6/25/2022
Today from Hiiraan Online:  _
Wararka Maanta- Khamiis, Apr 21, 2022
Xildhibaan Sareedo Maxamed Cabdalla oo kusoo baxday doorasho ku celis ah oo ka dhacday Baydhabo
 

Khamiis, April, 21, 2022 (HOL) - Xildhibaan Sareedo Maxamed Cabdalla ayaa maanta mar kale dib loogu doortay kursigeeda aqalka hoose ee sumadiisu tahay hop154.

Guddiga doorashada oo kursiga xildhibaan Sareedo ku celiyay doorasho kadib markii ay sheegeen in habraacii lagu doortay uu wax ka qaldanaa, ayaa haatan kusoo baxday doorasho aan la tartamin.

Nasteexo Maxamed Yuusuf oo kursigan kula qornayd xildhibaan Sareedo ayaa markii doorashada la gaaray ka tanaasushay tartanka, waxayna sidaas ku heshay dhammaan codadkii ergada doorashada ka qeyb galaysay.

Guddiga doorashada heer federal ayaa dhowaan sii daayay labo kursi oo kamid ahaa saddex kursi oo la hakiyay oo lagasoo doortay Koonfur Galbeed.

Labo xildhibaan kuraastooda ayuu guddigu siidaayay kadib wada hadalo uu Baydhabo kula yeeshay madaxweynaha Koonfur Galbeed, halka kursiga xildhibaan Sareedo la go’aamiyay in doorasho dib loogu celiyo.

Haatan, kursiga sumadiisu tahay hop086 oo uu ku guulaystay Fahad Yaasiin ayaa ah kursiga kaliya ee hakinta ku jira. Waxaana lagu wadaa in Fahad Yaasiin uu doorasho labaad galo.

Doorashadiisa labaad waxay noqon kartaa mid uu loolan kala kulmi karo xildhibaankii kursigaan horey ugu fadhiyay Faarax Sheikh Cabdiqaadir, kaas oo horey dalka ka maqnaa markii Fahad Yaasiin uu kursigan ku guulaysanayay.

Abdiweli M. Sheikh, Hiiraan Online












Click here
4/21/2022 5:13 PM EST
Khamiis, April, 21, 2022 (HOL) - Gudoomiyaha gobolka Mudug Cabdiladiif Muuse Nuur Sanyare, ayaa ku eedeeyay wasiirka arrimaha dibadda Soomaaliya, Cabdi Siciid Muuse inuu masuul ka yahay iska hor imaadkii caawa ka dhacay magaalada Gaalkacyo ee lagu dhaawacay taliye ku xigeenkii booliiska gobolka Mudug iyo nabadoon Yaasiin Cabdisamad.

4/21/2022 4:47 PM EST
Khamiis, April, 21, 2022 (HOL) - Hoggaamiyaha TPLF Debrtsion oo warqad udiray Qaramada midoobay, ayaa waxa uu sheegay in Shacabka Tigray aysan wali helin waxyaabo badan oo kamid ah nolosha aasaasiga ah, sida Biyaha, Korontada iyo waxyaabaha lamidka ah.

4/21/2022 2:04 PM EST
Khamiis, April, 21, 2022 (HOL) - Iska hor imaad xooggan oo caawa ka dhacay waqooyiga magaalada Gaalkacyo ayaa waxaa ku dhaawacmay taliye ku xigeenkii ciiddanka booliiska gobolka Mudug iyo askar kale oo ciiddanka amniga katirsan.

4/21/2022 10:42 AM EST
Khamiis, April, 21, 2022 (HOL) - Iyadoo maalintii sadaxaad ay socoto howlaha diiwaan gelinta Musharaxiinta dooneysa iney u tartamaan xilka guddoonka Golaha Shacabka iyo labadiisa ku xigeen ayaa guddoomiyaha guddiga doorashada guddoonka Golaha Shacabka waxuu sheegay in maalinta berito ah ay soo gabagabeyn doonaan diiwaan gelinta Musharaxiinta.

4/21/2022 7:48 AM EST
Khamiis, April, 21, 2022 (HOL) - Wasiirka betroolka iyo macdanta Soomaaliya ayaa looga yeeray xafiiska xeer ilaaliyaha guud, si wax looga weydiiyo heshiiska uu saxiixay ee dhexmaray wasaaraddiisa iyo Shirkadda Coastline Exploration Limited.

4/21/2022 6:44 AM EST
Khamiis, April, 21, 2022 (HOL) - Taliyaha ciidanka Booliiska Soomaaliyeed Jenaraal Cabdi Xasan Xijaar oo ka hadlaayay dilalka ay geystaan ciidanka Booliiska Soomaaliya ayaa sheegay in ciidanka Booliiska dilalka ay geystaan ay ka badan tahay dilalka ayaga loo geysto.

4/21/2022 3:16 AM EST
Khamiis, April, 21, 2022 (HOL) - Guddiga hirgelinta doorashada maamulka Hirshabeelle ayaa shaaciyay jadwalka doorashada kursiga HOP 009 oo ka mid ah kuraasta Golaha Shacabka ee ku dhiman maamulka Hirshabeelle.

4/21/2022 2:20 AM EST
Khamiis, April, 21, 2022 (HOL) - Wasiirka Maaliyadda Soomaaliya Cabdiraxmaan Ducaale Beyle ayaa ka qeyb galay shirarka sanadlaha ah ee Bankiga Adduunka iyo Hay’adda IMF oo ka socda magaalada Washington ee dalka Mareykanka.

4/21/2022 1:46 AM EST
Khamiis, April, 21, 2022 (HOL) - Madaxweyne ku xigeenka Puntland, Axmed Cilmi Cismaan Karaash ayaa ku dhawaaqay inuu la wareegay masuuliyadda hoggaamineed ee Puntland.