8/13/2022
Today from Hiiraan Online:  _
Wararka Maanta- Sabti, Sept 25, 2021
Qarax Ismiidaamin ah oo goordhaw ka dhacay magaalada Muqdisho
 

Sabti, September, 25, 2021 (HOL) - Qaraxaan oo ahaa mid aad u xoogan ayaa daqiiqado ka hor ka dhacay agagaarka Isgoyska Ceelgaabta ee magaalada Muqdisho, kaasoo jugtiisa laga maqlay inta badan degmooyinka gobolka Banaadir.

Wararka hordhaca ah ee kasoo baxaya qaraxa ayaa sheegaya inuu ahaa gaari laga soo buuxiyay waxyaabaha qarxa, kaasoo ku qarxay Isgoyska Ceelgaabta, gaar ahaan barkoontarool oo laga ilaaliyo wadada gasha madaxtooyada Soomaaliya.

Qaraxa kadib ayaa waxaa la maqlay rasaas farabadan oo la sheegay iney fureen ciidamada Booliiska Soomaaliya, hayeeshee wali lama oga khasaaraha rasmiga ah ee ka dhashay qaraxaan Ismiidaaminta ahaa.

Ciidamo ka tirsan Booliiska Soomaaliya ayaa xiray goobta uu qaraxa ka dhacay iyo agagaarkeeda, waxaana sidoo kale la arkayaa gaadiidka gurmadka deg dega ah oo goobta kusii qulqulaya si ay gurmad ugu sameeyaan dadka ku waxyeeloobay qaraxa goordhaw dhacay.

Afhayeenka ciidanka Booliiska Soomaaliya ayaa goordhaw isna xaqiijiyay in qaraxa dhacay uu ahaa mid Ismiidaamin ah, islamarkaana loo adeegaaday gaari laga soo buuxiyay waxyaabaha qarxa, kaasoo geystay khasaare dhimasho iyo dhaawacba leh walow uusan sheegin tirada ku waxyeeloowday qaraxa Ismiidaaminta ah.

Lasoco waxii kusoo kordha wararkan.

Jamaal Cali Cabdi, Hiiraan Online
[email protected]












Click here
9/25/2021 9:59 AM EST
Sabti, September, 25, 2021 (HOL) - Madaxda ugu sareysa dowladda Fedaraalka Soomaaliya Madaxweyne Maxamed Cabdullaahi farmaajo iyo Raysal Wasaare Maxamed Xuseen Rooble ayaa siyaabo gooni gooni ah uga kala tacsiyadeeyay qaraxii Ismiidaaminta ahaa ee maanta ka dhacay Isgoyska Ceelgaabta ee magaalada Muqdisho oo si aad ah ugu dhaw madaxtooyada Soomaaliya.

9/25/2021 7:28 AM EST
Sabti, September, 25, 2021 (HOL) - Afhayeenka ciidanka Booliska Soomaaliya Cabdifitaax Aadan Xasan ayaa sheegay in qaraxii saakay ka dhacay isgoyska Ceel-gaabta ay ku dhinteen ugu yaraan 8 qof oo shacab u badan.

9/25/2021 5:28 AM EST
Sabti, September, 25, 2021 (HOL) - Urur ay ku mideysaniyiin Qareennada Soomaaliyeed ee qurbajoogta ah oo fadhigiisu yahay magaalada Melbourne ee waddanka Australia ayaa dacwad ka dhan ah dowladda Soomaaliya u gudbiyay maxkamada caalamiga ee dambiyada dagaalka ee ICC ee magaalada The Hague.

9/25/2021 4:53 AM EST
Sabti, September, 25, 2021 (HOL) - Dowladda Kenya ayaa heegan sare uga jirta xukunka Maxkamadda Caalamiga ah ee Caddaaladda (ICJ), ay bisha soo socota ka gaari doonto dacwada ku saabsan muranka soohdinta Badweynta Hindiya ee Soomaaliya iyo Kenya.

9/25/2021 2:30 AM EST
Sabti, September, 25, 2021 (HOL) - Wararka ka imaanaya degmada Mahadaay ee gobolka Sh/dhexe ayaa sheegaya in Kolanyo ka tirsan ciidamada AMISOM lala beegsaday qarax miino oo ah nooca dhulka lagu aaso xili ay marayeen inta u dhaxeysa Mahadaay iyo Buurane.

9/25/2021 2:03 AM EST
Sabti, September, 25, 2021 (HOL) - Warar lagu kalsoonaan karo oo kasoo baxaya madaxtooyada Hirshabeelle ayaa sheegaya in khilaaf adag uu soo kala dhexgalay madaxweynaha Hirshabeelle Cali Guudlaawe iyo ku xigeenkiisa Yuusuf Dabageed.