8/11/2022
Today from Hiiraan Online:  _
Wararka Maanta- Arbaco, Sept 22, 2021
Mowjada saddexaad ee caabuqa Covid-19 oo faro baas ku haya bulshada Somaliland
 

Arbaco, September, 22, 2021 (HOL) - Somaliland ayaa adduunka badan kiisa kala siman saamaynta mowjada saddexaad ee caabuqa Covid-19, daraasiin dad ah oo da'a walba leh ayuu isbitaalada dhigay, tirada dadka maalinba caabuqu soo rito, ayaa ah darajo cusub oo aanu caabuqu wali Somaliland ka gaadhin tan iyo markii kiiskii ugu horeeyay laga helay bishii March ee sanadkii 2020, waxaana jira dad u dhinta maalinwalba.

Xogta maalin laha ah ee lagu baahiyo barta wasaarada caafimaadka, ayaa lagu sheegay in maanta oo kali ah caabuqa laga helay 98 qof, isla markaana ay dhinteen 3 qof. Inta waxa dheer, in ay jiraan kumamnaan caabuqa guryahooda, goobaha shaqo iyo suuqyada la jooga, iyo tiro kale oo u dhimanaya guud ahaan Somaliland kuwaasi oo aan u xisaabsanayn wasaarada caafimaadka.

Guddida La dagaalankan Caabuqa Covid-19 oo qaylo-dhaan xanuunka kasoo saartay Arbacadii maanta, ayaa bulshada uga digay khatarka caabuqa isla markaana faray in ay weeleeyaan talada dhakhaatiirta, kala fogaadaan, afka xidhaan isla markaana, nadaafada gacmahooda ilaaliyaan.

"Waxaa inagu waajib ah in aynu qaadano talooyinka caafimaadka, waxaanan nu farayna meelaha layskugu yimaado ee suuqyadu kow ka yihiin, hotelada, maqaaxiyaha iyo masaajidada, dugsiyada iyo malcaamadaha in lasoo celiyo nidaamki kala fogaanshaha, macalimiinta iyo imaamyadu waa in ay ku guubaabiyaan in ay kala durkaan oo afsaab xidhaan" sida waxa yidhi wasiirka diinta iyo awqaafta Sh. Cabdirisaaq Xuseen (Albani) oo gudida kamid ah.

Dhinaca kale, dadaalka ay xukuumadu ku waajahayso mowjadan saddexaad ee caabuqa ayaa aad uga kooban, ugana liidata marka la bar bar dhigo mowjadihii ka horeeyay, tusaale ahaan waxaa yar karantiilka gaar ka ah ee loo sameeyo bukaanda caabuqa qaba, isla markaana waxa soo booqanaya daraasiin dad ah, oo aan badan koodu xidhnayn wax ka hortag ah sida ay HOL, u xaqiijisay Ruun Sh. Ahmed oo bukaan ku haysa isbitaalka guud ee Hargaysa.

Khatarta ugu wayn ee uu hada caabuqu leeyahay ayaa ah in bulshadii qabatintay, oo anay u arkaynba wax ka duwan durayga caadiga ah ee dadka ku dhaca, waxaa jira dad badan oo aan aaminsanayn jiritaanka caabuqa, iyo hab maamulkii isbitaalada ee ka hortaga caabuqa oo aan jirin, taasi oo keentay in xataa kalkaaliyayaashi caafimaadka qaar kamid ahi la il daranyihiin caabuqa oo haleelay.

Dhakhaatiirka ayaa marka aad waraysato kuu sheegaya in mowjadan saddexaad ay aad u khatar badantahay isla markaana uu caabuqu weerarayo maskaxda, neef-mareenka iyo maqalka qofka. Waxaa intaa dheer in caabuqu uu hada xataa dhalinyarayada iyo dadka xooga ah dili karo.

