3/28/2024
Today from Hiiraan Online:  _
Wararka Maanta- Isniin, Oct 25, 2021
Cabdikariin Xuseen Guuleed: Doorashada ka socota Puntlad waxay tusaale cad u tahay in dalka laga hirgalin karo muddo kooban doorasho qof iyo cod ah
 

Isniin, October, 25, 2021 (HOL) - Madaxweynihii hore ee maamulka Galmudug iyo wasiirkii hore ee arrimaha gudaha iyo amniga Soomaaliya, Cabdikariin Xuseen Guuleed, ayaa bogaadiyay doorashooyinka golayaasha deegaanka ee ka socda deegaannada Puntland.

Cabdikariin Xuseen Guuleed ayaa tallaabo ku dayasho mudan ku tilmaamay, daadajinta hannaanka dowladnimo, dimuqradiyenta iyo in shacabka dib loogu celiyo in ay go'aan ka gaaraan hogaamintooda.

“Doorashooyinka golayaasha deegaanka ee saaka looga dareeray degmooyinka Qardo, Eyl iyo Ufeyn ee Puntland waa bogaadinayaa, waana talaabo wanaagsan oo dhanka dimuqradiyadda iyo dowlad wanaagga loo qaaday,” ayuu yiri Cabdikariin Xuseen Guuleed.

Guuleed ayaa sheegay doorashada ka socota Puntlad in ay tusaale cad u tahay in dalka laga hirgalin karo muddo kooban doorasho qof iyo cod ah, haddii uu jiro rabitaan iyo qorshe dhamaystiran oo hoggaanka dalka uu la yimaaado.

Wuxuu sheegay in doorashadani ay tahay tallaabo horumarineed iyo muunad lagu dayan karo. Wuxuu sidoo kale tilmaamay in hannaanka matalaada ee doorashada tooska ah ay horey u marin karto kalsoonida shacabku ku qabaan dawladda.

Puntland ayaa 53 sano kadib noqotay meeshii ugu horraysay ee Soomaaliya ee laga qabanayo doorasho qof iyo cod ah, marka laga reebo Somaliland oo isku aqoonsan in ay aanay kamid ahayn Soomaaliya.

Abdiweli M. Sheikh, Hiiraan Online












Click here
10/25/2021 3:27 PM EST
Isniin, October, 25, 2021 (HOL) - Qaramada Midoobay ayaa Baaq kasoo saartay xaaladda Bini’aadamnimada ee soo cusboonaatay magaalada Guriceel ee Dowlad Goboleedka Galmudug.

10/25/2021 10:15 AM EST
Isniin, October, 25, 2021 (HOL) - Ciidamada Booliiska Somaliland ee gobolka Sanaag, ayaa bilaabay howlgalo ay ku qab qabanayaan dadka aan Somaliland u dhalan ee gobolka ku dhaqan, khaasatan dadka kasoo jeeda maamulka Koonfur-galbeed ee Soomaaliya, iyadoo ay shalay ku ekayd mudadii ay xukuumada Somaliland u qabatay in dadkaasi gobolka kaga baxaan.

10/25/2021 7:58 AM EST
Isniin, October, 25, 2021 (HOL) - Raysal wasaraha dowladda federalka Soomaaliya, Maxamed Xuseen Rooble, ayaa Puntland iyo shacabkeeda ugu hambalyeeyay doorashada golayaasha deegaanka ee ka bilaabatay magaalooyinka Qardho, Eyl iyo Ufeyn.

10/25/2021 7:50 AM EST
Isniin, October, 25, 2021 (HOL) - Banaanbaxaan maanta ka dhacay magaalada Muqdisho ayaa ahaa mid looga soo horjeedo dagaalka ka socda degmada Guriceel ee gobolka Galgaduud ee u dhaxeeya ciidamada dowladda iyo kuwa Galmudug oo dhinac ah iyo ciidamada Ahlu Sunna Waljameeca oo maalintii sadaxaad galay.

10/25/2021 4:51 AM EST
Isniin, October, 25, 2021 (HOL) - Wasaaraddaha Gar-gaarka iyo maareynta masiibooyinka heer federaal, heer dowlad goboleed iyo gobolka Banaadir ayaa ka shiray xaaladaha bini’aadannimo ee ka taagan qeybo ka mid ah Soomaaliya.

10/25/2021 2:53 AM EST
Isniin, October, 25, 2021 (HOL) - Wararka ka imaanaya wadanka Suudaan ayaa sheegaya in raysal wasaarahii dalkaasi Cabdalla Xamduuk la galiyay xabsi guri saakay oo isniin sida uu baahiyay Tv-ga Alxadath ee dalkaasi.

10/25/2021 2:13 AM EST
Isniin, October, 25, 2021 (HOL) - Puntlland, waxaa saaka waaberigii ka billowday doorashooyin dadweynuhu ay codkoodu wax ku dooranayaan markii ugu horraysay 53 sano kadib, sida uu sheegay guddiga doorashooyinka Puntland.

10/25/2021 1:58 AM EST
Isniin, October, 25, 2021 (HOL) - Wararka ka imaanaya degmada Guriceel ee gobolka Galgaduud ayaa sheegaya in Saakay markale uu dib uga bilaawday dagaal xoogan oo u dhaxeeya ciidamada dowladda iyo kuwa Galmudug oo dhinac ah iyo ciidamada Ahlu Sunna Waljameeca.