5/26/2022
Today from Hiiraan Online:  _
Wararka Maanta- Khamiis, Oct 28, 2021
Tuugo hab-casri ah dadka u dhacda oo Hargaysa lagu qabtay
 

Khamiis, October, 28, 2021 (HOL) - Ciidanka Booliiska Somaliland qaybta saldhiga xaafada New Hargaysa ee magaalada Hargaysa, ayaa gacanta ku dhigay laba nin oo hab casri ah dadka ugala baxa lacagta ugu jirta telefoonada gacanta, kuwaasi oo lacag dhan $7000 ka dhacay dirawal tagsiile ah oo ka shaqeeya Hargaysa.

"Inan yar ayaa igu yidhi lambar ii garaac ayeeyo ayaa dhimataye, kadibna qof ayuu garaacay oo wuxuu yidhi lacag aan kugu soo dirsado, waan ka diiday, kadibna telefoonkii buu ii dhiibay, hadhaagaygii ayaan eegay waxan ogaaday in uu la baxay $7000 iigu jirtay" sidaa waxa yidhi tagsiilaha ay tuugadu dhacday.

Taliye ka tirsan saldhiga booliiska ee New Hargaysa, ayaa sheegay in kiiska ninka tagsiilaha ah ay u soo qabteen laba eedaysane oo lagu tuhunsanyahay in ay ka danbeeyeen falka lacagta telefoonka lagagala baxay.

"26 bisha saldhiga waxaa lagu soo xidhay nin la yidhaa Sahayb Cabdillaahi iyo nin la yidhaa Xasan Maxamed, kuwaasi oo si tiknoolajiyad ah ugala baxaya lacagta mobilada dadka ugu jirta" ayuu yidhi taliyuhu.

Waxa kale oo uu sheegay in ay beegsanayaan dirawalada ku shaqaysta tagaasida sida fogaan ta ah loo dalbado ee Dhaweeye, kuwaasi oo intay waydiistan in uu qof u waco kadibna sidaa ay ku helayaan dhamaan macluumaadkiisa iyo biinkoodhka lacagta ugu xidhan.

"Waxay ku isticmaalayaan dhaweeyaha, 2 da nin nin ahaan ayaa dhaweeyaha looso dirayaa, kadibna wuxu ku odhanayaa lambar ayaa lacagta soo dirayee lambar kaa gali, kadibna wuxuu ku dhacayaa ninkii uu lahaa lacagta ayuu soo diraya, nin kaasi wuxuu helayaa macluumaadkii ninkaa dhaweeyaha ah, isla markaa si casri ah oo aynaan inagu gaadhin ayuu sheegay in uu u helayo bin koodhkii ninka" ayuu yidhi taliyuhu.

Ciidamada booliiska ayaa bulshada uga digaya in ay ka taxadaraan qofka ay u dhiibayaan telefoon kooda gacanta, si looga taxadaro dhaca ay gaysanayaan tuugada internetku.

Abdilahi Abdirahman Mohamed, Hiiraan Online
[email protected]












Click here
10/28/2021 1:13 PM EST
Khamiis, October, 28, 2021 (HOL) - Guddoomiyaha barlamaanka Koonfur Galbeed, Cali Siciid Faqi, ayaa been abuur ku tilmaamay warar laga faafiyay oo uu sheegay in muslinimadiisa shaki lagu galiyay.

10/28/2021 12:55 PM EST
Khamiis, October, 28, 2021 (HOL) - Siyaasi Maxamuud Xaashi Cabdi, oo maanta laga saaray xisbiga Kulmiye oo uu hore uga tirsana, ayaa talaabada xisbiga lagaga saaray ku macneeyay talo xumo, waraysi uu BBC Somali siiyay.

10/28/2021 12:32 PM EST
Khamiis, October, 28, 2021 (HOL) - Madaxweynaha Galmudug Axmed Cabdi Kaariye ayaa galabta gaaray magaalada Guriceel, halkaas oo maalmihii ugu dambeeyay uu dagaallo culus ku dhexmarayay ciiddamada maamulka Galmudug iyo kuwa Ahlusunna.

10/28/2021 9:42 AM EST
Khamiis, October, 28, 2021 (HOL) - Wareegto uusoo saaray xisbiga talada Somaliland haya ee Kulmiye, ayaa xisbiga lagaga caydhiyay siyaasiga Maxamuud Xaashi Cabdi, oo isaga oo ka tirsan xisbiga hadana xil guddoomiyenimo u doontay xisbiga mucaaradka ah ee Waddani.

10/28/2021 7:59 AM EST
Khamiis, October, 28, 2021 (HOL) - Ururada mucaaradka Puntland ayaa sameystay is-bahaysi ay ku doonayaan in ay kula wareegaan talada saddexda degmo ee dhawaan ay ka dhaceen doorashooyinka golayaasha deegaanka ee lasoo horumariyay.

10/28/2021 7:49 AM EST
Khamiis, October, 28, 2021 (HOL) - Hoggaamiyaha Ahlu Sunna Waljameeca Sheekh Maxamed Shaakir Cali Xasan ayaa markii ugu horeysay ka hadlay tan iyo markii ay isaga baxeen degmada Guriceel sababahii ay uga baxeen, kadib afar maalmood oo xariir ah ay ka dhex dagaalamayeen ciidankiisa gudaha magaalada Guriceel ee gobolka Galgaduud.

10/28/2021 3:31 AM EST
Khamiis, October, 28, 2021 (HOL) - Howlgalka Ciidamada Midowga Afrika ee AMISOM ayaa markii ugu horeysay ka jawaab celiyay eedeyn dhawaan kaga timid hogaanka sare ee Ahlu Sunna Waljameeca, taasoo aheyd in ciidamada AMISOM ay ka qeyb qaateen dagaaladii dhawaan ka dhacay degmada Guriceel ee gobolka Galgaduud.

10/28/2021 1:47 AM EST
Khamiis, October, 28, 2021 (HOL) - Maamul goboleedka Puntland ayaa iska fogeeyay inuu wax lug ah ku leeyahay colaadda ka jirta magaalada Guriceel ee u dhaxaysa mamulka Galmudug iyo urur diimeedka Ahlusunna Waljamaaca.

10/28/2021 1:31 AM EST
Khamiis, October, 28, 2021 (HOL) - Madaxweynaha Soomaaliya Maxamed Cabdullaahi Farmaajo ayaa sheegay inuu joojiyey heshiis kasta oo ku saabsan kala wareejinta, iibka, kireynta dhulka danta-guud, inta laga soo dhammeystirayo xeerarka iyo shuruucda Baarlamaan ee hageysa.