Abdilahi Abdirahman Mohamed, Hiiraan Online
[email protected]












Click here
9/22/2021 10:03 AM EST
Arbaco, September, 22, 2021 (HOL) - Taliyihii hore ee Nabadsugida iyo Sirdoonka Qaranka Fahad Yaasiin oo shalay soo gaaray Muqdisho ayaa durba bilaabay inuu kulan la qaato qaar ka mid ah madaxda ugu sareysa dalka iyo taliyaasha ciidamada.

9/22/2021 9:35 AM EST
Arbaco, September, 22, 2021 (HOL) - War-saxaafadeed ay soo saartay Wasaarada Arrimaha dibada iyo Iskaashiga Caalamiga ah ee Somaliland, ayaa lagu sheegay in xukuumada Somaliland anay wax lug ah ku lahayn, doorashooyinka Soomaaliya, isla markaana anay waxba ka khusayn.

9/22/2021 9:26 AM EST
Arbaco, September, 22, 2021 (HOL) - Abwaan Yuusuf Cismaan Cabdille (Yusuf Shaacir) oo 3 bishii July ay dowlada Soomaaliya u magacowday xubin ka tirsan xeeldheerayaasha Akadamiyada Afka iyo Suugaanta ee Wasaarada Waxbarashada, ayuu hada Golaha Wakiilada Somaliland, u magacabay xubin katirsan guddida afka ee golaha.

9/22/2021 8:19 AM EST
Arbaco, September, 22, 2021 (HOL) - Wararka ka imaanaya deegaanka Hoosingoow ee gobolka Jubbada Hoose ayaa sheegaya inuu halkaasi ka dhacay maanta dagaal culus oo u dhaxeeya ciidamada Kenya iyo kuwa dagaalamayaasha Al-shabaab.

9/22/2021 8:14 AM EST
Arbaco, September, 22, 2021 (HOL) - Safaaradda Soomaaliya ee dalka Turkiga ayaa markii ugu horraysay ka hadashay ganacsato Soomaaliyeed oo lagu xirxiray dalka Turkiga, kuwaas oo ay markii dambe gacan ka geysatay siidayntooda.

9/22/2021 5:53 AM EST
Arbaco, September, 22, 2021 (HOL) - Wararka naga soo gaaraya magaalada Marka ee xarunta gobolka Sh/hoose ayaa sheegaya in goordhaw halkaasi uu ka dhacay qarax aad u xoogan oo laga maqlay inta badan xaafadaha magaalada Marka.

9/22/2021 5:42 AM EST
Arbaco, September, 22, 2021 (HOL) - Warar dheeraad ah ayaa kasoo baxaya weerar madaafiic ah oo dagaalamayaasha Al-shabaab ku qaadeen Saldhig ciidamada Kenya ku leeyihiin degmada Ceelwaaq ee gobolka Gedo.

9/22/2021 4:12 AM EST
Arbaco, September, 22, 2021 (HOL) - Dowladda Soomaaliya ayaa bilowday qorshe howleed ay kula wareegayso masuuliyadda ammaanka dalka, kadib marka ay ciiddamada AMISOM soo gabagabeeyaan waajibaadkooda.

9/22/2021 1:35 AM EST
Arbaco, September, 22, 2021 (HOL) - Madaxweynaha Soomaaliya Maxamed Cabdullaahi Farmaajo ayaa khudbad uu ka jeediyey Meertada 76-aad ee Golaha Guud ee Qaramada Midoobay waxa uu kaga hadlay Geeddi socodka arrimaha doorashooyinka Soomaaliya, Xakamaynta iyo ka soo kabashada cudurka COVID-19, Dardar gelinta iyo dib u habaynta Qaramada Midoobay, Ilaalinta deegaanka iyo isbeddellada cimilada adduunka.

9/22/2021 1:24 AM EST
Arbaco, September, 22, 2021 (HOL) - Guddiga doorashada Xildhibaanada labada Aqalka ee gobolada Waqooyi ee Somaliland ayaa soo saaray Jadwalka dooraashada kuraasta Aqalka sare xubnaha uga mid noqonaya Baarlamaanka Soomaaliya.