3/28/2024
Today from Hiiraan Online:  _
Wararka Maanta- Sabti, Oct 2 , 2021
Mid kamida dadka Laascaanood laga masaafuriyay oo ka waramay sidii loosoo qabtay iyo xaalkiisa
 

Sabti, October, 2, 2021 (HOL) - Cabaas Samaw Maxammed Xasan oo kamid ah dadka kasoo jeeda gobolada Koonfur Galbeed ee  Soomaaliya, ee Somaliland Laascaanood ka masaafurisay, ayaa sheegay in tirada dadka la masaafuriyay dhantahay 700 oo qof oo iskugu jira rag, dumar iyo caruur.

Cabaas oo waraysi siiyay wariye Siciid Xasan Faarax, oo ka tirsan idaacada Radio Garoowe, iyo Dalmar Media, ayaa sheegay in lagu guray baabuur waaraado ah, isla markaana, lagu sii wado magaalada Gaalkacyo iyadoo ay wadaan ciidamo Somaliland ah.

"Saaka ayaa nala soo qabtay, markaa dadka xagaa qasabka lagaga soo kexeeyay baanu nahay, waxaana nalagu wadaa magaalada Gaalkacyo, waxay nagu sheegeen in aanu nahay 700 oo qof, waxaana nalagu soo qaaday 9 baabuur oo waaraado ah, waxaana nala socda ciidamo Somaliland ah" ayuu yidhi Cabaas.

Cabaas ayaa sheegay in ciidamadii soo qabtay anay u sheegin sababta wakhtigan keentay mastaafurintooda, wuxuuna intaa ku daray in hantidoodi ay Laascaanood kaga yimaadeen, isla markaana, lasoo qabtay uun iyaga oo aan waxba lagala tashan.

"Nalooma sheegin sababta nalagu soo qabtay, lakiin, dumarkii iyo dhalinyaradii magaalada ka shaqaysanayay intiiba way soo qabteen, waxaana ka kamid ahaa dadka ganacsatada ah ee magaalada daganaa, lakiin, waynaga soo qabteen, hantidaydii Laascaanood ayay taalaa waxaanu nahay dad intaaso sano daganaa oo lasoo qabtoo iyagoon waxba loo sheegin" ayuu yidhi Cabaas.

"Maya maya wax aanu ka wada hadalnay oo ay noosheegeen malaha, askar ayuunbaa nasoo qabatay" ayuu Cabaas markale u sheegay wariye Siciid, oo waydiiyay in wax laga waydiiyay masaafurintooda.

Taliyaha Booliiska Somaliland ee Gobolka Sool, oo maanta galinkii hore waraysi siiyay isla, wariye Siciid Xasan Faarax, ayaa ku sababeeyay mastaafurinta dadkan, in ay yihiin dad ajaaniib ah oo aan Somaliland u dhalan, sidaa darteedna, gobolka looga masaafurinayo.

Abdilahi Abdirahman Mohamed, Hiiraan Online
[email protected]












Click here
10/2/2021 10:02 AM EST
Sabti, October, 2, 2021 (HOL) - Madaxweynaha Puntland Siciid Cabdullaahi Deni, ayaa guddoomiye cusub u magacaabay gobolka Nugaal, isagoo xilkii ka qaaday guddoomiyihii hore, sida lagu sheegay wareegto kasoo baxday madaxtooyada Garowe.

10/2/2021 9:56 AM EST
Sabti, October, 2, 2021 (HOL) - Golaha Wakiillada Somaliland ayaa ansixiyay in degmooyinka Caynaba, Talleex iyo Balli-gubadle loo dalacsiiyo darajada "B", halka markii hore ay ka ahaayeen degmooyin darajadoodu tahay "C".

