5/17/2022
Today from Hiiraan Online:  _
Wararka Maanta- Arbaco, Oct 27, 2021
Madaxtooyada Soomaaliya oo ka jawaabtay eedayn uu madaxweynaha Puntland u jeediyay madaxweyne Farmaajo
 

Arbaco, October, 27, 2021 (HOL) - Madaxtooyada Soomaaliya ayaa ka jawaabtay eedayn uu madaxweynaha Puntland u jeediyay madaxweyne Farmaajo, taasoo ku saabsanayd, in madaxweynaha Soomaaliya uusan ka hambalyayn doorashadii “qof iyo cod” ee ka dhacday Qardho, Eyl iyo Ufayn.

Madaxtooyada ayaa sheegtay in madaxweyne Farmaajo uu qadka taleefoonka kula xiriiray guddoomiyayaasha ururada siyaasada Puntland, isagoo ugu hambalyeeyay natiijada dhiirri-gelinta mudan ee ay ka soo hooyeen deegaannada ay ku qabsoontay doorashadu.

Madaxweyne Farmaajo ayaa ku bogaadiyey Maamulka iyo bulshada Puntland, Guddiga Doorashada iyo Ururrada Siyaasadda ee ka qeyb-galay sida ay ugu midoobeen ka dhabeynta qorshaha dimuqraadiyeynta Puntland oo ah tallaabadii ugu horreysay oo la qaaday.

Si kastaba ha ahaatee, madaxweyne Deni oo xalay ka hadlayay arrimaha doorashada, ayaa sheegay in hambalyayn la’aanta madaxweyne Farmaajo ay muujinayso in aanu Soomaaliya la rabin doorasho toos ah, isla markaana uu bogaadiyo waxyaabo yaryar.


Abdiweli M. Sheikh, Hiiraan Online












Click here
10/27/2021 10:47 AM EST
Arbaco, October, 27, 2021 (HOL) - Cabdimaalik Muuse Coldoon ayaa maanta Maxkamada Gobolka Maroodijeex la hor geeyay kadib muddo 2 bilood iyo 16 cisho ah oo uu ku jiray xabsiga Madheera, waxaana la sheegay in loo akhriyay dacwadaha loo haysto, oo ay ugu horayso eedo ay soo gudbisay Jaamacada Barwaaqo.

10/27/2021 7:15 AM EST
Arbaco, October, 27, 2021 (HOL) - Raysal wasaaraha dalka Canada Justin Trudeau ayaa ku dhawaaqay golahiisa wasiirada oo ka kooban 38 wasiir oo kala bar ay dumar yihiin.

10/27/2021 6:55 AM EST
Arbaco, October, 27, 2021 (HOL) - Warbixin ay soo saartay hay’ad fadhigeedu yahay magaalada London ee dalka Ingiriiska, ayaa lagu sheegay in Soomaalida ku nool caasimadda dalka Turkiga ee Ankara ay dhawaanahan booliisku bartilmaameed ka dhigteen, taasoo ay ku sheegeen inay tahay olole lagu dhibaataynayo.

10/27/2021 2:59 AM EST
Arbaco, October, 27, 2021 (HOL) - War saxafadeed kasoo baxay Saaxiibada Beesha Caalamka ayaa waxay ku sheegeen iney ka walaacsan yihiin dagaalada ka socda degmada Guriceel ee gobolka Galgaduud.

10/27/2021 2:51 AM EST
Arbaco, October, 27, 2021 (HOL) - Abaaro daran oo dad iyo duunyaba saamaysay ayaa laga soo sheegayaa inay ka jirto qaybo kamid ah gobollada uu ka kooban yahay dowlad degaanka Soomaalidu.

10/27/2021 2:10 AM EST
Arbaco, October, 27, 2021 (HOL) - Ciidanka laanta Socdaalka ee gobolka Togdheer ee Somaliland, ayaa ku dhawaaqay in ay tarxiilayaan dadka kasoo jeeda, maamulka Koonfur-galbeed iyo deegaanada Waajid iyo Xudur ee Soomaaliya.

10/27/2021 2:08 AM EST
Arbaco, October, 27, 2021 (HOL) - Ciidamadii Ahlu Sunna Waljameeca ee afartii maalmood ee lasoo dhaafay degmada Guriceel kula dhex dagaalamaayay ciidamada dowladda iyo kuwa maamulka Galmudug ayaa aroornimadii hore ee saakay isaga baxay degmada Guriceel ee gobolka Galgaduud.

10/27/2021 1:59 AM EST
Arbaco, October, 27, 2021 (HOL) - Madaxda Khaatumo ayaa shir laba cisho uga socday magaalada Buuhoodle ee gobolka Togdheer, kaga dhawaaqay in ay ka baxeen hishiiskii ay hore ula galeen xukuumada Somaliland xiligii madaxweyne Siilaanyo.