12/9/2021
Today from Hiiraan Online:  _
Wararka Maanta- Isniin, Sept 6 , 2021
Qarax khasaare geystay oo goordhaw ka dhacay magaalada Baledweyne
 

Isniin, September, 6, 2021 (HOL) - Wararka ka imaanaya Caawa magaalada Baledweyne ee xarunta gobolka Hiiraan ayaa sheegaya in qarax Bambaano lagu weeraray Salaadii Ceshaha kadib barkoontarool oo ku taala Xaafada Buundaweyn ee magaalada Baledweyne.

Qaraxa Bambaano ayaa lagu tuuray barta koontarool oo la sheegay iney ku taalo afaafka hore ee Buunadada loo yaqaano Bundaweyne, waxaana ka dhashay khasaare u badan dhaawacyo.

Inta la xaqiijiyay qaraxa Bambaano waxaa ku dhaawacmay 5 ka mid ah askarta dowladda Soomaaliya ee ku sugnaa bartakoontarool ee lagu weeraray qaraxa.

Ciidamada ku sugnaa goobta lagula eegtay qaraxa ayaa rasaas farabadan riday qaraxa kadib walow la sheegay ineysan geysan rasaastaasi wax khasaare ah.

Bartakoontarool ee ku taala xaafada Buundaweyn ayaa dhowr jeer oo hore sidaan oo kale loogu weeraray qarax Bambaano kaaso waxyeelo kasoo gaartay askarta ku sugan koontaroolkaasi.

Jamaal Cali Cabdi, Hiiraan Online
[email protected]












Click here
9/6/2021 2:07 PM EST
Isniin, September, 6, 2021 (HOL) - Sh. Cabdirisaaq Sh. Xuseen (Albani) oo madaxweynaha Somaliland uu u magacaabay wasiirka cusub ee wasaarada diinta iyo awqaafta Somaliland, ayaa warbaahinta ku eedeeyay in ay caayaan madaxda xilalka haysa, oo ay gar iyo gardaraba eedeeyaan.

9/6/2021 11:47 AM EST
Isniin, September, 6, 2021 (HOL) - Ra’iisul Wasaaraha xukuumada Soomaaliya Maxamed Xuseen Rooble ayaa xafiiska kula kulmay agaasimaha cusub oo uu u magacaabay hay’adda Nabad Sugidda iyo Sirdoonka Qaranka, Sarreeye Guud Bashiir Maxamed Jaamac (Bashiir Goobe).

9/6/2021 9:48 AM EST
Isniin, September, 6, 2021 (HOL) - Wararka naga soo gaaraya deegaanada Deefoow iyo Kabxanleey ee dhaca dhinaca Waqooyi ee magaalada Baledweyne ayaa sheegaya in halkaasi maanta uu ka dhacay dagaal aad u xoogan oo u dhexeeyay laba Maleeshiyo beeleed.

9/6/2021 7:56 AM EST
Isniin, September, 6, 2021 (HOL) - Maxkamadda darajada koowaad ee gobolka Mudug ee Puntland ayaa maanta xukun dil ah ku riday saddex wiil oo dhallinyaro ah oo lagu helay dambi ah in ay kufsi wadareed u geysteen wiil 13 jir ah.

9/6/2021 6:02 AM EST
Isniin, September, 6, 2021 (HOL) - Odayaasha dhaqanka beelaha Hawiye ayaa shir ay maanta magaalada Muqdisho ku yeesheen waxay kusoo dhoweeyeen go’aanka uu raysal wasaare Rooble shaqada kaga joojiyay taliyaha hay'adda nabad sugida NISA ee Fahad Yaasiin.

9/6/2021 5:19 AM EST
Isniin, September, 6, 2021 (HOL) - Jubbaland ayaa soo dhoweysay tallaabadii uu raysal wasaare Rooble shaqada kaga joojiyay taliyihii hay’adda NISA, Fahad Yaasiin, inkastoo madaxweyne Farmaajo uu ka horyimid.

9/6/2021 5:03 AM EST
Isniin, September, 6, 2021 (HOL) - Waxaa goordhaw dib xoriyadooda u helay oo lasii daayay sadax dhalinyaro ah oo mudo sadax maalin ah ku afduubna Xaafada Howlwadaag ee Magaalada Baledweyne, kuwaas oo u xirnaa dilka Ikraan Tahliil Faarax.

9/6/2021 1:38 AM EST
Isniin, September, 6, 2021 (HOL) - Golaha Midowga Musharaxiinta Madaxweynaha Soomaaliya ayaa taageeray go'ankii Raysal wasaaraha Soomaaliya shaqo joojinta ugu sameeyay taliyahii hay'adda Nabadsugida iyo Sirdoonka Qaranka Fahad Yaasiin.

9/6/2021 1:23 AM EST
Isniin, September, 6, 2021 (HOL) - Madaxweyne Maxamed Cabdullaahi Farmaajo ayaa ka horyimid go'aankii Raysal wasaaraha Soomaaliya uu shaqo joojinta ugu sameeyay taliyahii hay'adda Nabadsugida iyo Sirdoonka Qaranka Fahad Yaasiin.

9/6/2021 1:08 AM EST
Isniin, September, 6, 2021 (HOL) - Wasiirka howlaha guud ee Somaliland Cabdillaahi Abokor Cismaan, ayaa xogeeyaha arrimaha gudaha xisbiga Waddani ku eedeyay in uu u dhaqmayo sidii madax dhaqmeedka, kadib markii xogeeyuhu uu isku shaandhayntii madaxweynaha ku tilmamay in ay Somaliland ka dhigtay qoys.