12/9/2021
Today from Hiiraan Online:  _
Wararka Maanta- Isniin, Sept 6 , 2021
Puntland oo xukun dil ah ku riday saddex dhallinyaro ah oo kufsi wadareed u geystay wiil 13 jir ah
 

Isniin, September, 6, 2021 (HOL) - Maxkamadda darajada koowaad ee gobolka Mudug ee Puntland ayaa maanta xukun dil ah ku riday saddex wiil oo dhallinyaro ah oo lagu helay dambi ah in ay kufsi wadareed u geysteen wiil 13 jir ah.

Waa xukunkii ugu horreeyay oo nuuciisa ah oo ka dhaca gudaha Puntland, waxayna maxkamadu xukunkaan u cuskatay shareecadda islaamka iyo axaadiista nebiga sida uu sheegay garsooraha maxkamadda, Cabdinaasir Maxamed Cali.

Xukumanayaasha oo lagu kala magacaabo, Xuseen Shaamil Maxamed, 16 jir ah, Sekariye Cabdiraxmaan Saciid, 16 jir ah iyo Bishaar Maxamed Cali oo 20 jir ah, ayaa kufsi wadareedka kula kacay Cabdullaahi Cabdifitaax Sheikh Xuseen oo 13 jir ah.

Dhibbanaha falkaan loo geystay, ayaa qoyskiisu waxay dalbadeen in shareecada islaamka loogu qaado dadka ka dambeeyay falkan.

Gaalkacyo waxaa sannadkii 2019 ka dhacay kufsigii ugu saamaynta badnaa oo loo geystay gabadh 12 jir ah oo lagu magacaabi jiray Caa’isha Ilyaas Aadan, kadib markii la isugu daray kufsi iyo dil.

Puntland ayaa bishii febraayo 11, sannadkii 2020, xukun dil ah ku fulisay labo nin oo lagu helay in ay ka dambeeyaan kiiskaas.

Abdiweli M. Sheikh, Hiiraan Online













Click here
9/6/2021 2:12 PM EST
Isniin, September, 6, 2021 (HOL) - Wararka ka imaanaya Caawa magaalada Baledweyne ee xarunta gobolka Hiiraan ayaa sheegaya in qarax Bambaano lagu weeraray Salaadii Ceshaha kadib barkoontarool oo ku taala Xaafada Buundaweyn ee magaalada Baledweyne.

9/6/2021 2:07 PM EST
Isniin, September, 6, 2021 (HOL) - Sh. Cabdirisaaq Sh. Xuseen (Albani) oo madaxweynaha Somaliland uu u magacaabay wasiirka cusub ee wasaarada diinta iyo awqaafta Somaliland, ayaa warbaahinta ku eedeeyay in ay caayaan madaxda xilalka haysa, oo ay gar iyo gardaraba eedeeyaan.

9/6/2021 11:47 AM EST
Isniin, September, 6, 2021 (HOL) - Ra’iisul Wasaaraha xukuumada Soomaaliya Maxamed Xuseen Rooble ayaa xafiiska kula kulmay agaasimaha cusub oo uu u magacaabay hay’adda Nabad Sugidda iyo Sirdoonka Qaranka, Sarreeye Guud Bashiir Maxamed Jaamac (Bashiir Goobe).

9/6/2021 9:48 AM EST
Isniin, September, 6, 2021 (HOL) - Wararka naga soo gaaraya deegaanada Deefoow iyo Kabxanleey ee dhaca dhinaca Waqooyi ee magaalada Baledweyne ayaa sheegaya in halkaasi maanta uu ka dhacay dagaal aad u xoogan oo u dhexeeyay laba Maleeshiyo beeleed.

9/6/2021 6:02 AM EST
Isniin, September, 6, 2021 (HOL) - Odayaasha dhaqanka beelaha Hawiye ayaa shir ay maanta magaalada Muqdisho ku yeesheen waxay kusoo dhoweeyeen go’aanka uu raysal wasaare Rooble shaqada kaga joojiyay taliyaha hay'adda nabad sugida NISA ee Fahad Yaasiin.

9/6/2021 5:19 AM EST
Isniin, September, 6, 2021 (HOL) - Jubbaland ayaa soo dhoweysay tallaabadii uu raysal wasaare Rooble shaqada kaga joojiyay taliyihii hay’adda NISA, Fahad Yaasiin, inkastoo madaxweyne Farmaajo uu ka horyimid.

9/6/2021 5:03 AM EST
Isniin, September, 6, 2021 (HOL) - Waxaa goordhaw dib xoriyadooda u helay oo lasii daayay sadax dhalinyaro ah oo mudo sadax maalin ah ku afduubna Xaafada Howlwadaag ee Magaalada Baledweyne, kuwaas oo u xirnaa dilka Ikraan Tahliil Faarax.

9/6/2021 1:38 AM EST
Isniin, September, 6, 2021 (HOL) - Golaha Midowga Musharaxiinta Madaxweynaha Soomaaliya ayaa taageeray go'ankii Raysal wasaaraha Soomaaliya shaqo joojinta ugu sameeyay taliyahii hay'adda Nabadsugida iyo Sirdoonka Qaranka Fahad Yaasiin.

9/6/2021 1:23 AM EST
Isniin, September, 6, 2021 (HOL) - Madaxweyne Maxamed Cabdullaahi Farmaajo ayaa ka horyimid go'aankii Raysal wasaaraha Soomaaliya uu shaqo joojinta ugu sameeyay taliyahii hay'adda Nabadsugida iyo Sirdoonka Qaranka Fahad Yaasiin.

9/6/2021 1:08 AM EST
Isniin, September, 6, 2021 (HOL) - Wasiirka howlaha guud ee Somaliland Cabdillaahi Abokor Cismaan, ayaa xogeeyaha arrimaha gudaha xisbiga Waddani ku eedeyay in uu u dhaqmayo sidii madax dhaqmeedka, kadib markii xogeeyuhu uu isku shaandhayntii madaxweynaha ku tilmamay in ay Somaliland ka dhigtay qoys.