5/25/2022
Today from Hiiraan Online:  _
Wararka Maanta- Isniin, Oct 4 , 2021
Ololaha wacyigalinta joojinta gudniinka habalaha ee 'GACALO GABADHEYDAAY' oo Muqdisho lagu qabtay


Isniin, October, 4, 2021 (HOL) - Wasiirka haweenka iyo xuquuqul insaanka dowladda federalka Soomaaliya, Xaniifa Xaabsade, ayaa magaalada Muqdisho ku daahfurtay olole loogu magac daray 'GACALO GABADHEYDAAY' oo ah wacyi galin loogu talo galay joojinta gudniinka gabdhaha.

Ololahan oo ay wado hay’adda Ifrah Foundation, ayaa ujeedada  laga leeyahay waxay tahay sidii Soomaaliya looga ciribtiri lahaa gudniinka hablaha, waana barnaamij ay iska kaashanayaan wasaaradda haweenka federalka, UNFPA iyo Ifrah Foundation.

Wasiirka haweenka, Xaniifa Xaabsade, waxay sheegtay in uusan jirin wax qiil ah oo loo hayo gudniinka hablaha, iyadoo ku tilmaamtay inuu yahay dhaqan Soomaaliya meel kale uga yimid, loona baahan yahay in dadka laga wacyi galiyo sidii loo cirib tiri lahaa.

Ifraax Axmed, aas aasaha Ifrah foundation, waxay sheegtay, in ololaha 'GACALO GABADHEYDAAY' uu yahay fikir muddo lix sano ah ka dhex guuxayay, kadib markii ay dareentay culayska iyo xanuunka uu gudniinku hayo bulshada Soomaaliyeed iyo sida aysan dadku ugu wacyi gashanayn dhibaatadiisa.

"Muddo sanado ah ayay igu qaadatay sidii aan Soomaaliya uga hirgalin lahayn ololaha 'GACALO GABADHEYDAAY'. Waxaan maanta ku faraxsanahay, in ololahan uu noqonayo mid federalism ah" ayay tiri Ifrah oo wareysi siinaysay BBC Soomali.

Ifrax waxay sheegtay in ay aaminsan tahay in muddadii ay wadeen wacyi galinta ay wax badan iska beddeleen gudniinka. Balse waxay tilmaamtay  in si dhow gudniinka loo ciribtiro karo, haddii bulshada si fiican loo wacyi galiyo, oo culimadu isla qaataan in gudniinku yahay dhaqan meel kale ka kaga yimid Soomaaliya.

"Haddii hooyo walba oo Soomaaliyeed ay nala qaadato fikirka ah, in gabadheeda ay ka badbaadiso dhibka ay soo martay iyada, Waxaan hubnaa 100% in gabadha dhalandoonta aysan marin dhibaatadaas. Midda hadda lix jirka ahna hooyadeed ka badbaadiso gudniinka," ayay tiri Ifrah oo hadalkeeda sii wadata.

Si kastaba ha ahaatee, daraasado la sameeyay ayaa sheegaya in, 98% hablaha Soomaaliyeed ay mareen nuuc kamid ah gudniinka. Welina caadada gudniinka waxay ka jirtaa 30 waddan oo ay Soomaali kamid tahay.

 

Abdiweli M. Sheikh, Hiiraan Online












Click here
10/4/2021 3:46 PM EST
Isniin, October, 4, 2021 (HOL) - Adeegyada baraha bulshada ee Facebook, WhatsApp iyo Instagram ayaa muddo saacado ah hawada ka maqan, kadib markii ay cilado soo wajaheen.

10/4/2021 12:39 PM EST
Isniin, October, 4, 2021 (HOL) - Madaxweynaha Koonfur Galbeed, Cabdi Casiis Lafta-gareen, ayaa u magacaabay guddi ku meel-gaar ah muwaadiniinta Soomaaliyeed ee ka soo jeeda Koonfur –galbeed, kuwaas oo si sharci -darro ah iyo xoog ah ee Somaliland ugasoo saartay magaalada Laascaanood.

10/4/2021 12:17 PM EST
Isniin, October, 4, 2021 (HOL) - Waxaa goordhaw magaalada Jowhar ee xarunta gobolka Sh/dhexe lagu soo gabagabeeyay doorashada laba kursi oo ka harsaneyd sideeda kursi ee kuraasta Aqalka sare Senatarada ku matalaya Hirshabeelle Baarlamaanka Fedaraalka Soomaaliya.

10/4/2021 9:48 AM EST
Isniin, October, 4, 2021 (HOL) - Saraakiisha ugu saraysa ciidamada Somaliland oo warbaahinta kula hadlay magaalada Laascaanood, ayaa sheegay in howgalka lagu masaafurinayo dadka kasoo jeeda maamulka Koonfur Galbeed ee Soomaaliya, uu yahay howlgal lagu sugayo amniga magaalada Laascaanood.

10/4/2021 8:11 AM EST
Isniin, October, 4, 2021 (HOL) - Guddoomiyaha xisbiga mucaaradka Somaliland ee UCID Faysal Cali Waraabe, ayaa ka horyimid habka ay xukuumada Somaliland u tarxiishay dadka kasoo jeeda maamulka Koonfur Galbeed ee Soomaaliya, ee ku dhaqnaa magaalada Laascaanood.

10/4/2021 7:54 AM EST
Axad, October, 3, 2021 (HOL) - Qaar kamid ah odayaasha degmada Laascaanood, oo warbaahinta la hadlayay ayaa sheegay in aan lagala tashan masaafurinta dadka reer Koonfur Galbeed, isla markaana, anay ku qanacsanayn habka loo maamulay tarxiilka bulshadaa.

10/4/2021 7:10 AM EST
Isniin, October, 4, 2021 (HOL) - Raysal wasaaraha Xukuumadda Fedaraalka Soomaaliya Maxamed iyo Wafdi uu hogaaminaayo ayaa goordhaw u duulay magaalada Doha ee dalka Qatar, kadib casuumaad rasmi ah oo uu ka helay Raysal wasaaaraha Amiirka dalka Qatar Sheekh Tamim Bin Xamad Al Thani.

10/4/2021 5:55 AM EST
Isniin, October, 4, 2021 (HOL) - Madaxweyne Farmaajo iyo wafdi uu hoggaaminayo ayaa gaaray magaalada Addis Ababa oo ay uga qeyb geli doonaan caleemasaarka dhismaha Xukuumadda cusub ee Jamhuuriyadda Federaalka Itoobiya.

10/4/2021 3:00 AM EST
Isniin, October, 4, 2021 (HOL) - Puntland ayaa dib u dajin kumeel gaar ah u sameysay boqolaal qoys oo ay Soomaliland kasoo tarxiishay magaalada Laascaanood ee gobolka Sool.

10/4/2021 2:03 AM EST
Isniin, October, 4, 2021 (HOL) - Waxaa maanta lagu wadaa in lagu soo gabagabeeyo doorashada kuraasta Aqalka sare ee Baarlamaanka Fedaraalka Soomaaliya Senatarada ku matalaya Hirshabeelle oo labadii kursi ee ugu dambeysay sideeda kursi ee Hirshabeelle doorashadooda maanta dhici doonto magaalada Jowhar.

10/4/2021 1:32 AM EST
Isniin, October, 4, 2021 (HOL) - Madaxaweynaha Soomaaliya Maxamed Cabdullaahi Farmaajo iyo wafdi uu hoggaaminaayo ayaa goordhaw u duulay magaalada Adis Ababa ee dalka Itoobiya.