9/30/2022
Today from Hiiraan Online:  _
Wararka Maanta- Talaado, Oct 5 , 2021
Mark Zuckerberg oo lumiyey 6 Bilyan oo Dollar saacadaha uu hawada ka maqnaa Facebook
 

Talaado, October, 5, 2021 (HOL) - Facebook, Instagram iyo adeegga farriimaha WhatsApp-ka ee sida weyn loo adeegsado ayaa dib hawada ugusoo laabtay xalay saqdii dhexe, ka dib muddo illaa lix saacadood ah oo ay dunida ka maqnaayeen.

Qoraal ay soo dhigtay barteeda Twitter -ka fiidnimadii Isniinta, ayaa shirkadda Facebook waxay ku sheegtay in barnaamijyadeeda ay ku soo laabteen khadka tooska ah waxayna ka raalli -geliyeen isticmaaleyaasha cilladda saameeyay malaayiin qof oo adduunka oo dhan ah.

"Bulsha weynta dadka iyo ganacsiyada adduunka oo dhan ee nagu tiirsan, waan ka xunnahay," ayay tiri shirkadda Facebook. "Waxaan si aad ah uga shaqaynaynay soo celinta marin u helka barnaamijyadeenna iyo adeegyadeenna waana ku faraxsanahay inaan soo sheegno inay hadda internetka ku soo noqdeen." Ayay shirkaddu hadalkeeda sii raacisay.

Dhinaca kale, mulkilaha Facebook, Mark Zuckerberg, ayaa hantidiisa shaqsiyadeed ay hoos u dhacday in ka badan 6 bilyan oo dollar saacado gudahood, isaga oo hoos uga dhacay liiska dadka ugu taajirsan adduunka.

Hoos u dhacaan dhaqaale ee ku yimid Mark Zuckerberg, ayaa loo aaneeynayaa saacaddaha ay hawada ka maqnaayeen shirkaddiisa Facebook iyo kuwa hoos yimaada ee Instgram iyo Whats App.

Sicirka saamiyada Zuckerberg ayaa gaaray illaa $ 121.6 bilyan, isaga oo ka hoos maray Bill Gates, oo saamiyadiisu ay dhan yihiin, $140 bilyan, wuxuuna kala baxay kaalinta 5-aad ee kala saraynta maalqabeennada adduunka.

Abdiweli M. Sheikh, Hiiraan Online












Click here
10/5/2021 10:12 AM EST
Talaado, October, 5, 2021 (HOL) - Kulan ay maanta ku yeesheen magaalada Baledweyne ee xarunta gobolka Hiiraan Odayaasha Beesha Xawaadle ayay kaga digeen dowladda Soomaaliya iyo maamulka Hirshabeelle in xilka qaadis iyo beegsi gaar ah ay ku sameeyaan sarakiishii Badbaado Hiiraan.

10/5/2021 8:06 AM EST
Talaado, October, 5, 2021 (HOL) - Raysal wasaaraha Soomaaliya Maxamed Xuseen Rooble oo booqasho ku jooga dalka Qatar ayaa kulan la qaatay dhigiisa dalkaasi Sheekh Khaalid Bin Khalifa Al-Thani.

10/5/2021 6:18 AM EST
Talaado, October, 5, 2021 (HOL) - Xukuumada Somaliland ayaa Raysal Wasaaraha Soomaaliya Maxamed Xuseen Rooble, ku eedeysay in uu ka been sheegay qadiyada dadka reer koonfurka ah lagaga tarxiilayo Laascaanood.

10/5/2021 5:47 AM EST
Talaado, October, 5, 2021 (HOL) - Maxkamadda sare ee ciiddamada qalabka sida ee Puntland ayaa xukun dil ah ku riday siddeed nin oo la sheegay in ay katirsan yihiin Alshabaab, kuwaas oo horay maxkamadda darajada koowaad ay saddex bil ka hor xukun dil ah ugu riday.

10/5/2021 5:01 AM EST
Talaado, October, 5, 2021 (HOL) - Madaxweynaha Soomaaliya Maxamed Cabdullaahi Farmaajoo oo ku sugan magaalada Adis Ababa ee dalka Itoobiya oo uu kaga qeybgalay caleema saarka Raysal wasaaraha dalka Itoobiya oo dib loo doortay dhawaan ayaa kulan gaar ah la qaatay raysal wasaare Abiy Axmed.

10/5/2021 4:14 AM EST
Talaado, October, 5, 2021 (HOL) - Qaar kamid ah haween waynaha magaalada Laascaanood ee gobolka Sool, ayaa soo dhaweeyay raafka ay xukuumada Somaliland ku masaafurinayso dadka reer koonfureedka ah ee ku dhaqnaa gobolka, waxayna ku eedeeyeen in bulshadaasi ka danbeeyeen dilalkii ka dhacay Laascaanood.

10/5/2021 1:26 AM EST
Talaado, October, 5, 2021 (HOL) - Hay’addaha arrimaha bini’aadantinimada ka shaqeeya ayaa aad u cambaareeyay xarigga iyo barakicinta khasabka ah ee in ka badan 1,000 qof oo isugu jira haween, carruur iyo rag, kuwaas oo ay Somaliland kasoo barakacisay magaalada Laascaanood ee caasimadda gobolka Sool.