1/27/2022
Today from Hiiraan Online:  _
Wararka Maanta- Sabti, Sept 25, 2021
Doorashada Aqalka sare ee Hirshabeelle oo hakad ugu jirta khilaaf u dhaxeeya madaxweynaha iyo ku xigeenkiisa
 

Sabti, September, 25, 2021 (HOL) - Warar lagu kalsoonaan karo oo kasoo baxaya madaxtooyada Hirshabeelle ayaa sheegaya in khilaaf adag uu soo kala dhexgalay madaxweynaha Hirshabeelle Cali Guudlaawe iyo ku xigeenkiisa Yuusuf Dabageed.

Khilaafka soo kala dhexgalay labada masuul ee ugu sareysa maamulka Hirshabeelle ayaa la sheegay inuu salka ku haayo murun la xariira mid ka mid ah kuraasta Aqalka sare oo 18-kii bishaan iyadoo doorashadiisu socoto ay fowdo bilaabeen Xildhibaano ka tirsan Hirahabeelle, taaso keentay in lagu kala cararo hoolkii doorashada ka socotay.

Madaxweyne ku xigeenka Hirshabeelle ayaa la sheegay inuu ku adkeysanayo inaan dib kursigaas loogu tartamin ama loo xiro musharax uu isaga si gaar ah wato, waxaana arinkaasi ka biyo diiday madaxweynaha Hirshabeelle Cali Guudlaawe.

Khilaafka labada masuul ayaa sabab u noqday inuu hakad ku yimaado howlaha doorashada kuraasta Aqalka sare ee Hirshabeelle oo ay ka harsan tahay sideeda kursi ee Jowhar lagu dooranaayo laba kursi oo kala ah midka sababay khilaafka u dhaxeeya waqtigaan Cali Guudlaawe iyo Yuusuf Dabageed.

Bilowgii doorashada kuraasta Aqalka sare iyo waliba liiskii Musharaxiinta ee uu soo saaray madaxweynaha Hirshabeelle ayaa siyaasiyiinta iyo shacabka Soomaaliyeed waxay si aad ah ugu amaaneen madaxweynaha Hirshabeelle inuu soo saaray liis ku saleysan cadaalad balse dhamaadkii doorashada waxaa hareerayay buuq iyo fowdo ay sameyeen Xildhibaano ka tirsan Hirshabeelle, taasoo ugu dambeyn keentay khilaaf soo kala dhexgalo madaxweynaha iyo ku xigeenkiisa doorashadana hakad gasho.

Jamaal Cali Cabdi, Hiiraan Online
[email protected]












Click here
9/25/2021 9:59 AM EST
Sabti, September, 25, 2021 (HOL) - Madaxda ugu sareysa dowladda Fedaraalka Soomaaliya Madaxweyne Maxamed Cabdullaahi farmaajo iyo Raysal Wasaare Maxamed Xuseen Rooble ayaa siyaabo gooni gooni ah uga kala tacsiyadeeyay qaraxii Ismiidaaminta ahaa ee maanta ka dhacay Isgoyska Ceelgaabta ee magaalada Muqdisho oo si aad ah ugu dhaw madaxtooyada Soomaaliya.

9/25/2021 7:28 AM EST
Sabti, September, 25, 2021 (HOL) - Afhayeenka ciidanka Booliska Soomaaliya Cabdifitaax Aadan Xasan ayaa sheegay in qaraxii saakay ka dhacay isgoyska Ceel-gaabta ay ku dhinteen ugu yaraan 8 qof oo shacab u badan.

9/25/2021 5:28 AM EST
Sabti, September, 25, 2021 (HOL) - Urur ay ku mideysaniyiin Qareennada Soomaaliyeed ee qurbajoogta ah oo fadhigiisu yahay magaalada Melbourne ee waddanka Australia ayaa dacwad ka dhan ah dowladda Soomaaliya u gudbiyay maxkamada caalamiga ee dambiyada dagaalka ee ICC ee magaalada The Hague.

9/25/2021 4:53 AM EST
Sabti, September, 25, 2021 (HOL) - Dowladda Kenya ayaa heegan sare uga jirta xukunka Maxkamadda Caalamiga ah ee Caddaaladda (ICJ), ay bisha soo socota ka gaari doonto dacwada ku saabsan muranka soohdinta Badweynta Hindiya ee Soomaaliya iyo Kenya.

9/25/2021 4:32 AM EST
Sabti, September, 25, 2021 (HOL) - Qaraxaan oo ahaa mid aad u xoogan ayaa daqiiqado ka hor ka dhacay agagaarka Isgoyska Ceelgaabta ee magaalada Muqdisho, kaasoo jugtiisa laga maqlay inta badan degmooyinka gobolka Banaadir.

9/25/2021 2:30 AM EST
Sabti, September, 25, 2021 (HOL) - Wararka ka imaanaya degmada Mahadaay ee gobolka Sh/dhexe ayaa sheegaya in Kolanyo ka tirsan ciidamada AMISOM lala beegsaday qarax miino oo ah nooca dhulka lagu aaso xili ay marayeen inta u dhaxeysa Mahadaay iyo Buurane.