9/27/2022
Today from Hiiraan Online:  _
Wararka Maanta- Sabti, Oct 2 , 2021
Taliska Ahlu Sunna Waljameeca oo amaro cusub kusoo rogay degmada Guriceel ee gobolka Galgaduud
 

Sabti, October, 2, 2021 (HOL) - Taliska ciidanka Ahlu Sunna Waljameeca ee la wareegay degmada Guriceel ee gobolka Galgaduud oo sheegay inuusan dhicin wax dagaal ah oo ay si nabadgalyo ah kula wareegern degmada Guriceel ayaa soo saaray amaro cusub.

Cali Faarax Maxamed oo ah taliyaha hoggaaminaayay ciidanka la wareegay gacan ku heynta Guriceel ayaa sheegay ineysan garoonka diyaaradaha Guriceel kasoo dagi karin diyaarad sida hub iyo ciidan oo ay mamnuuc tahay.

"Waxaan ugu baaqaya shacabka ku dhaqan Guriceel iney is dajiyaan oo aysan wax qalqal ah isgalin ciidanku waa ciidankii Ahlu Sunna Waljameeca oo idiin shaqeyn jiray" ayuu yiri Taliye Cali Faarax.

Waxa uu sidoo kale sheegay in dagaalkii shalay ciidamada dowladda Federaalka, kuwa Galmudug oo isgarab sanaayay iyo ciidanka Ahlu Sunna ku dhexmaray degaanka Bohol ee duleedka Magaalada Dhuusamareeb uu geystay khasaaro dhimasho iyo dhaawacba leh, islamarkaana weerarka ay lahayeen ciidanka dowladda iyo kuwa Galmudug Ahlu Sunnana ay iska difaacday.

Xaalada degmada Guriceel ee gobolka Galgaduud ayaa Saaka oo sabti ah eh mid degan kadib markii ciidanka Ahlu Sunna Waljameeca shalay galinkii dambe ay la wareegeen gacan ku heynta degmadaasi.

Jamaal Cali Cabdi, Hiiraan Online
[email protected]












Click here
10/2/2021 2:16 PM EST
Sabti, October, 2, 2021 (HOL) - Cabaas Samaw Maxammed Xasan oo kamid ah dadka kasoo jeeda gobolada Koonfur Galbeed ee Soomaaliya, ee Somaliland Laascaanood ka masaafurisay, ayaa sheegay in tirada dadka la masaafuriyay dhantahay 700 oo qof oo iskugu jira rag, dumar iyo caruur.

10/2/2021 10:02 AM EST
Sabti, October, 2, 2021 (HOL) - Madaxweynaha Puntland Siciid Cabdullaahi Deni, ayaa guddoomiye cusub u magacaabay gobolka Nugaal, isagoo xilkii ka qaaday guddoomiyihii hore, sida lagu sheegay wareegto kasoo baxday madaxtooyada Garowe.

10/2/2021 9:56 AM EST
Sabti, October, 2, 2021 (HOL) - Golaha Wakiillada Somaliland ayaa ansixiyay in degmooyinka Caynaba, Talleex iyo Balli-gubadle loo dalacsiiyo darajada "B", halka markii hore ay ka ahaayeen degmooyin darajadoodu tahay "C".

10/2/2021 8:59 AM EST
Sabti, October, 2, 2021 (HOL) - Beesha caalamka ayaa mar kale ugu baaqday Madaxweyne Farmaajo iyo Ra’iisul wasaare Rooble in ay ka heshiiyaan khilaafka dhexdooda ayna sii wadaan dadaallada dhexdhexaadinta ah ee lagu xallinayo khilaafaadka.

10/2/2021 8:12 AM EST
Sabti, October, 2, 2021 (HOL) - Madaxweynaha Puntland, Siciid Cabdullaahi Deni ayaa safar aan la shaacin maanta oo sabti ah ugu ambo baxay dalka Imaaraatka Carabta oo kamid ah dalalka saameynta ku leh arrimaha Soomaaliya iyo gaar ahaan Puntland.

10/2/2021 7:48 AM EST
Sabti, October, 2, 2021 (HOL) - Raysal wasaaraha Soomaaliya Maxamed Xuseen Rooble ayaa maanta la kulmay guddoomiyaha Aqalka sare ee Baarlamaanka Fedaraalka Soomaaliya Cabdi Xaashi Cabdullaahi, Raysal wasaare ku xigeenka dalka Mahdi Guuleed iyo guddoonka guddiga doorashooyinka gobolada Waqooyi ee Soomaaliland.

10/2/2021 7:26 AM EST
Sabti, October, 2, 2021 (HOL) - Ciidamada Booliiska Somaliland ee Gobolka Sool, ayaa xabsiga u taxaabay Mawliid Ismaaciil Digeed oo ah wariye katirsan warbaahinta Halbeeg Media, oo ka howlgala magaalada Laascaanood.

10/2/2021 6:54 AM EST
Sabti, October, 2, 2021 (HOL) - Ciidamada Booliiska Somaliland ee magaalada Laascaanood ayaa raafaya dadka kasoo jeeda Koofurta Soomaaliya ee ku dhaqan magaalada Laascaanood, sida uu taliyaha booliiska gobolka Sool warbaahinta u sheegay.

10/2/2021 6:08 AM EST
Sabti, October, 2, 2021 (HOL) - Wasiirka Maaliyadda xukuumada Soomaaliya Dr. Cabdiraxmaan Ducaale Beyle ayaa sheegay in dhaqaalaha dalka uu meel wanaagsan ku socdo uuna rajaynayo in doorashada inta lagu jiro aysan samayn ku yeelan doonin hannaanka nidaamka Maaliyadda dowladda.

10/2/2021 2:30 AM EST
Sabti, October, 2, 2021 (HOL) - Madaxweyne ku xigeenka dowlad goboleedka Jubbaland Maxamuud Sayid Aadan ayaa wax lagu xumaado ku tilmaamay, hadallo xanaf leh oo loogu gafay qoyska dhibanayaasha ay ka baxday Marxuumad Ikraan Tahliil.

10/2/2021 1:54 AM EST
Sabti, October, 2, 2021 (HOL) - Hoggaamiyaha Ahlu Sunna Waljameeca Sheekh Maxamed Shaakir Cali Xasan ayaa faahfaahin ka bixiyay sababta keentay inay dib ula wareegaan ciidanka Ahlu Sunna degmada Guriceel ee gobolka Galgaduud.

10/2/2021 12:59 AM EST
Sabti, October, 2, 2021 (HOL) - Raysal wasaaraha Soomaaliya Maxamed Xuseen Rooble ayaa warsaxafadeed kasoo saaray xaalad kacsanaan ah oo kasoo cusboonaatay deegaanada Maamulka Galmudug, kadib markii ciidamo ka tirsan kuwa Ahlu Sunna ay la wareegeen degmada Guriceel.