12/9/2021
Today from Hiiraan Online:  _
Wararka Maanta- Khamiis, Sept 16, 2021
Xukuumada Somaliland oo guddi u saartay dilalka ka dhacay gobolka Sool
 

Khamiis, September, 16, 2021 (HOL) - Kalfadhigii 79aad ee Golaha Wasiirada Somaliland, oo uu shirguddoominayay madaxwayne Biixi, ayaa guddi loogu saaray dilalka soo noq noqday ee ka dhacay magaalada Laascaanood.

Wasiirka amniga Somaliland Maxammed Kaahin Axmed ayaa golaha uga warbixiyay xaalad amaan ee guud ahaan Somaliland gaar ahaana gobolka Sool, iyadoo goluhu isku raacay in guddi loo saaro xaalada amaan daro ee ka jirta gobolka.

"Wasiirka amniga ayaa wasiirrada war-bixin la xidhiidha amniga iyo nabadgelyada guud ee dalka siiyay. Wasiirku waxa uu si gaara uga hadlay xaaladda amni ee gobolka Sool, waxaanu golaha la wadaagay dilalka soo noq-noqday ee ka dhacay gobolka, isla markaana waxa uu goluhu u saaray guddi ka kooban wasiiro sidii arrintaas xal loogu helo" ayaa lagu yidhi warbixin shirka laga soo saaray.

Xaalada amaan ee gobolka Sool ayaan fiicnayn iyadoo masuuliyiin dhowr ah oo ka tirsan xukuumada Somaliland iyo golaha deegaanka ee degmada Laascaanood dablay aan haybtooda la aqoonsan dilal u gaysteen wakhtiyo kala duwan.

Hadaba qaybo kamid ah dadwaynaha iyo odayaasha magaalada Laascaanood, ayaa iyaguna sheegay in ay guddi madax-bannaan u saareen amni darada Laascaanood.


Abdilahi Abdirahman Mahamed, Hiiraan Online
[email protected]












Click here
9/16/2021 3:25 PM EST
Khamiis, September, 16, 2021 (HOL) - Ra’iisul wasaaraha Soomaaliya, Maxamed Xuseen Rooble ayaa ku sheegay qoraal uu baahiyay xafiiska Madaxweynaha mid hareer marsan Dastuurka KMG ah.

9/16/2021 9:02 AM EST
Khamiis, September, 16, 2021 (HOL) - Madaxweyne Farmaajo ayaa soo saaray wareegto uu ku hakinayo awoodaha raysal wasaare Rooble, kadib markii uu ku eedeeyay inuu soo saaro go’aanno ku keli ah oo aan waafaqsanayn shuruucda iyo Dastuurka dalka.

9/16/2021 8:23 AM EST
Khamiis, September, 16, 2021 (HOL) - Wakiilka Qaramada Midoobay ee Soomaaliya iyo wakiilka midowga Afrika ee Soomaaliya, ayaa maanta kulan ay Baydhabo kula qaateen Madaxweynaha Koonfur galbeed, waxay kala hadleen khilaafka siyaasadeed ee soo kala dhexgalay madaxweyne Farmaajo iyo raysal wasaare Rooble.

9/16/2021 5:25 AM EST
Khamiis, September, 16, 2021 (HOL) - Taliyaha Ciidanka Haramcad Cabdixamiid Cabdillaahi Fanax oo hoggaaminayay ciidamadda Haramcad ayaa dhaawac ka soo gaarey kadib dagaal saakay ciidamadda milatariga iyo kuwa Haramcad ku dhexmaray isgoyska Banaadir ee Muqdisho.

9/16/2021 5:18 AM EST
Khamiis, September, 16, 2021 (HOL) - Guddoomiyaha xisbiga mucaaradka Somaliland ee UCID Faysal Cali Waraabe, oo kasoo laabtay safar uu ku joogay waddamada Yurub, ayaa sheegay in madaxweyne Biixi uu codsaday in doorashada madaxtooyada lagu qabto wakhtigeedi, oo aan mudo kordhin loo samayn.

9/16/2021 4:19 AM EST
Khamiis, September, 16, 2021 (HOL) - Dhakhtarka lagu magacaabo Marry oo ku yaal magaalada Harar oo ah dhakhtar gaar loo leeyahay ayaa waxaa usoo caafimaad raadsada dad u badan Soomaali, oo ka kala yimaadda inta badan dhulka ay Soomaalidu degto.

9/16/2021 2:08 AM EST
Khamiis, September, 16, 2021 (HOL) - Dagaalkan ayaa ah mid xoogan oo u dhaxeeya ciidamo ka wada tirsan dowladda Soomaaliya ayaa ka socda agagaarka isgoyska Banaadir ee magaalada Muqdisho.

9/16/2021 1:41 AM EST
Khamiis, September, 16, 2021 (HOL) - Sarkaal Booliis ah oo asalkiisu yahay Soomaali Kenyan ayaa kooxo aan heebtooda la garaneyn ka afduubteen mid ka mid ah wadooyinka ugu waaweyn magaalada Nairobi ee dalka Kenya Thika Super Highway maalinimadii Isniinta aheyd sida ay sheegeen qoyska Sarkaalka la afduubtay oo lagu Cisman Godane.

9/16/2021 1:11 AM EST
Khamiis, September, 16, 2021 (HOL) - Wararka ka imaanaya magaalada Pretoria ee dalka Koofur Afrika ayaa sheegaya in deegaan hoos yimaada magaaladaasi lagu dilay Muwaadin Soomaaliyeed oo ka mid ganacsatada Soomaliyeed ee ku noola dalkaasi.