5/19/2022
Today from Hiiraan Online:  _
Wararka Maanta- Axad, Oct 24, 2021
Golaha Kacdoonka Gobolka Hiiraan iyo Odayaasha dhaqanka Hiiraan oo si kulul uga Jawaab celiyay hadal kasoo yeeray Yuusuf Dabageed
 

Axad, October, 24, 2021 (HOL) - Golaha Kacdoonka gobolka Hiiraan iyo Odayaasha dhaqanka gobolka Hiiraan ayaa si isku mid ah uga jawaab celiyay hadal shalay kasoo yeeray madaxweyne ku xigeenka Hirshabeelle Yuusuf Axmed Hagar Dabageed, kaasoo sheegay in magaalada Baledweyne uu imaanayo madaxweynaha Hirshabeelle Cali Cabdullaahi Xuseen Guudlaawe.

Hogaamiyaha Golaha Kacdoonka gobolka Hiiraan Jenaraal Abuukar Xaaji Warsame Xuud ayaa sheegay in Cali Guudlaawe uusan imaan karin Baledweyne, islamarkaana aysan jirin wax wadahadal ah oo dhexmaray Golaha Kacdoonka.

"Cali Guudlaawe iska keen Baledweyne maahan warka Dabageedna waa mid kicin dadweyne ah mana imaankaro Baledweyne isagana ma keeni karo Cali Guudlaawe, waxaan kalo cadeyneyna horayna aan u sheegay in diyaar aan u nahay in Baledweyne lagu qabto doorashada Golaha Shacabka Soomaaliya" Ayuu yiri Jenaraal Abuukar Xuud.

Waxaa sidoo kale si kulul uga jawaab celiyay hadalka madaxweyne ku xigeenka Hirshabeelle Odayaasha dhaqanka gobolka Hiiraan oo sheegay in Cali Guudlaawe uusan imaan karin Baledweyne, islamarkaana ay ogol yihiin in Baledweyne ay ka dhacdo doorashada Aqalka Hoose ee Baarlamaanka Soomaaliya.

"Waxaan markale ku celineyna in Cali Guudlaawe uusan Baledweyne imaan karin horayna waan u sheegnay hadana waan ku celineyna cid keeni kartana majirto, waxaana leeyahay Yuusuf Dabageed Cali Guudlaawe hadad adiga ula baxday Cali Baraf anagana waxaan ula baxnay Cali xaasid, Cali dhibaato, Cali Imtixaan, sababto ah dhibaato iyo xasidnimo asaga ka hor Hiiraan maba ka jirin, marka gobolkiisa Sh/dhexe ha ku ekaado" ayuu yiri Nabadoon Xarago oo ka mid ah Odayaasha dhaqanka gobolka Hiiraan.

Hadaladaan kasoo kala yeeray Golaha Kacdoonka Hiiraan iyo Odayaasha dhaqanka Hiiraan ayaa imaanaya xili Yuusuf Dabageed uu shalay magaalada Muqdisho ka sheegay in Baledweyne uu tagi doono Cali Guudlaawe inta aysan dhicin doorashada Aqalka Hoose, waxaana hadalka Dabageed uu imaanaya xili uu dhawaan sidoo kale Baledweyne uu ka dhex sheegay in wax walba oo tabasho ah oo ay qabaan reer Hiiraan la dhameyn doono doorashada kadib, waxaana hadalkiisa shalay uu markale cirka kusii shareeyay xiisada siyaasadeed ee ka dhaxeysa Hirshabeelle iyo reer Hiiraan oo markii horaba cakirneed.

Jamaal Cali Cabdi, Hiiraan Online
[email protected]












Click here
10/24/2021 6:50 PM EST
London, UK (HOL) - Ciyaaryahanka u dhashay dalka Masar ee Mohmaed Salah una safta kooxda Liverpool ayaa maanta jabiyey saddex rikoor oo ay horay u haysteen cayaartooy kala duwan.

10/24/2021 2:24 PM EST
Axad, October, 24, 2021 (HOL) - Maxkamada Gobolka Saaxiil ee Somaliland, ayaa xukun $20,000 oo ganaaxa ku riday laba markab oo nooca taaga loo yaqaano ee maraakiibta soo xidha ah, oo laga leeyahay dalka Togo, kadib markii lagu helay danbi ah in ay biyaha Somaliland si sharci daro ah kusoo galeen.

10/24/2021 2:13 PM EST
Axad, October, 24, 2021 (HOL) - Xaaladda magaalada Guriceel ayaa deggen caawa kadib markii shalay iyo saakay ay ka dagaallo culus ku dhexmareen ciiddamada Galmudug iyo kuwa dowladda federalka oo dhinac ah iyo ciiddanka Ahlusunna Wajaamaca.

10/24/2021 7:13 AM EST
Axad, October, 24, 2021 (HOL) - Xisbiga Waddani, ayaa xukuumada Somaliland ku eedeyay in ay u dhintay safarada shirkadaha qaarkood sida Flydubai, Airarabia iyo Daallo, si loo naas nuujiyo shirkado kale oo qoyska madaxweyne Biixi wakiil kayahay.

10/24/2021 6:37 AM EST
Axad, October, 24, 2021 (HOL) - Ugu yaraan labo qof ayaa ku dhintay tiro kalena way ku dhaawacmeen ka dib markii uu qarax Sabtidii xalay ka dhacay maqaayad caan ah oo ku taalla duleedka caasimadda Uganda ee Kampala.

10/24/2021 4:29 AM EST
Axad, October, 24, 2021 (HOL) - Dagaalamayaasha Al-shabaab ayaa goob fagaare ah oo ku taala deegaanka Booco oo ka tirsan gobolka Hiiraan waxay ku toogteen nin ay sheegeen inuu fara xumeeyay canug yar oo ka mid ahaa dadka deegaanka.

10/24/2021 4:15 AM EST
Axad, October, 24, 2021 (HOL) - Maamulka degmada Guriceel ee Galmudug ayaa sheegay inay si buuxda ula wareegeen gacan ku haynta magaalada Guriceel, ka dib dagaal xooggan oo halkaas ilaa shalay ku dhexmarayay ururka Ahlu Sunna iyo ciidamada dowladda.

10/24/2021 2:35 AM EST
Axad, October, 24, 2021 (HOL) - Doorashooyinkii ugu horreeyay oo qof iyo cod ah oo golayaasha deegaanka ah, ayay Puntland markii ugu horraysay qabanaysaa, 23 sano kadib aas aaskeedii.

10/24/2021 2:07 AM EST
Axad, October, 24, 2021 (HOL) - Wararka ka imaanaya magaalada Guriceel ayaa sheegaya in mar kale saakay halkaas uu ka bilowday dagaal u dhaxeeya ciidamada Galmudug iyo kuwa Ahlusunna Waljamaaca.