8/11/2022
Today from Hiiraan Online:  _
Wararka Maanta- Arbaco, Sept 22, 2021
Safaaradda Soomaaliya ee dalka Turkiga oo ka hadashay ganacsato Soomaaliyeed ah oo lagu xiray xiray dalkaas
 

Arbaco, September, 22, 2021 (HOL) - Safaaradda Soomaaliya ee dalka Turkiga ayaa markii ugu horraysay ka hadashay ganacsato Soomaaliyeed oo lagu xirxiray dalka Turkiga, kuwaas oo ay markii dambe gacan ka geysatay siidayntooda.

Safaaraddu waxay sheegtay in ay aad uga walaacsan tahay in loo qabtay muddo soddon maalmood ah in ay dalka kaga baxaan, oo dib u soo dalbadaan fiise shaqo, oo ay ku ganacsan karaan ama ku shaqayn karaan.

Safiirka Soomaaliya ee Turkiga Ambassador Jaamac Caydiid, ayaa sheegay sharciga u yaalla dalka Turkiga inuu dhigayo in qofka dalka ku jooga deganaansho ardaynimo ama dalxiis uusan xaq u lahayn in uu shaqeeyo ama ganacsi ka furto. Haddii lagu qabtana la masaafurinayo.

Sharcigan oo ay dawladdu haatan dhaqan gelintiisa dardar gelisay, ayuu safiirku sheegay inuu saamayn doono dad badan oo ganacsiyo ku leh dalka Turkiga, oo isugu jira Soomaali iyo ajnabi badan oo kale.

Safiirka ayaa Soomaalida dalkaas ka ganacsata kula taliyay in ay cashar ka qaataan ganacsatada Soomaaliyeed ee loo xirxiray in ay jebiyeen sharciga dowladda Turkigu soo rogtay

“Ganacsatada waxaa waajib ku ah in ay dib u eegaan sharciga ay ku shaqaysanayaan iyo ka ay dalka ku joogaan.  Dadka ku jooga ardaynimada, dalxiiska iyo caafimaadku shaqo iyo ganacsi midna kama geli karaan. Waxaa looga baahanyahay deganaansho shaqo “Work Permit” ama “Çalışma İzni”, ayuu yiri safiir Jaamac Ceydiid.

Muddo lix cishe ah ayay ganacsatada Soomaalida ku xirnaayeen dalka Turkiga. Waxaa xusid mudan inuu ganacsigoodu ahaa mid sharciyaysan oo canshuurta laga bixiya, balse dadka furtay ama ka shaqaynayey, ayaa lagu helay in aysan haysan degaanaansho shaqo.

Abdiweli M. Sheikh, Hiiraan Online












Click here
9/22/2021 3:32 PM EST
Arbaco, September, 22, 2021 (HOL) - Somaliland ayaa adduunka badan kiisa kala siman saamaynta mowjada saddexaad ee caabuqa Covid-19, daraasiin dad ah oo da'a walba leh ayuu isbitaalada dhigay, tirada dadka maalinba caabuqu soo rito, ayaa ah darajo cusub oo aanu caabuqu wali Somaliland ka gaadhin tan iyo markii kiiskii ugu horeeyay laga helay bishii March ee sanadkii 2020, waxaana jira dad u dhinta maalinwalba.

9/22/2021 10:03 AM EST
Arbaco, September, 22, 2021 (HOL) - Taliyihii hore ee Nabadsugida iyo Sirdoonka Qaranka Fahad Yaasiin oo shalay soo gaaray Muqdisho ayaa durba bilaabay inuu kulan la qaato qaar ka mid ah madaxda ugu sareysa dalka iyo taliyaasha ciidamada.

9/22/2021 9:35 AM EST
Arbaco, September, 22, 2021 (HOL) - War-saxaafadeed ay soo saartay Wasaarada Arrimaha dibada iyo Iskaashiga Caalamiga ah ee Somaliland, ayaa lagu sheegay in xukuumada Somaliland anay wax lug ah ku lahayn, doorashooyinka Soomaaliya, isla markaana anay waxba ka khusayn.

9/22/2021 9:26 AM EST
Arbaco, September, 22, 2021 (HOL) - Abwaan Yuusuf Cismaan Cabdille (Yusuf Shaacir) oo 3 bishii July ay dowlada Soomaaliya u magacowday xubin ka tirsan xeeldheerayaasha Akadamiyada Afka iyo Suugaanta ee Wasaarada Waxbarashada, ayuu hada Golaha Wakiilada Somaliland, u magacabay xubin katirsan guddida afka ee golaha.

9/22/2021 8:19 AM EST
Arbaco, September, 22, 2021 (HOL) - Wararka ka imaanaya deegaanka Hoosingoow ee gobolka Jubbada Hoose ayaa sheegaya inuu halkaasi ka dhacay maanta dagaal culus oo u dhaxeeya ciidamada Kenya iyo kuwa dagaalamayaasha Al-shabaab.

9/22/2021 5:53 AM EST
Arbaco, September, 22, 2021 (HOL) - Wararka naga soo gaaraya magaalada Marka ee xarunta gobolka Sh/hoose ayaa sheegaya in goordhaw halkaasi uu ka dhacay qarax aad u xoogan oo laga maqlay inta badan xaafadaha magaalada Marka.

9/22/2021 5:42 AM EST
Arbaco, September, 22, 2021 (HOL) - Warar dheeraad ah ayaa kasoo baxaya weerar madaafiic ah oo dagaalamayaasha Al-shabaab ku qaadeen Saldhig ciidamada Kenya ku leeyihiin degmada Ceelwaaq ee gobolka Gedo.

9/22/2021 4:12 AM EST
Arbaco, September, 22, 2021 (HOL) - Dowladda Soomaaliya ayaa bilowday qorshe howleed ay kula wareegayso masuuliyadda ammaanka dalka, kadib marka ay ciiddamada AMISOM soo gabagabeeyaan waajibaadkooda.

9/22/2021 1:35 AM EST
Arbaco, September, 22, 2021 (HOL) - Madaxweynaha Soomaaliya Maxamed Cabdullaahi Farmaajo ayaa khudbad uu ka jeediyey Meertada 76-aad ee Golaha Guud ee Qaramada Midoobay waxa uu kaga hadlay Geeddi socodka arrimaha doorashooyinka Soomaaliya, Xakamaynta iyo ka soo kabashada cudurka COVID-19, Dardar gelinta iyo dib u habaynta Qaramada Midoobay, Ilaalinta deegaanka iyo isbeddellada cimilada adduunka.

9/22/2021 1:24 AM EST
Arbaco, September, 22, 2021 (HOL) - Guddiga doorashada Xildhibaanada labada Aqalka ee gobolada Waqooyi ee Somaliland ayaa soo saaray Jadwalka dooraashada kuraasta Aqalka sare xubnaha uga mid noqonaya Baarlamaanka Soomaaliya.