, tartanka hordhaca ah ee Congress-ka Mareykanka oo ay kula tartamaysay Xubin hore oo ka tirsan golaha deegaanka Minneapolis, Don Samuels.

8/10/2022 3:11 AM EST
Arbaco, Ogosto, 10, 2022 (HOL) - Wararka ka imaanaya tuulada Cadayleey oo ka mid ah tulooyinka hoostaga degmada Afgooye ee gobolka Sh/ hoose ayaa sheegaya in Xalay halkaasi rag hubeysan ay toogasho ka geysteen goob ay ka socotay xaflad aroos ah.

8/10/2022 2:40 AM EST
Arbaco, Ogosto, 10, 2022 (HOL) - Lamaaha amiga maamulka Puntland ayaa soo bandhigay agab laga sameeyo waxyaabaha qaraxa, kuwaas oo lagu qariyay gaari dhayne ah oo lagu qaybtay Dagmada galdogob ee gobolka Mudug.

8/10/2022 1:50 AM EST
Arbaco, Ogosto, 10, 2022 (HOL) - Guddoomiyaha xisbiga mucaaradka Somaliland ee UCID Faysal Cali Waraabe, ayaa sheegay in xukuumada anay ka wada hadlin goobo gaar ah oo lagu qabanayo mudaharaadka, sida wasiirka isgaadhsiintu sheegay.