10/2/2021 8:59 AM EST
Sabti, October, 2, 2021 (HOL) - Beesha caalamka ayaa mar kale ugu baaqday Madaxweyne Farmaajo iyo Ra’iisul wasaare Rooble in ay ka heshiiyaan khilaafka dhexdooda ayna sii wadaan dadaallada dhexdhexaadinta ah ee lagu xallinayo khilaafaadka.

10/2/2021 8:12 AM EST
Sabti, October, 2, 2021 (HOL) - Madaxweynaha Puntland, Siciid Cabdullaahi Deni ayaa safar aan la shaacin maanta oo sabti ah ugu ambo baxay dalka Imaaraatka Carabta oo kamid ah dalalka saameynta ku leh arrimaha Soomaaliya iyo gaar ahaan Puntland.

10/2/2021 7:48 AM EST
Sabti, October, 2, 2021 (HOL) - Raysal wasaaraha Soomaaliya Maxamed Xuseen Rooble ayaa maanta la kulmay guddoomiyaha Aqalka sare ee Baarlamaanka Fedaraalka Soomaaliya Cabdi Xaashi Cabdullaahi, Raysal wasaare ku xigeenka dalka Mahdi Guuleed iyo guddoonka guddiga doorashooyinka gobolada Waqooyi ee Soomaaliland.

10/2/2021 7:26 AM EST
Sabti, October, 2, 2021 (HOL) - Ciidamada Booliiska Somaliland ee Gobolka Sool, ayaa xabsiga u taxaabay Mawliid Ismaaciil Digeed oo ah wariye katirsan warbaahinta Halbeeg Media, oo ka howlgala magaalada Laascaanood.

10/2/2021 6:54 AM EST
Sabti, October, 2, 2021 (HOL) - Ciidamada Booliiska Somaliland ee magaalada Laascaanood ayaa raafaya dadka kasoo jeeda Koofurta Soomaaliya ee ku dhaqan magaalada Laascaanood, sida uu taliyaha booliiska gobolka Sool warbaahinta u sheegay.

10/2/2021 6:08 AM EST
Sabti, October, 2, 2021 (HOL) - Wasiirka Maaliyadda xukuumada Soomaaliya Dr. Cabdiraxmaan Ducaale Beyle ayaa sheegay in dhaqaalaha dalka uu meel wanaagsan ku socdo uuna rajaynayo in doorashada inta lagu jiro aysan samayn ku yeelan doonin hannaanka nidaamka Maaliyadda dowladda.

10/2/2021 2:30 AM EST
Sabti, October, 2, 2021 (HOL) - Madaxweyne ku xigeenka dowlad goboleedka Jubbaland Maxamuud Sayid Aadan ayaa wax lagu xumaado ku tilmaamay, hadallo xanaf leh oo loogu gafay qoyska dhibanayaasha ay ka baxday Marxuumad Ikraan Tahliil.

10/2/2021 1:54 AM EST
Sabti, October, 2, 2021 (HOL) - Hoggaamiyaha Ahlu Sunna Waljameeca Sheekh Maxamed Shaakir Cali Xasan ayaa faahfaahin ka bixiyay sababta keentay inay dib ula wareegaan ciidanka Ahlu Sunna degmada Guriceel ee gobolka Galgaduud.

10/2/2021 12:59 AM EST
Sabti, October, 2, 2021 (HOL) - Raysal wasaaraha Soomaaliya Maxamed Xuseen Rooble ayaa warsaxafadeed kasoo saaray xaalad kacsanaan ah oo kasoo cusboonaatay deegaanada Maamulka Galmudug, kadib markii ciidamo ka tirsan kuwa Ahlu Sunna ay la wareegeen degmada Guriceel.

10/2/2021 12:55 AM EST
Sabti, October, 2, 2021 (HOL) - Taliska ciidanka Ahlu Sunna Waljameeca ee la wareegay degmada Guriceel ee gobolka Galgaduud oo sheegay inuusan dhicin wax dagaal ah oo ay si nabadgalyo ah kula wareegern degmada Guriceel ayaa soo saaray amaro cusub.