3/29/2024
Today from Hiiraan Online:  _
Wararka Maanta- Isniin, Sept 13, 2021
Dalalka Jaamacadda Carabta oo balanqaaday in ay Soomaaliya ka taageerayaan dhaqaalaha doorashada
 

Isniin, September, 13, 2021 (HOL) - Wasiirrada arrimaha dibadda ee jaamacadda Carabta ayaa ku oggolaaday, kalfadhigoodii 156 -aad ee caadiga ahaa ee Qaahira inay taageerayaan doorashooyinka Soomaaliya dhaqaale & farsamo ahaan.

Dowladda Soomaaliya ayaa shalay ka codsatay dalalka Carabta inay bixiyaan 12 milyan oo dollar oo ka mid ah miisaaniyadda 29 milyan ee la qorsheeyey in lagu qabto doorashada qaran ee Soomaaliya.

“Wasiirrada arrimaha dibedda ee Carabtu waxay isku raaceen, kal -fadhigoodii caadiga ahaa ee 156 -aad, oo uu shir guddoominayey, Sheekh Dr. Ahmad Nasser Al-Mohammad Al-Sabah, Wasiirka Arrimaha Dibadda Dawladda Kuweyt, in Soomaaliya laga taageero dhaqaale iyo farsamo ahaan doorashada, ka hor dhammaadka sanadkaan 2021-ka,” ayaa lagu yiri bayaanka jaamacadda carabta.

Raysal wasaaraha Soomaaliya, Maxamed Xuseen Rooble ayaa dhawaan sheegay in dowladdu ka  walaacsan tahay dhaqaalaha doorashada ku baxaya, iyadoo beesha caalamka ay balanqaaday 7.7 milyan oo ay soo marsiisay Qaramada Midoobay.

“Markii ugu horreysay, Soomaaliya tan iyo markii ay burburtay dowladdii dhexe ee 1991 waxay bixin doontaa miisaaniyadda ugu badan ee doorashooyinka baarlamaanka iyo tan madaxweynaha,” ayaa lagu yiri war lagu daabacay wakaaladda warraka ee SONNA.

Dowladda Soomaaliya ayaa doonaysa in dhaqaalaha ugu badan ee doorashada uu kasoo xaroodo dhaqaalaha laga qaadayo musharraxiinta ka qeyb galaya doorashada, taasoo lagu qiyaasay 8.2 milyan oo dollar.

Abdiweli M. Sheikh, Hiiraan Online












Click here
9/13/2021 2:56 PM EST
Isniin, September, 13, 2021 (HOL) - Ciidamada Booliiska Somaliland, ayaa gacanta ku dhigay 200 oo xabo oo xayawaanka xamaaratada ah ee caasha badhida oo nin u dhashay dalka Masar uu doonayay in uu si sharci daro ah dibada ugu dhoofiyo.

9/13/2021 12:46 PM EST
Isniin, September, 13, 2021 (HOL) - Madaxweynaha dowladda Soomaaliya Maxamed Cabdullaahi Farmaajo ayaa magacaabay guddi qaran oo baaritaan ku sameeynaya kiiska Ikraan Tahliil Faarax.

9/13/2021 10:32 AM EST
Isniin, September, 13, 2021 (HOL) - Raysal wasaaraha Xukuumadda Fedaraalka Soomaaliya Maxamed Xuseen rooble ayaa maanta kulan kula qaatay magaalada Muqdisho wasiirka Maaliyada Soomaaliya Guddoomiyaha Bangiga dhexe Xisaabiyaha guud ee dalka.

9/13/2021 7:42 AM EST
Isniin, September, 13, 2021 (HOL) - Waxaa si rasmi ah magaalada Jowhar ee xarunta gobolka Sh/dhexe uga bilaawday Khudbadaha ay jeedinayaan Musharaxiinta u tartamaya kuraasta Baarlamaanka Aqalka sare ee Soomaaliya oo ay deegaan doorashadooda tahay Hirshabeelle

9/13/2021 7:36 AM EST
Isniin, September, 13, 2021 (HOL) - Wada hadaladii u socday madaxweyne Farmaajo iyo raysal wasaare Rooble ayaa istaagay kadib markii habeen hore lagu guulaysan waayay in heshiis laga gaaro arrimaha la isku hayo.

9/13/2021 2:25 AM EST
Isniin, September, 13, 2021 (HOL) - Raysal wasaaraha Soomaaliya Maxamed Xuseen Rooble ayaa kulan looga hadlaayay dardargelinta qabashada doorashada Aqalka ee goboladda Waqooyi la qaatay Raysal wasaare ku xigeenkiisa Mahdi Guuleed iyo guddoomiyaha Aqalka sare Cabdi Xaashi.

9/13/2021 1:57 AM EST
Isniin, September, 13, 2021 (HOL) - Ku xigeenka xogayaha guud ee Qaramada Midoobay Amina Jane Mohamed oo shalay soo gaartay magaalada Muqdisho ayaa ka warbixisay kulamo kala duwan oo ay la qaatay madaxda dalka, sida Farmaajo, Raysal wasaare Rooble iyo madaxda golaha wadatashiga qaranka, inkastoo aysan faahfaahin dheeraad ah aysan ka bixin kulankii ay la qaadatay Farmaajo.

9/13/2021 1:38 AM EST
Isniin, September, 13, 2021 (HOL) - Wasiirka wasaarada waxbarashada Somaliland, Axmed Maxamed Diiriye (Toorno), ayaa sheegay in Somaliland ka dowladnimo wanaagsantahay 68 dal oo caalamka ku yaala.