11/30/2021
Today from Hiiraan Online:  _
Wararka Maanta- Jimco, Sept 3 , 2021
Madaxweynaha Somaliland oo qaabilay wasiirru-dowlaha arrimaha dibada Itoobiya
 

Jimco, September, 3, 2021 (HOL) - Kulan uu madaxweynaha Somaliland Muuse Biixi Cabdi la yeeshay wasiirru-dowlaha arrimaha dibada Itoobiya Ridwan Xuseen,  ayaa lagaga wada hadlay xidhiidhada ganacsiga , isticmaalka Dekedda Berbra ee Itoobiya iyo in la fuliyo heshiisyo labada dhinac horey u galeen.

Warbixin ay madaxtooyada Somaliland kulanka kasoo saartay ayaa lagu sheegay in labada dhinac kawada hadleen isticmaalka Dekedda Berbera oo ay Itoobiya aad u danaysayso in ay kala soo dagto qayb kamid ah alaabada dibada uga timaada iyo horumarinta wadada Berbera Corridor oo marin u noqon doonta ganacsiga Somaliland iyo Itoobiya.

Sidookale warbixinta ayaa tilmaantay in kulanka lagaga wada hadlay dhamaystirka heshiiyo ay hore u wada galeen Itoobiya iyo Somaliland oo la gaadhay xiligii la fulin lahaa, inkasta oo anay warbixintu faaah faahin waxa ay yihiin heshiis yadaasi.

Kulanka ayaa waxa kale oo ka qayb galay, wasiir ku xigeeenkii hore ee arrimaha dibada Somaliland Liiban Yusuf Cismaan oo shalay loo magacabay xilka wasiir ku xigeenka caafimaadka oo aan wali xilka wareejin iyo wakiilka Itoobiya ee Somaliland Siciid Maxamed Jibriil.

Abdilahi Abdirahman Mahamed, Hiiraan Online
[email protected]












Click here
9/3/2021 4:46 PM EST
Jimco, September, 3, 2021 (HOL) - Wararka nagasoo gaaraya magaalada Jowhar, ayaa sheegaya in caawa halkaas uu ka dhacay weerar Bombaano oo lagu weeraray guri ay deganaayeen Xildhibaano ka tirsan Baarlamaanka Hirshabelle.

9/3/2021 1:28 PM EST
Jimco, September, 3, 2021 (HOL) - Golaha Midowga Musharaxiinta madaxweynaha Soomaaliya ayaa ka dalbaday Raysal wasaaraha Xukuumadda Feradaalka Soomaaliya Maxamed Xuseen Rooble inuu qaado sadax talaabo oo la xiriirta kiiska dilkii Ikraan Tahliil Faarax.

9/3/2021 1:15 PM EST
Jimco, September, 3, 2021 (HOL) - Amb Baashe Cawil X. Cumar oo aha wakiilkii Somaliland ee dalka Kenya, oo shalay madaxweynaha Somaliland Muuse Biixi Cabdi u magacaabay wasiir ku xigeenka arrimaha dibada ee Somaliland, ayaa sheegay in uu iska casilay xilkii wasiir ku xigeen-nimo iyo kii wakiilka Somaliland ee Kenya.

9/3/2021 8:15 AM EST
Jimco, September, 3, 2021 (HOL) - Dableeydaan hubeysan ayaa goordhaw xaafada Howlwadaag ee magaalada Baledweyne waxay ka afduubteen wiil dhallinyaro ah oo lagu magacaabo Cabdiqafaar Xaaji Cumar.

9/3/2021 7:24 AM EST
Jimco, September, 3, 2021 (HOL) - Dagaalamayaasha Al-shabaab ayaa si cad u shaaciyay ineysan wax lug ah ku laheyn dilka Ikraan Tahliil Faarax oo ay Xalay hay'adda Nabadsugida Qaranka Soomaaliyeed sheegtay iney Al-shabaab dileen Ikraan Tahliil oo mudo laba bilood ah lagu weysanaa nolol iyo geeri horayna uga tirsaneyd hay'adda NISA.

9/3/2021 6:59 AM EST
Jimco, September, 3, 2021 (HOL) - Wararka naga soo gaaraya deegaanka Kudhaa ee gobolka Jubbada Hoose ayaa sheegaya in halkaasi aroornimadii hore ee saakay uu ka dhacay dagaal aad u xoogan oo dhexmaray ciidamada maamulka Jubbaland oo kaashanaya kuwa dowladda Soomaaliya iyo kuwa Al-shabaab.

9/3/2021 6:31 AM EST
Jimco, September, 3, 2021 (HOL)- Xogeeyaha arrimaha gudaha xisbiga Waddani Maxamed Faarax Cabdi, ayaa ku andacooday in isku shaandhayntii uu maalintii shalay madaxweynaha Somaliland Muuse Biixi Cabdi, ku sameeyay golaha wasiirada ay Somaliland ka dhigtay qoys.

9/3/2021 6:19 AM EST
Jimco, September, 3, 2021 (HOL) - Farshaxanku waa hibo Ilaahay qofka uu doono uu siiyo, iyadoo dadka farshaxanka ka shaqeeya ay yihiin intooda badan dad farshaxankooda ku muujiya xaaladda markaas taagan, iyagoo dhinaca kale ka qayb qaata wacyigalinta bulshada ee dhanka wanaagga.

9/3/2021 1:40 AM EST
Jimco, September, 3, 2021 (HOL) - Wararka ka imaanaya degaanka Buurane ee gobolka Sh/dhexe ayaa sheegaya in halkaasi qarax miino nooca dhulka lagu aaso ah lala beegsaday ciidamo ka tirsan kuwa AMISOM.

9/3/2021 1:29 AM EST
Jimco, September, 3, 2021 (HOL) - Hoggaamiyaha Xisbiga Wadajir ahna Musharax Madaxweyne Cabdiraxmaan Cabdishakuur Warsame ayaa si adag uga falceliyay hadalka kasoo yeeray hay'adda Nabadsugida Qaranka Soomaaliyeed ee ahaa in Ikraan Tahliil ay dileen Al-sbabaab.

9/3/2021 1:16 AM EST
Jimco, September, 3, 2021 (HOL) - Iyadoo Xalay ay shaacisay hay'adda Nabadsugidda Qaran Soomaaliyeed iney shabaab dileen Ikraan Tahliil Faarax oo mudo laba bilood ah warkeeda lagu waysana nolol iyo geeri.