6/25/2022
Today from Hiiraan Online:  _
Wararka Maanta- Sabti, Apr 23, 2022
Kenya oo qunsul cusub u magacawday Somaliland
   

Sabti, April, 23, 2022 (HOL) - Madaxweynaha Kenya Uhuru Kenyatta ayaa Benson Mwaliko u magacaabay qunsulka cusub ee dowladda Kenya u joogi doona magaalada Hargeysa ee Somaliland.

Wasaaradda Arrimaha Dibadda ee dowladda Kenya ayaa sannadkii hore afar sarkaal oo uu ku jiro Benson Mwaliko u dirtay magaalada Hargeysa, isagoona ku magacawnaa madaxda xafiiska ilaaliya cilaaqaadka labada dhinaca.

Wasiirka Arrimaha Dibadda Kenya Raychelle Omamo ayaa horaantii sannadkan 2022 sheegtay in Kenya ay Somaliland ula dhaqmeyso sida qeyb ka tirsan federaalka Soomaaliya.

Diblumaasiyiintu waxa ay sheegayaan in qiyaas ahaan 10,000 oo Kenyan ah ay ku noolyihiin, kana shaqeynstaan Somaliland.

Madaxweyne Uhuru Kenyatta ayaa sidoo kale magacaabay 24 safiir oo uu ku jiro Maj Gn (Rtd) Thomas Chepkuto, oo loo magacaabay safiirka cusub ee Soomaaliya. Chepkuto waxa uu beddeli doonaa Lucas Tumbo oo xilkan hayay tan iyo 2015kii.

Labadii sannadood ee la soo dhaafay waxaa meeshii ugu hooseysay gaaray xiriirka diblomaasiyadeed ee Kenya iyo Soomaaliya. Labada dal ayaa gaaray heer ay ukala yeertaan safiiradooda, taas oo indhaha kusoo jeedisay Somaliland.

Hassan Istiila, Hiiraan Online
[email protected]













Click here
4/23/2022 4:09 PM EST
Sabti, April, 23, 2022 (HOL) - Dhinaca kamid ah guddiga heer federal ee doorashooyinka Soomaaliya ayaa caawa magaalada Garbahaareey ee caasimadda gobolka Gedo ka bilaabay doorashada 16ka kursi ee aqalka hoose ee yaala Gedo.

4/23/2022 9:33 AM EST
Sabti, April, 23, 2022 (HOL) - Madaxweynaha dowladda Kenya, Uhuru Kenyatta ayaa u magacaabay Maj Gen Thomas Chepkuto inuu noqdo safiirka cusub ee dalka Kenya uqaabilsan Soomaaliya.

4/23/2022 8:04 AM EST
Sabti, April, 23, 2022 (HOL) - Guddiga doorashooyinka maamulka Jubbaland ayaa Maanta oo Sabti ah soo gabagabeeyay doorashada 16-kursi oo ku harsaneyd deegaan doorashada labaad ee maamulka Jubbaland

4/23/2022 5:21 AM EST
Sabti, April, 23, 2022 (HOL) - Guddoomiyaha guddiga xalinta khilaafaadka doorashooyinka dadban ee dalka Maxamed Cawil Warsame ayaa waxba kama jiraan ku tilmaamay doorashooyinka ka socda degmooyinka Ceelwaaq iyo Garbahaareey.

4/23/2022 5:14 AM EST
Sabti, April, 23, 2022 (HOL) - Qaramada Midoobay ayaa sheegtay in sare u kaceyso gaajada ka jirta Soomaaliya ee ay abaaruhu sababeen, iyadoo sheegtay in ka badan lix milyan oo qof inay hadda soo food saartay cunto yari ba'an.

4/23/2022 2:33 AM EST
Sabti, April, 23, 2022 (HOL) - Xildhibaanada labada Aqalka ee Baarlamaanka Federaalka Soomaaliya ayaa maanta sabti ah kulan ku yeelanaya magaalada Muqdisho, waxayna dhageysanayaan hadal jeedinta musharaxiinta guddoonka labada ee Baarlamaanka Jamhuuriyadda Federaalka Soomaaliya.

4/23/2022 1:37 AM EST
Sabti, April, 23, 2022 (HOL) - Ugu yaraan Lix qof ayaa ku dhintay qarax ismiidaamin ah oo xalay ka dhacay maqaayad ku taal xeebta Liido ee magaalada Muqdisho, sida uu sarkaal ka tirsan adeegga ambalaasta u sheegay wakaaladda wararka ee Reuters.