8/11/2022
Today from Hiiraan Online:  _
Wararka Maanta- Isniin, Sept 27, 2021
Guddoomiyihii saddexaad ee xisbiga Waddani oo is casilay
 

Isniin, September, 27, 2021 (HOL) - Guddoomiye ku xigeenkii saddexaad ee xisbiga mucaaradka Somaliland ee Waddani, Kayse Cali Geedi, ayaa iska casilay dhamaan xilalkii uu ka hayay xisbiga, wuxuuna sheegay in uu isku casilay sharci jabin uu guddoomiyaha xisbigu sameeyay awgeed.

Geedi ayaa sheegay in uu iska casilay ilaa 5 xil oo uu sheegay in uu ka hayay xisbiga Waddani, wuxuuna sheegay in iscasilaadiisa ay sababtay kadib markii guddoomiye ku xigeenkii xisbiga Waddani si sharciga baal marsan loo eryay.

"Aniga oo ah guddoomiyihii saddexaad ee xisbiga Waddani, aniga oo ah ninkii ugu taageerada badnaa xisbiga, waxan halkan idinka ogaysiinayaa sababahan soo socda awgood in aan iska casilay xilkii guddoomiye ku xigeenka saddexaad ee xisbiga Waddani, hogaankii, guddidii fulinta, golihii dhexe iyo xubin-nimadii xisbiga" ayuu yidhi Geedi.

"Subax baan soo toosay, kadibna, waxa laygu yidhi guddoomiye ku xigeenkii xisbiga Waddani waala eryay, kadibna, arrintaasi waxay igu noqotay arrin aad u mucjiso ah, oo guddoomiye ku xigeenkii guddoomiyaha ku xigay sidee loo eryay?,.. arrin waxay noqotay mucjiso ah, bacdama inta warqad loo qoray la yidhi waala eryay waxay noqotay arrin mucjiso ah" ayuu hadalkiisa ku daray Geedi.

Geedi ayaa sheegay in ay xilka qaadista  guddoomiye ku xigeenkiii xisbiga Waddani, ay ku noqotay fajiciso, isagoo sheegay in guddoomiyuhu aanu cidna kala tashan, isla markaana uu jabiyay sharcigii xisbiga.

"Abokor Xuseen Meecaad ayaa ninka la yidhaahdaa, sabab alla sabab loo eryay garan maayo, argagax bay nagu noqotay xisbi ahaan, waayo xisbigu wuxuu xisbi ku yahay wada tashi, sharciga oo la ilaaliyo iyo balamihii dadka lala galay, deegaan waliba qaybu xisbiga leeyehee la ilaaliyo" ayuu yidhi Geedi.

Geedi ayaa intaa ku daray xisbiga Waddani uu noqday bilaa hogaan, isla markaana kolba cidii uu guddoomiyuhu jeclaado iskaga soo daro hogaanka xisbiga.

"Xisbigayagu wuxuu noqday xisbi aan lahayn hogaan, guddoomiyaha ayaan subax u imid markaasu igu yidhi hogaankii waxaynu ku darayna 5 nin oo odayaal ah, markasan idhi dee sharcigu muu inoo ogolyahay, mayanee wuu ogolyahay, halkaa markay maraysay, waxa iigu danbaysay isagoo hogaanku maraya 20" ayuu yidhi Geedi.

Xisbiga Waddani ayaa ku caan ah qaab dhismeed ka duwan labada xisbi ee kale, waxaana jira masuuliyiin xisbiga hore uga tagay, oo eedo kuwa Geedi lamid ah u jeediyay xisbiga.



Abdilahi Abdirahman Mohamed, Hiiraan Online
[email protected]












Click here
9/27/2021 1:09 PM EST
Isniin, September, 27, 2021 (HOL) - Wasiirkii haweenka ee Itoobiya, oo ahayd mas'uulkii dowladdeed ee ugu horreeyey ee qira in kufsi dhacay intii uu socday dagaalkii Tigray, ayaa Isniintii maanta ku dhawaaqday in ay is casishay.

9/27/2021 10:30 AM EST
Isniin, September, 27, 2021 (HOL) - Taliyaha ciidamada Lugta dalka Uganda Lt. Genaral Muhoozi Kainerugaba iyo saraakiil kale oo ka tirsan ciidamada Uganda oo uu hogaaminaayay ayaa maanta soo gaaray magaalada Muqdisho waxayna si gooni gooni ah kulamo ula kala qaateen madaxweyne Maxamed Cabdullaahi Farmaajo iyo Raysal wasaaraha Maxamed Xuseen Rooble.

9/27/2021 8:55 AM EST
Isniin, September, 27, 2021 (HOL) - Dagaal u dhexeeya ciidanka Booliska iyo maleeshiyaad hubaysan ayaa ka dhacay magaalada Xuddun ee gobolka Sool.

9/27/2021 7:30 AM EST
Isniin, September, 27, 2021 (HOL) - Qaraxa miinada dhulka lagu aaso ayaa haleelay kolonyo ka tirsan ciidamada Kenya oo maraayay inta u dhaxeysa Kayunga iyo Shangani oo ka tirsan gobolka Lamu.

9/27/2021 6:25 AM EST
Isniin, September, 27, 2021 (HOL) - Madaxda ugu sareysa dowladda Soomaaliya madaxweyne Farmaajo iyo Raysal wasaare Rooble ayaa ka tacsiyadeeyay geerida allah u naxariiste majaajiliistahii Soomaaliyeed ee caanka ahaa Cabdi Muriidi Dheere Ajakis oo maanta Muqdisho ku geeriyooday.

9/27/2021 4:32 AM EST
Isniin, September, 27, 2021 (HOL) - Waxaa goordhaw magaalada Muqdisho ku geeriyooday allah u naxariistee Majaajiliistahii caanka ahaa Cabdi Muriidi Dheere Ajakis oo maalmahii lasoo dhaafay ku xanuunsanaayay mid ka mid ah Isbitaalada magaalada Muqdisho.

9/27/2021 1:28 AM EST
Isniin, September, 27, 2021 (HOL) - Wasiirka qorshaynta Soomaaliya, Jamaal Maxamed Xasan ayaa sheegay in ay hoos usii socdaan mashaariicda ka socota Puntland, taasoo uu sheegay in ay ugu wacan tahay sida ay madaxda Puntland u dhaqmayaan.

9/27/2021 1:21 AM EST
Isniin, September, 27, 2021 (HOL) - Markabkii 39-aad ee Ciidanka Badda Shiinaha ayaa ka ambabaxay magaalada Qingdao, oo ku taal Gobolka Shandong ee bariga Shiinaha, si uu u fuliyo hawlgal laga fulinyao gacanka Cadmeed iyo biyaha Soomaaliya.

9/27/2021 1:12 AM EST
Isniin, September, 27, 2021 (HOL) - Guddiga doorashooyinka gobolada Waqooyi ee Somaliland ayaa shaaciyay in dib loo dhigay hadal jeedintii Musharaxiinta ku tartameysa kuraasta Aqalka sare ee Somaliland oo lagu waday iney maanta dhacdo.